الشاعر خلف ابو زويد السنجاري من شمر
شاعر اشتهر بكونه اشهر من يصف الابل وكان لايقول الغزل بتاتا وورد ذات يوم على ماء
وكان عليه بنات منهن (خزنه ) الفضيل وخزنه الفضيل من اجمل بنات زمانها وبنت احد كبار قومها
فقالت للبنات: ابخلي ابو زويد يقصد فيني وركبت ذولا ولحقت به بعد ان صدر من الماء وكانت تباريه
وركبتها تضرب ركبته وتحادثه حتى امتلأت عيناه منها فقال هذه القصيده :
القلب يبرم بالهواجيس ويدير = من جادل جتنا طوارف طروشه
قام الفهيم وصخر القاف تصخير = قرايض ماولفوها الدحوشه
والله يلولا باقي الناس لا أشير = أخاف من ناس تنشر قشوشه
لا أقول عجوا با البني الغنادير = وعزي لمن له عشقة مايحوشه
مصور منبوز الارداف تصوير = تصوير وشحا نايشتها عطوشه
لا بالقصار ولا الطوال الطناطير = ولا بالغلاظ ولا دقاق نشوشه
خده من الموت الحمر به دواوير = كن الصعيوي دورجن في نقوشه
خده عفر واصفر كما ذوبة الكير = والخشم مصقول بلمات هوشه
والردف شط متيهن له على ضير = أمه جضور وراعيه ماينوشه
والا يشادي نايفات الحمارير = عقب الهبوب ونايشتها رشوشه
وثنيوات الترف غر مغاتير = من شافها يسقم على اردا معوشه
والعين عين اللي بروس العناقير = نجل سواد عيونها مع رموشه
وعند ماسمعت بتلك القصيده (مكيده بنت جمعان الغييثي ) من شمر ايضا
قالت والله ليقصد في وبعد وقت ذكروا ان ابو زويد ورد على الخبراء التي قريبه منهم فذهبت اليه
مكيده اتت الى الخبراء فقطعتها بالطول رافعه ثوبها وتخوض ا لماء حتى وصلت اليه قالت: انت خلف ابو زويد
قال الله الله
قالت انا يختك علي ثلاث نذور لين شفتك وابي اوفيهن
قال نعين ونعاون 0 فقبلته ثلاث قبلات
قبلته القبله : الاولى حتى ضاع نفسه وحين فكته قالت هذا نذر علي لين شفتك
والقبلته : الثالنه حتى ضاع نفسه وقالت هذا سلام الاخت على اخوها
وقبلته : الثالثه حتى ايقن بالهلاك وقالت هذه وداعيه لك
فقد صوابه خلف ابو زويد ومشى وهو لايعرف منهي ؟
فلحق به احد القوم بعد ان رحل قال يابو زويد وش قلت بمكيده؟؟
قال وشي مكيده؟؟ قال البنت اللي حبتك عند الخبراء
قال ابو زويد ووين اهلها ؟ ووصف له الرجل بيت ابوها فذهب اليه وبعد السلام
قال هذه القصيده
ياراكب اللي تقل تدرا من ايده = حمرا على السندا ضروم بشوعي
حمرا تدنا للديار البعيده = عمال مامرت عليها القطوعي
ركابها يوصل سلامي مكيده = حبه مخلي بالضماير مزوعي
كل نهار العيد عايد وديده = وانا نهار العيد عيدي دموعي
ياناس هنيت القلوب البليده = ماولعنه زاهيات الردوعي
جو جمع من كل سموى بديده = وجان البلا من ذيهبان النجوعي
الراس ذيل اللي تلوج بحديده = شقرا ترادي من سطرها الفزوعي
وبعد ان انتهى خرجت له مكيده وقالت ياخلف تراي معطيك ان ابوي اعطاك
قال ابوها الله اللي عطاك يابو زويد
وتزوجها ومكث ثلاثه ايام لايبرح البيت وبعد ان انتهى رحل وقال لابوها
ان غلب حظ بنتك علي تراها لك وان غلب حظي تراها لي
اي ان حملت فهي لي وان لم تحمل فهي طالق
وبعد مده اخبروه انها حامل وعادت اليه واتت بتركي ابنه واثنين اخرين
وسلامتكم امل ان تحوز على رضاكم
03/03/09, (12:52 PM)
والردف شط حوير له على ضير أمه جضور وراعيه ماينوشه
العرض العادي
