نوادر الرثاء
عايد السندي يرثى شقيقه المرحوم حباب السندي
مرحوم ياللي بأرض حايل فقدناه =عــز الله أنه ضاع منـا فقيده
أن قيل وأن ما قـيل وألا رثـيناه = أنا أشـهد أنــه راح منا وليده
سهم القـدر بأقـصى الغــزاله تمثنـاه = في حادث جعل الولـي مـا يعيده
أكمل مباني مسجدٍ زان مبنـاه = يـرجي ثـواب الله نظيـف العقيده
مشي صلاة الصبح وعجل بممشاه = قضا المهمه وأكمل الدرب سيده
أسرع شــوي وصـار ماكان يخشاه = ومـن قـوة الحادث تناثر حديده
مات العضيد اللي بفعـله عرفناه = رجل المواقف بالأمور الشديده
بكى علي قبره رجال مسماه = من غير صدقانه وغير البديده
أخوي لو يفدي بروحي فديناه = لاكن قضا رب الوري ما يريده
مرحوم ياللي دوم يضحك محياه = سمحن جنابه والمواقف حميده
فيه المروه والتواضع لمن جاه = يعطيه ماجوبه ولو هو ضديده
شهم ٍ وفي حميده سجاياه = يم العلا هو مات و نفسه بعيده
كمل دروب المجد والحمدلله = وأليا أنقضت كل البشر ما تفيده
وراح الفقيد وأكثر الناس تنعاه =عبرالأثير وما كتب بالجريده
يا الله ياللي طيبات عطاياه = يا من بديت الخلق تقدر تعيده
يطلبك عبدك مخلص وأنت رجواه = يا حي ياراعي العطايا الحميده
ترسل علي قبره عبير ٍ تغشلاه =غيث من الرحمه يفيض ويزيده
وأرسل علي قبره سحاب نثر ماه = يروي ثري قبر ٍ سكنه الفقيده
الله عنا بأحسن الخير يجزاه = وجنات عدن ٍ جعلها من رصيده
طالبك ربي جنة الخلد مثواه = أمين صلي الله علي أشرف عبيده
وقال الشاعر بن لعبون يرثي زوجته
سقي غيث الحيا مزن تهامي = علي قبر بتلعات الحجازي
عليه قلوب عشاقه ترامي = تكسر مثل تكسير القزازي
ويقول الشاعر ناصر بن كليب
متواعدين أرثاه وإلا رثاني = واليوم إنا بارثاه يوم الوعد حان
وقال الشاعر أحمد إبراهيم الحماد يرثي زوجته
دنيا عسي الله يكافي شرها ما هيب مأمونة = لو طابت أيامها ما تنومن من الغدر والخونه
ماهيب ترحم ولاتاوي ولا تبرد مخاطرها = تدفن زعلها سمه في لب ليمونه
العصر عندي زين الروح ونور البيت وسراجه = والصبح يا دافع الأقدار بالعود مدفونه
يا كود فرقاه عسي الله يصبرني ويجبرني = ويلطف بحالي وحال اللي شكا فقد مظنونه
أقف وأناظر محلة يوم أنا وياه بالماضي = وأهيض العبرة اللي في صميم الصدر مكنونه
سعدون العواجي يرثي ابنيه عقاب و حجاب
ي ونيتها تسع ونات = مع تسع مع تسعين مع عشر الوفي
مع كثرهن باقصى الحشا مستكنات= عداد خلق الله كثير الوصوفي
ونة طريح طاح والخيل عجلات=**ره حدا الساقين غاد سعوفي
على سيوف بالملاقى مهمات=سيفين أغلى ما غدا من سيوفي
وعلى محوص بالموارد قويات=أسقي بهن لو القبائل صفوفي
احشم بحشمتهم ولو هن بعيدات=وأنام لو ان الضوارى تحوفي
خليتني ياعقاب ما به مروات=عيالك صغار والدهر به جنوفي
من عقبكم ما نبكي الحي لو مات=ولاني على الدنيا كثير الحسوفي
ياطول ما جريت بالصدر ونات=على فراق معطرين السيوفي
ياعقاب عقبك شفت بالوقت ميلات=واوجست انا من ضيم بقعا حفوفي
مرحوم يا ناطح وجيه المغيرات=إن جن كراديس السبايا صفوفي
مرحوم يا مشبع سباع مجيعات=وعز الله أنه عقبكم زاد خوفي
الخيل تدري بك نهار المثارات=ياللي على كل الملا فيك نوفي
والخيل تقفي من فعولك معيفات=تاطا شخانيب الرضم ما تشوفياونة
وقال الشاعر المرحوم ناصر بن شريم في رثائه لزوجته
خليلي خلت منك المنازل ولا خلا = فؤادي ولا غيره نويت بديل
ألا يا حصاة القبر واللبن والثري =خلعتن فؤادي لين راح هبيل
ألا يا حصاة القبر ما تسمحين لي = أشوف العزيز اللي وراك ذليل
ألا يا حصاة القبر خفي وسامي = علي مترف ما يحتمل ثقيل
