كـن الـحـــلا فـي عــنــقــهــا عــقـــد ســلــســال !!

[منصور الرويلي]

ياعاذلي لاعاد تنشد عن الحال = أنشد عن اللي تنشد الحال عنها
الغاده اللي يوم تطري على البال = أجي لها والروح تنقل كفنها
لها أعترفت أن الغلا يملك رجال = وسلمتها قلبي وتآمر وتنها
في وصفها شعري معانيه تختال = لها أكتبه وأكتب معانيه منها
من وين أببدى وصفها واضرب امثال = والزين منها والجمال معّـدنها
كن الحلا في عنقها عقد سلسال = هام بغلاها ومن حلاها زبنها
في خصرها جنه وبعيونها آمال = تعزف على كل المشاعر لحنها
لـيا أقبلت باشراقةٍ تفـضح الشال = أفز دهشه والعيون أتحظنها
لعيونها لو عشت غربه وترحال = تبقى بقلبي هي وحيدة زمنها
شيخة غلاي اللي لها القلب منزال = عمري لها فدوه وروحي وطنها

*
*
*

[منصور الرويلي]

البال يقطف هواجيس الظلام البليد = وبنت الفكر شامة الفرقا على خدها
تبكي على حلمي اللي مات ماهو شهيد = يوم أنتحر بالظروف ولاكسب ودها
ثلاثة أعوام مر العيد من دون عيد = للعيد فرحه مع الأفراح ماعدها
هناك غلطه وحزن أمي وواقع عنيد = وهنا القلق والوجـّيـه وسالفة صـدها
اللي بقى جرح يكتبني قديمه .. جديد = لأطلال تاقف بي الذكرى على حدها
عمري مسيره وقلبي بين نار وجليد = أربع فصول المواجع بيحّت سدها
والفرحه اللي بقت عبره وحسرة وقيد = وسـوالف التيه آخـر كلمه أردهــا
يارغبة البوح من نزف الوريد .. لوريد = أن جتك كلمه تعيد الجرح لا تهدها
دام الملل في حياتي غـير شكله فريد = تنهيدة أمسه تسافر بي على غدها
لـو بالقصيده يكون الحلم لحظات أكيد ؟ = قلت لزماني على كل الزمن بدها
حتى أني أهرب من العالم لعزلة وحيد = من نفسي اللي تلـهّـف والنوى هدها
جينا من أقصى التعب للراحه أربع عبيد = أنا ونار السؤال وجرحي وردها
قبل أكتب الشعر وأبحر مع خيال القصيد = كنت أتمنى قصيده جزرها .. مدها
واليوم شـاعـر ولأني في حياتي سعيد = يانبض روحي حروفكِ عاد من قدها
البال يقطف هواجيس الظلام البليد = وباقة قصيدي تعبت أجمع بـوردهـا

*
*
*

[هندي المقبل]

ليـا أقبـلـت باشـراقـةٍ تفـضـح الـشـال ===== أفـــز دهــشــه والـعـيــون أتحـظـنـهـا
لعيونهـا لــو عـشـت غـربـه وتـرحـال ====== تـبـقـى بقـلـبـي هـــي وحـيــدة زمـنـهـا

----------------
صح السانك والي المزيد من الابداع والشموخ

مع كل الود اخوي منصور

[منصور الرويلي]

الغالي السيف القادم


شـكـراً مـن أعـمـاق الـشـعــر
لـمــرورك الـعـذب سـعـادةٌ أخــرى
أدام الله وجـودك ولك محـبـتـي يانـقـي

[سلطان المسلط]

منصور الرويلي



من أجمل ما قرأت


بدون مجامله .. انت رائع



سجل اعجابي



سلطان المسلط

[سعوط المجانين]

الشاعر \ منصور الرويلي

صح لسانك ولاهنت قصيده ولااروع من شاعر لايختلف عليه اثنان

في انتظار جديدك ...

[منصور الرويلي]

الغالي سلطان المسلط

دام وفـاءك ودمــت بـخــيــر