الخــط العــريـض؟ - °~*¤®§(§ شبـــكة ويــلان العـربـيـه §)§®¤*~ˆ°

**حمد الخمعلي** · 17/01/11, (01:20 AM)

مع التحيه للجميع

ليا حتمى الماقف ودم الغضب ثار= ماني من اللي يتقي باللزومي
حنا هل الوقفات شبابت النار=يشهد لنا التاريخ ماهي علومي
احرار نسل احرار من ماكر احرار= ماهي حلوم اللي يعشق الحلومي
اعيال وايل تحمي الضيف والجار=عزٍ لهم يوم الرخا مايدومي
ياللي تصب الما على عرق الاشجار= الارض صبخى والهبايب سمومي
ولانته محصل من ورا الشجره اثمار=لو تحتزم ولا تفك الكمومي
اقولها بالسر وقولها اجهار=وقولها ماهمني من يلومي
مادام ماتملك مع الوقت دينار=سوق الغوالي لاتطبه تسومي
لاصرت لافارس ولا ضمن تجار=لاتظهر جنوبك لحذف السهومي
وقت الرخا كلٍ معه سيف بتار=وقت الهدد ماكل طيرٍ يحومي
الصقر له ماكر وللبوه استار=وللعرف ناس واللشدايد عزومي
حطوك لغلاف المجلات تذكار=ولاعاد باقيلك ستر بالهدومي
جيتك على وضح النقا جيت مغوار=حمد عليك اليوم شن الهجومي
ياشيخ يومن المعارك على مهار=شيخة فعل ماهي بشيخة ختومي
ماعاد نقبل فيه هدنه ولا عذار=للحرب حراابه وللقوم قومي

**مشهور الرشدان** · 17/01/11, (02:43 AM)

صواريخ اسكوود ارض جو بحر
صح لسانك عندي ملاحظه بسيطه قد تصيب وقد تخيب

اعيال وايل تحمي الضيف والجـار
عزٍ لهـم يـوم الرخـا مايدومـي

اذا كنت تقصد بكلمه الرخاء شخص مافي اي عيوب

اما اذا كنت تقصد العز بس بالشدايد اختلف معك

عيال وايل عزهم في وقت الرخاء وفي وقت الشده

مادام ماتملـك مـع الوقـت دينـار
سـوق الغوالـي لاتطبـه تسومـي

البيت هذا فكرته قديمه كثار من الشعراء تطرقوا لـ المعنى هذا

والقديم دايمن ممل

حطوك لغـلاف المجـلات تذكـار
ولاعـاد باقيلـك ستـر بالهدومـي
جيتك على وضح النقا جيت مغـوار
حمد عليك اليـوم شـن الهجومـي

كفوو والله ياحمد بيتين جميلات في المعنى
واهنئك عليهم

القصيده لاتخلوا من الجمال والمفردات الجميله

اتمنى ان يكون صدرك شمالي لــ ملاحظاتي
اخووك ابا حفص

**ابراهيم خليف** · 17/01/11, (03:47 AM)

وقــــت الــرخــا كــــلٍ مــعــه ســيــف بــتـــار
وقـــــت الــهـــدد مـــاكـــل طـــير يــحــومــي

تصوير اكثر من رائع لشاعر متمكن

تقبل صادق تحياتي

**محمد بن موسى** · 17/01/11, (09:21 AM)

الشاعر القدير / حمد الخمعلي

صح السانك مدد بلا عدد

ونعم ياحمد قول وفعل

قصيدة رائعه ومعبرة وليست مستغربه من شاعر بجزالة حمد الخمعلي

دمت ودام تألقك

كن بخير

**masha3el ** · 17/01/11, (01:04 PM)

شاعرنا القدير

حمد الخمعلي

غبت فتره وطليت علينا بهالجزله
وبالخط العريض اقول
صح لسانك مدد بلا عدد
والنعم بعيال وايل وفيك ياحمد

كلمات قويه اللهجه والصوت فيها اجمل وصف وتصوير
مفردات رائعه جمعت لتسطر لنا قصيده من الطراز الفخم

لله درك واتمنى لك التوفيق
وبنتظار جديدك

تحياتي ومودتي

**سالم صالح** · 17/01/11, (03:15 PM)

المبدع دوما,,,,

حمد الخمعلي

صح السانك وكفوا والله فيك وعزالله انك سلاح بكل ماقف

قصيدة راائعة من شاعر مميز وجزل

تقبل تقديري وودي

**سليمان مفضي العنزي** · 17/01/11, (09:17 PM)

ونعم ياحمد

وصح لسانك الي ان ترضى

قصيده جزله واعجبتني