إلا يا حصاة القبر وإن ضيف الحيا = جوانيك ما صكت عليه يسيل
وقال الشاعر مرشد البذال يرثي محمد السديري
علم بعث بالقلب حر الكوايا = أثر علي جرح تدمدم ولا طاب
مرحوم يا قايد جموع السرايا = في حكم أخو نوره دفعها لجناب
عبد العزيز مدرسة بالخفايا = ركز علي ولد السديري ولا خاب
أكل من الجيش المعادي ضحايا = ودور علي جيزان تدويرت عقاب
وقال المرحوم الشاعر علي عبد الرحمن أبو ماجد راثياً والده
العفو ثم العفو يا مجري الكون = يا عالم عدل الزمان ومياله
تجبر عزاي بوالد فيه عزون = ياليت عزرائيل دور بداله
ليتني سبقته بالمنية وممنون = واللي بقالي من حياتي بقاله
ما مقصدي للي بيته يضيعون = كل علي الله مرزقه واتكاله
لا شك له عندي مطاليب وديون = ودي أوفي من حلالي حلاله
مرحوم يا عود من اللي يصلون = صلاته لله ما هيب ختاله
مرحوم يا عود من اللى يعدون = أحلي ما عنده طريفه عياله
وبعد سنة من رثائه توفي رحمه الله فرثاه ابنه الشاعر ماجد العلي
دنيا تفاجئ بالمصايب مفاجات = عدو عينك يجعله راس مالي
العام جد وها لسنة والدى مات = الله يرحمهم وأنا لي مجالي
لو البكا ينفع لجاهر به أصوات = لدام يجلس من غدالي قبالي
ولخج وسط السوق روحه وجيات = عريان لو سجل على الهبالي
وقال الشاعر عبد الله بن حسن يرثي الشاعرين عبد العزيز البادى ومساعد الغزي
فجان علم جان من بعض الإخوان = بشع ولا بيدي من الأمر حيله
علم الرفيق اللي دها القلب واشقان = عبد العزيز البادي مسلى قبيله
ومساعد الغزى رفيقه بليهان = الكل منهم راح ربه كفيله
شالتهم الأحداث والدرب سلطان = تغرنا الدنيا نحسبه طويله
الكل منهم عادته فعل الإحسان = وعلومهم بين الرفاقة جميله
جتهم منيتهم بحق وبرهان = يرجون عفوك يا منجي دخيله
أبكي ضحى وأبكي مسيان = وأقوم وأقعد كن حدري مليله
ما بالبكا والتوجد اليوم ميدان = جيش المنايا شالت اليوم شيله
الله يرزقنا السكينه والايقان = من جور هاالدنيا وعدله وميله
راحت سوالفهم مع فلان وفلان= كنه سواليف ألف ليله وليلهوقال محمد المسلم يرثي زوجته
البارحة يوم الخلايق نياما = بيحت من كثر البكا كل مكنون
ولى ونه من سمعها ما يناما= كنى صويب بين الأضلاع مطعون
والا فونه راعبيه حماما = غادى ذكرها والقوانيص يرمون
تسمع لها بين الجرايد حطاما = من نوحها تدعى المواليف يبكون
والا خلوج سايب للهياما =على حوار ضايع فى ضحى الكون
والاحوار نشقوله أشماما = وأمه تطالع يوم جروه بعيون
والا رضيع جروعه الفطاما = أمه غدت قبل أربعينه يتمون
جاه القدر من بعد شهر الصياما = صافى الجبين بثاني العيد مدفون
كسوه من عز الخرق ثوب خاما = وقاموا عليه من الترايب يهلون
حطوه في قبر عساه الهياما = في مهمهه من عزب الأموات مسكون
ياحفرة يسقى ثراك الغماما = مزن من الرحمة عليها يصبون
وعسى البخترى والنفل والخزاما = ينبت على قبر هو فيه مدفون وقال جديع ابن سويدان يتوجد علي زوجته بعد وفاتها
يا رجم عديتك وعدابي البين = والقلب في راسك تبيح كنينه
الله لا يسقي مفاليك عامين = ذكرتني راع الطبوع الحسينه
مرحوم ياللي جهزوه يوم الاثنين = العصر من فوق النعش شايلينه
حطو علي منبوز الأرداف سافين = حطو عليه اللبن ملحدينه
يا ليت كفي حدر خده عن الطين = والكف الآخر فوق صافي جبينه
ويا ليت يومي قبل يومه بيومين = ويا ليت المرض من بيننا جاسمينه
لا يا حياة الشر عقب أريش العين = لا والهني من شافنا تابعينه
وقالت الشاعرة رقيمة العريني عندما تذكرت زوجها
البارحة عني لذيذ الكري طار = ليل سهرته من حنين لحاشي
خلا دموعي فوق الأوجان نثار = مثل المطر لا جانهار الرشاشي
