قررت انا اصير شاعر وادخل الملعبه

[البدر]

ياهلا بهالحضور اللي يسعد ويشرف

مشهور الرشدان الله يحييك ومدامك في صف درع عنزه ابشر بالعزه هذا درع لعنزه كلهم خلك معه بس

صبيح العوض حضورك شرف لي في اول محاوره والله يسترها

الاستاذ الكبير وعملاق المحاوره : نافع عيد الجديد

ياهلا والله بك في محلك وتشرفت بوجودك في هذه المحاوره وتراني ما استغني عن ملاحظاتك وتوجيهاتك حتى اصير شاعر محاوره محترف واستلمك في محاوره الا ان صرت بصفي <<<< ياحول قال له بيتين محاوره وصار يهدد ههههه

[حمد الضوّي]

اقتباس:
المشاركة الأصلية كتبت بواسطة البدر
ياحي الله الشاعر حمد الضوي

ياشين انت وين الله جابك لي .. انا اذا اجيت ابي انتقد قصيدتك اخاف منك لاني اعرف انها قصيدة شاعر كبير ومن القله النادره بهذا المستوى .

اطيح بيدك في اول محاوره..

على كل لن اسبح ضد التيار!!!!! لذلك سأقول لك

كلامك مردود عليك البيت مابه ثقل ولاشيء ورجاء لاعاد تنتقدني <<<<<تبي الصدق والله مدري لوهو مكسور بس عاد حاول تقراه كذا او كذا لين تحصل له وزن جيد لاني انا مااشوفه مكسور وان لقيته مكسور مشها عاد اخووك عليمي شكلي كله مره اغني على لحن هههه

ولي الشرف والله اني اتعلم منك ياحمد


الزبده استلم الرد

مامن غرابه وهذي ياولد تجربه = من بعدها اصير فارس ضمن فرسانها
وين الصعوبه مادام الفرس مستعربه = بصير شاعر وناقد واضبط اوزانها

الله يبقيك أخوي

البدر

وصح لسانك وبيض الله وجهك

ومن ناحية شطر البيت الذي تطرقنا له هذه وجهة نظري الخاصه وقد تكون في غير محلها
وآسف إذا كنت مخطئ ولو إن عبارة (كلامك مردود عليك قويه جد ً خاصه إذا أتت من أخ عزيز مثلك)
وياليت أحد شعراء هذه الشبكه يتدخل ويقول الصدق إذا أنا على خطاء يوجهني وأقول له مشكور......

وقولك( رجاء لاعاد تنتقدني) برضه أنا آسف ولكن لماذا هل هو على شانك ناقد ، يفترض من الناقد أن يتقبل النقدالبناء ولاينزعج عندما يوجه له نقد إلا إذا الناقد معصوم من الأخطاء هذا شئ آخر...........

ولا يفوتني أن أشكرك أخي البدر حيث إنك جعلتني أدخل هذه التجربه أي شعر القلطه
وأنا والله بحياتي ماقلت بيت بشعر القلطه ، فاليعذرني من يجد أخطاء بردودي وتعرفون حالة المبتدئ

وسع صدرك يالغالي بارك الله فيك

وأستلم

دامك نويت التحدي فالحزام إكربه=قدامك أم المعارك يصهل حصانها
الرجل يحسب حسابه ويعرف مكسبه=خالف هوى النفس لايغويك شيطانها

تحايا

[حمد الضوّي]

اقتباس:
المشاركة الأصلية كتبت بواسطة صبيح العوض
الشاعر البدر

الشاعر حمد

صح الله السنتكم مبدعين مشالله عليكم مايصعب عليكم شي لابنظم ولابالمحاوره ولابنقد متفوقين بجميع اغراض الشعر

متاااااااااااااااااااااااااااااااااااااااااااااااا اااااااااااااابع



الغالي صبيح العوض


حياك الله أخوي مرورك شرف بحد ذاته
والله يستر من محاورة الليله بين شاعر نظم وناقد عاد دبرها
لا وفيها شئ من الكلام اللاذع


تحايا

[حمد الضوّي]

اقتباس:
المشاركة الأصلية كتبت بواسطة نافع عيد الجديد
الله الله
شعار كبار ومتابع وبين الصفين



نافع الجديد



هلا بك يسعدني مرورك وأنت شاعر محاوره عملاق
نستفيد منك بلا شك




تحايا

[البدر]

استاذي الكريم



حشا لله ان اقصد ماكتبته في ردك



اخوي الكريم يبدوا ان لم تفهم ما اردت ايصاله في تعليقي السابق عليك ولو ركزت في ردي

على كل لن اسبح ضد التيار!!!!! لذلك سأقول لك

ومن ثم قلت الجمله التاليه

كلامك مردود عليك البيت مابه ثقل ولاشيء ورجاء لاعاد تنتقدني

وعلقت انا عليها بـ

<تبي الصدق والله مدري لوهو مكسور بس عاد حاول تقراه كذا او كذا لين تحصل له وزن جيد لاني انا مااشوفه مكسور وان لقيته مكسور مشها عاد اخووك عليمي شكلي كله مره اغني على لحن هههه

ولي الشرف والله اني اتعلم منك ياحمد

اخوي حمد الشيء اللي انا قصدته هو تعليقي الملون بالاخضر



اما الكلام اللي قبله فلم يكن الا تهكميا وان شاء الله تكون فهمت حتى لاتظطرني للتوضيح اكثر ونزعل الناس !!!





وبالعكس يالغالي ارحب بالانتقاد من اي واحد فما بالك اذا الانتقاد من شاعر بحجمك اما عن الشطر انا بلحني مايطلع مكسور يمكن لحنته او نطقت الكلمه بطريقه مختلفه وان كان مكسور فمنك نتعلم ووجهة نظرك على عيني وراسي ولن اصر على رائيي ابدا



آسف لسوء الفهم اللي حصل



استلم طال عمرك

ام المعارك بطلها طاح من منصبه = مافادته يوم ضحوا به على شأنها
ليتك تراجع كلامك قبل لاتكتبه = والنفس تحصينها في زايد ايمانها

[حمد الضوّي]

البدر


هلابك مرة أخرى

وصح لسانك
ولاتأخها بالجديه ترى الوضع سهل وصدر اخوك أوسع من مساحة المملكه
بس حبينا نشعللها شوي فلا تروح بعيد
وابشرك الوضع مفهوم والخاطر سمح


وأستلم لاعدمتك

أم المعارك بطلها كبرياه إنكبه=ومن طيش تاه الطريق وجارته خانها
هرجك فهمته ولا يحتاج لي تعربه=لكن عان السلامه والسعه عانها

تحايا

[البدر]

يسلم راسك يابعدي وهذا العشم فيك

خلووووووها

دامك فهمت الكلام احفظه لاتسربه = بعطيك انا السالفه من بعد عنوانها
بتصير مشهور والمشهور مانعذربه = دام المشاهير ماتخطي بقيفانها