بسم الله الرحمن الرحيم
الجبرتي
ياســلام الله عـلاكــم ياهل الشعبية
يالرجال اللي ديرها من المشيح وغادي
جيتكم باغى الفرح وأنا حسين النية
والــدًيــر هــذي ديـرنـا والـبــلاد بـلادي
صياف
مــرحــبـا وديارنا بسيوفنا محمية
فالشمــال وفاليمــن والا ورى بـغـــدادي
يالجبرتي رجلك اليمنى تزل شويه
واليا بغيت تنادي الـعــربان كيف تنـادي
الجبرتي
الـخـيــال خيال لكن الحصيل بليه
وصادني رجـــال والا العــود ماينصادي
بعد ربي جابني بين الحنش والحيه
بشرب الفنجال الأشقر واشــرب البرادي
صياف
أنت مثل الذيب الأشعب مدرق فالفيه
مير صــادك واحــدن قـفــل عـلاك الوادي
الـجــنـيــه اللي يضـويـلك ميـة ربيه
أخير لك من بلشـة الـمــحدار والمسنادي
الجبرتي
والله إني مادريت إن الـعـلــوم كذيه
والعلوم تهون وأنتم يالحروب اسـيـــادي
الحساني بالحساني وأنت لاتسوي سيه
ولاتحــد شـدادكــم حـتــى نـحــد شــدادي
صياف
أنت تبغى البينه والا تبى السريه
والطـريق الـمـلـتــوي خـلك عنه متحادي
لاتقول ابنطوي وماتت الـجـنـيـة
مير ودعـهــا ولاتـدريـبــك الـحـســـــادي
الجبرتي
أنت ياصياف ابوجبه وابوطاقيه
كنت تاخــذهــا من الـوقـــاف والـقـعــادي
يابعير القـوم ياللي لفته سـعليه
الخطــام خطـــام راســك والقيـاد قـيـــادي
صياف
مامشينا غير درب السنه الممشيه
وأنت مايبقالك الا الـنــوم والـمــرقــــــادي
ربع ساعة طار صقر وقعت حنديه
وأنت لاتغسل إيداك والـغــدى مـاجــــــادي
الجبرتي
أنت قابلك ديار من الدهر صقعيه
وأنت طـرقـي مامـعــك بـــدرة ولا لك زادي
17/01/11, (04:06 AM)
من أجمل محاورات محمد الجبرتي وصياف الحربي يرحمهم الله
العرض العادي