أبكي خليل ما يغشي علي الجار = ما مرة بالعمر للجار هاشي
لعل عظمه ما يجي واهج النار = في جنة الفردوس حلو المعاشي
وعساه بالجنة من الحور يختار = برحمة المولي وسيع الفراشي
ويقول الشاعر سلطان بن نمر القحطاني في رثاء زوجتـه
يا معمر الدنيا تري الدهر غدار = خسران يا من باع دينه بدنياه
لج الضمير وهاض من باب الأشعار = أمواج من صدري تفارع من أقصاه
من ونتي يبسن زماليق الأشجار = يا ناس من مثلي صبور بما جاه
من ونتن ونيتها وقت الأسحار = ونت فطيم جاير الحزن يبراه
او ونة اللي له زمانين به زار = جاه الطبيب ولا عرف غاية دواه
أبكلي وليف حط بالقبر أبو غار = عزي لعين ما تهنت بلا ماه
يا قبر جاك في دجا الليل خطار= باشوف من حطو وسادة زوياه
والله لولاني حليم وصبار = والرب ثبتني بدينه وتقواه
ولولاي أخاف من الرب والنار = لا سم روحي بعض الأيام واقفاه
ولولا الحيا لابني علي القبر لي دار = وأتم جالس عند قبره ما أتعداه
وقال عبد الله بن غيث يرثي أخاه
مريت في بيته وليا الحبل مبروم = وفكرت بأركانه وليا البيت خالي
وزجيت زفرة عبرة البين مهموم = وصفقت بكفي اليمين الشمالي
غديت كني تايه الدار منجوم = تغطلست صار الجنوب الشمالي
كيف ابنام وساقف البيت مقصوم = عضيدي اللي بالمودة صفالي
ما قط غضب خاطري يوم = ولا خبر يوم قال ذا لك وذا لي
عساه بالجنة عن النار معصوم = منبجح مع راجحين الأعمالي
وتقول الشاعره نزيا الشمرية
من عقب ماني صايمة بس أصلي = اعرضت أنا من شد ما جرالي
تسعين لحية كلهم دنوتلي= عوجان الألسن ذبحوهم قبالي
عيالنا بالشمس ما هم بظلى= وحريمنا دجن بليا رجالي
وقالت الشاعرة كنة الشمرية ترثي زوجها
باقي العرب موتهم تخفيف= مير البلا موت عبد الله
مرحوم يا مهلي بالضيف = يا مكثر الهيل بالدله
إذا مسك زينة التوصيف = الدم من مضربه شله
يا ما صفقهن ووردن عيف= ويا ما حمي كل منتله
ولها أيضاً
يا رجم ما شفت عبد الله = ما نط بك وقت الأدماس
يا رجم أنا سايلك بالله = أي المراجا والأياس
حلفت عن كل خلق الله = أرجيه إذا حشروا الناس
وشاعرة من البادية ترثي أهلها
أبكي هلي أهل الدلال المليحة = إخواني اللي إذا بغوا لازم تم
يا العبد هاذي من الحكايا الفضيحة= خل السهر وأنت يا لعبد قم نم
من اول نامر تجي بالذبيحة = واليوم يا عصر الندم صرت لي عم
وقالت الشاعرة نورة المحمود عندما رأت طيف زوجها في المنام بعد وفاته
قبلان هارجني وأنا في منامي = وفزيت له ما بين فرحة ودهشان
كاذبات خاينات بالأحلامي = للعين جابنه وهو يم كبشان
الشيخ شالح بن هدلان يرثي ابنه ذيب
يا ربعنا ياللي على الفطّر الشيب = عز الله أنه ضاع منكم وداعه
رحتوا على الطوعات مثل العياسيب = جيتوا وخليتوا لقلبي بضاعه
خليتوا النادر بدار الأجانيب =وضاقت بي الآفاق عقب إتساعه
تكدرن لي صافيات المشاريب = وبالعون شفت الذل عقب الشجاعه
يا ذيب أنا بوصيك لا تاكل = كم ليلةٍ عشـّـاك عقب المجاعه
كم ليلةٍ عشـّـاك حِرش العراقيب= وكم شيخ قوم ٍ كزته لك ذراعه
كفه بعدوانه شنيع المضاريب= ويسقي عدوه بالوغى سِم ساعه
ويضحك ليا صَكّت عليه المغاليب = ويلكد على جمع العدو باندفاعه
وبيته لجيرانه يشيّـد على الطيب= و للضيف يبني في طويل الرفاعه
جرحي عطيب ولا بقى لي مقاضيب= وأفخت حبل الوصل عقب إنقطاعه
كني بعد فقده بحامي اللواهيب= وكني غريب الدار مالي جماعه
من عقب ذيب الخيل عِرج ٍ مهاليب= ياهل الرمك ما عاد فيهن طماعه
قالوا تطيب وقلت وشلون أبا طيب= وطلبت من عند الكريم الشفاعه
04/12/09, (01:44 PM)
**من نوادر شعر الرثاء
العرض العادي
