ماودي الناس تدري وش يبكيني

[نافع عيد الجديد]

اعجبتني ونقلتها لكم

مـن عـز نـومـي صـحـيـت وشـفـت فـي عـيـنـي=دمـع تـهـادى عـلى جـفـنـي وأنـا غـافـي
سـتـرت دمـعـي بـكـمـي قـبـل يـغـريـنـي=وأخـذت هـذا الـجـسـد مـن بـاقـي لـحـافـي
وسـريت تـايـه ورى خـطـوات رجـليـنــي=لا الوجـه وجـهي ولا أوصافي هي أوصـافي
أمـشـي وأقـول لـطـريـقـي لاتـوديـنـي=لـعـيـون نـاس تـبـي تـدري عـن الـخـافـي
أمـانـتك .. خـلـها مـابـيـنك وبـيـنـي=خـابـرك يـالـدرب خـوة عـمــر وسـنــافي
مـاودي الـنـاس تـدري وش يـبـكـيـنـي=كـرامـة الـنـفـس ورث أبـوي وأســـلافــي
أمـشـي وأحـس الـخـنـاجـر فـي شـرايـيـنـي=والـبـرد يـمـشـي وراي ويـنـهـش أطـرافـي
وحـيـد والـلـيـل بـردونـه يـغـطـيـنـي=تـقـول كـن الـبـلد روح بـهـا الـســافــي
إلـيـن مـاأوحـيـت لـي صـوت يـنـاديـنـي=صـوت أعـرفـه مـثـل ما أجـهـل وش خـلافـي
قـمـت أتـلـفـت وأنـادي ... لاتـخـلـيـنـي=مـاغـيـره الـصـوت .. هـذا صـوتـه الـدافــي
ولـمـحـت زولـه مـن أقـصـى الـدرب لافـيـنـي=مـدري وش أقـول لـكـن حـي هـا الـلافــي
تـعـال .. شـف غـيـبـتـك كـيـف أثـرت فـيـنـي=تـعـال .. شـفـنـي وأنـا أغـرق عـقـب مـجـدافـي
تـعـال.. خـذنـي ورحـبـي مـن عـنـاويـنـي=تـعـبـت أعـدي عـلى جـمـرك وأنـا حـافـي
تـعـال وإقـطـف بـصـوتـك زهـرة سـنـيـنـي=كـل الـمـواعـيـد عـقـبـك شـمـعـهـا طـافـي
تـعـال وش فـيـك خـايـف أنـت نـاسـيـنـي =قـطـعـت صـوتـي عـلـيـك وطـال مـيـقـافـي
حـتـى بـديــت أشـعـر إن الـحـب مـعـمـيـنـي=وإن أنـت حـلـم عـثـى فـيـنـي وأنـا غـافـي
لـكـن أمـانـه تـرى الـلـي فـيني كـافـيـنـي=إن رحـت مـنـك كـذا مـارحـت مـتـعـافـي
بـصـّدق الـحـلم وأحـذر لا تـصـحـيـنـي=فـي خـاطـري كـلمـتـيـن وإن قـلـتـهـا كـافـي
أمـانـة الـلـه عـلـيـك إن غـبـت عـن عـيـنـي=لا يـكـون قـلـبـك مـثـل قـلـب الـزمـن جـافــي
مـع كـل دمـعـه تـذكـر رعـشـة يـدينـي=ومـع كـل ضـحـكـه تـذكـر قـلـبـي الـوافـي

منقول

[سليمان الجعفري]

الاخ العزيز/ نافع عيدالجديد

صح لسانك ولسان الشاعر قصيده رائعه

الله يعطيك الف عافيه على النقل المميز

وهذا يدل على حسن ذوقك الراقي .. لاهنت

لك اجمل التحايا والاحترام

[عبدالعزيز السعود]

أمانة الله عليك إن غبـت عـن عينـي=لا يكون قلبك مثل قلـب الزمـن جافـي
مع كـل دمعـه تذكـر رعشـة يدينـي=ومع كل ضحكـه تذكـر قلبـي الوافـي

الله عليك ياابو عيد تسلم يمينك على هالاختيار الجميل وعلى هالذائقة الشعرية الرآقية ..تحياتي ,,

[نافع عيد الجديد]

المشاركة الأصلية كتبت بواسطة سليمان الجعفري

الاخ العزيز/ نافع عيدالجديد

صح لسانك ولسان الشاعر قصيده رائعه

الله يعطيك الف عافيه على النقل المميز

وهذا يدل على حسن ذوقك الراقي .. لاهنت

لك اجمل التحايا والاحترام

هلا اخوي سليمان الجعفري

لاهنت على المرور المشرف والاطراء الجميل

تقبل تحياتي وتقديري

[هبوب العنزي]

لا الوجه وجهي ولا أوصافي هي أوصافي
أمشـي وأقـول لطريقـي لاتوديـنـي
لعيون ناس تبـي تـدري عـن الخافـي
أمانتـك .. خلهـا مابيـنـك وبيـنـي
خابرك يالـدرب خـوة عمـر وسنافـي
مـاودي النـاس تـدري وش يبكينـي
كرامـة النفـس ورث أبـوي وأسلافـي


صح منطوق قايلها وتسلم يانافع على الانتقاء الرائع ,,

[حـــور]

شكرا على الانتقااء الراائع

ودمت بخير

[نافع عيد الجديد]

المشاركة الأصلية كتبت بواسطة عبدالعزيز السعود

أمانة الله عليك إن غبـت عـن عينـي=لا يكون قلبك مثل قلـب الزمـن جافـي
مع كـل دمعـه تذكـر رعشـة يدينـي=ومع كل ضحكـه تذكـر قلبـي الوافـي

الله عليك ياابو عيد تسلم يمينك على هالاختيار الجميل وعلى هالذائقة الشعرية الرآقية ..تحياتي ,,

لاهنت على المرور المشرف والاطراء الجميل

تقبل تحياتي وتقديري