ترى ما كل من أذن ينادي لك بصوت بلال..ولو انه قدر يوصل لنبراتٍ بلالية - °~*¤®§(§ شبـــكة ويــلان العـربـيـه §)§®¤*~ˆ°

**فواز المهنا** · 25/12/06, (04:20 PM)

تحية طيبة للجميع ..

قصيدة من آخر ماكتبت ..
أتمنى أن تحوز على اعجابكم ..

ينام الشعر كم ليلة ويصحى كل أبوه اهبـال =يترجـم شـيٍّ بقلبـي بلمسـاتٍ خيالـيّـة
ألا يا جيش قيفاني طرى في خاطري مـوّال=مدام الحرف يتراقص علـى نغمـات جنيّـة
هلابك ياحروف اللي شرب لكتابتك فنجـال=تعالي سجلـي قولـك بتسديـدة وعكسيّـة
طيور الصيد لا هدّت وعدّت عاليات جبـال=أكيد ان الفرايس في هاك الأوتـاد مخفيّـة
لقت فيها دروعٍ لو تشوف إن الزمن ميّـال=ولا اظن الزّمن يقدر ينوش اللـي بهالفيّـة
عجايب والبلا عقولٍ أسيرة بالرضا لاقفـال=عقولٍ غافلة تلدغ ولا تـدري عـن الحيّـة
نوايا الخلق مخفيّة ولو ان بعضهـا ينقـال=ولا هو بالأكيد اللي تقال أصلا هـي امطيّـة
ترى ما كل من أذّن يجي صوته بصوت بلال=ولـو انّـه قـدر يوصـل لنبـراتٍ بلاليّـة
ولا كل من بكى ينثر دموعه حرقه وغربـال=ولا كل من لمع سنّه يبي يضحـك بعفويّـة
صدق من قال هالدنيا تراكيبٍ من الأهـوال=تجي مرّة على الكيف وتجي مـرّه عدائيّـة
ألا ياللي طلع وزنه ببيعه كل أبـوه اخـلال=ألا ياويله مطفـف مـن عقوبـه سماويّـه
والا يامسجلٍ حكمك ترى ما هي نصر وهلال=ولا انت اللي رفع راية لجل ميلـه هلاليّـة
ولا حنا جماهيـرٍ تثـور ويكبـر الإشكـال=هذيك السالفـة أكبـر وشوفاتـك ضبابيـة
تذكر نفـس أمـارة بسـوٍّ تنسفـك أميـال=إلا من حدت تتبعها تمطّـى صهـوة النيّـة
ولا يغرك تسيدك بزمانٍ كـل أبـوه رجـال=ترى لو هي كما الغابة أظن مالـك رجوليّـة
ألا يامن صحى شعري لأجله واعتلاه هبـال=ترى بقولي لك رسالـة بلمسـاتٍ خياليّـة

وسلا111111111111111111111متكم

**سلطان المسلط** · 25/12/06, (07:35 PM)

حجــز أول

ترى ما كل من أذّن يجي صوته بصوت بلال
ولو انّـه قـدر يوصـل لنبـراتٍ بلاليّـة

ولا كل من بكى ينثر دموعه حرقه وغربال
ولا كل من لمع سنّه يبي يضحـك بعفويّـة

صح لسانك وصح كلك

الله الله عليك

والله قصيده تكفي ليوم كامل عن بقيه القصائد

ابيات رائعه واسلوب ارووع وقصيده مليئه بالجمال

دمت بخير

سلطان المسلط ؛؛

**هندي المقبل** · 25/12/06, (10:13 PM)

والا يامسجلٍ حكمك ترى ما هي نصر وهلال ============= ولا انت اللي رفع راية لجل ميلـه هلاليّـة
ولا حنا جماهيـرٍ تثـور ويكبـر الإشكـال ================= هذيك السالفـة أكبـر وشوفاتـك ضبابيـة

----------------------------------------------------
فواز المهنا............

ما اجمل الشعر حينما تكتبه لانه دائما يظهر بهذه الروعه وهذا الجمال

صح لسانك على هذه القصيده الجميله ونتمنى ان نقرأ لك المزيد

تحياتي لك

**عبدالعزيزالجلعود** · 26/12/06, (03:11 PM)

المهنا .........

صح قلبك
قصيده طيبه من طيب

**عبدالله عايد** · 27/12/06, (04:52 AM)

ألا يا جيش قيفاني طرى في خاطري مـوّال
مدام الحرف يتراقص علـى نغمـات جنيّـة
هلابك ياحروف اللي شرب لكتابتك فنجـال
تعالي سجلـي قولـك بتسديـدة وعكسيّـة

فواز المهنا

صح لسانك واعتلا شانك

قصيدة رااائعة بروعة حضورك

دمت ودام لك ولنا هذا الابداع

وتقبل تحياتي لجنابك .

**تركي بن هايل** · 27/12/06, (05:12 PM)

فواز المهنا

صح لسانك

قصيدة رااائعة بروعة حضورك

**اورنس الهذال** · 27/12/06, (07:11 PM)

فواز

صح قلبك يالغالي

قصيده جميله بجمال شاعرها

بإنتظارك بشوق

دم بخير