يا صاحبي

[عبدالله المعيوف الدهمشي]

يا صاحبي ما همني حكي الانذال=مادام حكي الناس سبة حسدها
سمعي ثقيل إليا تردنّ الاقوال=ولساني أثقل لو بعينه شهدها
تركت قول ٍ قيل من عرض الامثال=شف غلطة الشاطر وقم وانتقدها
واخذت حكمة عارف ٍ عاقل ٍ قال=النار لا زادت من المي زدها
كم من فتى ً محدن تهقواه رجَّال=أشرف على رجوم الشرف ما جحدها
العمر لحظه والمخاليق رِحال=والسلم مطمح والوغى امر وادهىاا
والسالفه لا صارت تزعل رجَال=اكتم نفَسْها واربط وشد يدها
وليا عتبت اربط على الحكي بحبال=لا يطيش يذبح خوة ٍ في مهدها

[فــرج الدهمشي]

اتشرف بالحضور الاول بهذه الرائعه

الشاعر عبد الله الدهمشي

صح لسانك وقلبك ولله درك

تقديري

[عبدالله المعيوف الدهمشي]

اقتباس:
المشاركة الأصلية كتبت بواسطة فــرج الدهمشي
اتشرف بالحضور الاول بهذه الرائعه

الشاعر عبد الله الدهمشي

صح لسانك وقلبك ولله درك

تقديري




صح بدنك اخوي فرج

والشرف لي بمرورك

كل الشكر لك

لا عدمتك

[بنت الكحيلا]

صح لسانك اخوي عبدالله المعيوف

والله يعطيك العافية على القصيدة الرائعه

كتبت فأبدعت بارك الله فيك


لك شكري وتقديري

[سالم صالح]

عبدالله المعيوف ,,


صح السانك شاعر رااائع وممتع ولاتاتي الا بالجزل


تقبل تقديري وودي

[سعد النفج]

ابداع و لا غرابه ..
صح لسانك ..
استمتعت بنصوصك يا راقي ..
دمت بود ..

[عبدالله المعيوف الدهمشي]

الاخت بنت الكحيلا

الاخوان

سالم صالح

سعد النفج

شرفني مروركم الكريم

لا عدمتكم