اهديكم هذه المحاوره التي جرت بين الشاعر الكبير عبدالله جريبيع العنزي وبين عملاق الشعر الشاعر مستور العصيمي
عبدالله جريبيع
مرحبـا ترحيب يكفي عن االماء و الطعام ***** بالــــرجال اللـــي عليـنـــا لفــو ضيفانيه
يالعـصـيمـي ياكبير القبيــــــله و المقــام ***** لو سمحت اوقف على الساق بالميدانيه
مستور
البقا ياللـــي ترحب قبل رد الســــلام ***** ما لك الا ارضيك فالاولـــه والثانيه
من حضر ليل الفرح له تحيه و حترام ***** و البحـــر يطلع لنا الدر و المرجانيه
عبدالله
ياحضر مستور قلنا حضر قصد المرام ***** صف لعتيبه و صفين للويلانيه
انت يامستور شاعر ولا فيها كلام ***** وصاحبك لامن بغاها يجيب سمانيه
مستور
قامت الصفين ووقف على صم العظام ***** طير ياطير السعد وانهض
الجنحانيه
ماعليكم زود في شرع والا في نظام ***** ما نقصتوا من حساب الدقيقه ثانيه
عبدالله
ان لقيت الفارس اللي يهاب من الزحام ***** اذبحه ياصاحبـي و الاوادم فانيـه
ودنا بالنور والنـــور جلاي الظـــــلام ***** وان هرجنا الهرجه انقدم الميزانيه
مستور
والله انا ماخلطنا الحلال مع الحرام ***** عوذ بالله عوذ بالله من الشيطانيه
من دخله معركة حرب ياخذ له وسام ***** و الرعية دونها توقف الرعيانيه
عبدالله
من عقلهــا وتـكل بمعبــوده ما يظام ***** هرجت الصادق ولا هرجت البهتانيه
صبرك اشويه يامستور ونحط المقام ***** تدرج فوقــــه محاحيلها والسانيــــه
مستور
كل ابونا صف واحد ولافيه انقسام ***** افهم الموضوع ودخل مع البيبانيه
وردوهـا ياعميلي موردت الحيــام ***** والعشيــة ماش شعلــه ولادخــانيه
عبدالله
يجتمعنـا يــد وحــده ترانا مانــلام ***** كلنا دون العلــم يارفيـــع الشانيــه
وردوها اللي الياحولو دون الجهام ***** اعتزو بم الجدايل على العدوانيه
مستور
العلم مرفوع جعله على طول الدوام ***** مالحقنــا ل ازلازل ولا بركانيــه
احمـد اللـه دام عينــك تهنا بالمنــــام ***** وان نقص حاجات في جنبك الدكانيه
عبدالله
دون موقفنا نوقف بشــدة واعتـزام ***** حقنا محفوظ والشاهد البرهانيه
ماجحدنا فضل ربي على كل الانام ***** نعمة ينعم بها كبار و الصبيانيه
مستور
حقكم محفوظ وملحمينه باللحام ***** قوم موقفكم كما موقف العتبانيه
اخوكم ابو فيصل
22/03/06, (10:07 PM)
محاوره رائعة بين عبدالله جريبيع ومستور العصيمي
العرض العادي
