يامحلـلة القصيد ويا مصخـرّة المثايل=اسمعــو منـّي قصيـده عن ثلاث ميـة قصيـده
من هجـوس ِِ ما تعيـل وما تميل وما تمــايل= خصـّها الله بالتميّز من نشيده لا نشـيده
مبتداهـا يا سـلام الله على واف الخصـايل = يا سـلام الله سلاامِِ سـيد وموّجه لسيـده
يـم سيـدي صالـح الأمعط معدّل كل مايـل = شيــخ وسلالـة شيـوخ وشيـخته ماهي جديـده
شيـخته شيخـة فعل ماهي بـ شيخه بالمحـايل = ورث من شيمـة وليـده والمورّث لـه وليـده
شيخنـا , وسنـادنا وحزامنـا يوم الهوايـل = نـارنـا لا قدّحت راس الحديده بالحديـده
تفتخر بـه عزوة الويـلان ذربين الفعـايل = بنـك طيـب وتعجـز الآلات لا تحسـب رصيـده
وكـان فعل الطيـب ينقـل للعـرب نقـل الرسـايل=والله ان الشيـخ صالـح مستلـم سلـطة بريـده
قلـب أقوى من حديد الصلــب وعضـوده فتـايل = ونفسه لـربعـه خضـوع ولا خبرنـا بـه حقيـده
كـفه أرهى من هـدير السـيل بكبـار المسـايل = يصبـر لجــوعه ولا يصبر على مـده زهيـده
ولا تكلـّم كلمته تلقى بهـا كل الدلاايـل= ولا سكـت تلقـى سكوتـه نطـق للأريـا السديده
مثـل راسـه لا عدمته ما يجيـبن الحلايـل = لو توالـد فـوق صفحـات المجرات البعيده
شـيخ سلْم , وشيـخ علـم , وشيـخ حلـم وبه صمـايل=والوكـاد أنـه فريـد وكـل شيمـاته فريده
مـامدحته طالـبِِ حاجـه وأظـن الشـك زايـل= يا عسـى عمـره يطـول ويا عسـى أيامه سعيـده
وسلّمي يا نسمة الغربي على بيضا نثايل = ديرةِِ دايم على عرق الغلا تصبح وحيدة
علّ يسقيها من الله زخّ مردوم المخايل= ياخذ إسبوعين والرحمة من المولى تزيده
ديرة أجدادي وربعي ... ديرة كبار الحمايل= ربعي اللي ما تخضع الرووس والكلمة وكيده
من قبل عصر الرسول وصيتنا صايل وجايل=لا الزمن هذا وحنّا ( فوق ) مافيها جحيده
من وراء ( عرعر ) ليا ( الخفجي) ليا ( بلدان حايل)= لا وراء ( جـدة ) لا ( بطن العاصمة) لا أقصى ( بريده)
ما تضايق لا انتخيت وقلت ويــن عيال وايل= كل شبرِِ بالوطا .. يظهر منه مية وليــده
ويومها ضرب السيوف .... ويومها لكــد الأصايل =ما نشدنا عن حرار الوقت وإلا عن عبيده
من صطارة رووسنا .. ما نطمع إلا بالجزايل=إن سلم منا عقيد القوم ... ما يسلم عضيده
ولا إنتخت فينا هنـوفِِ نقـّضت .. شقر الجدايل= ترتقص في رووسنا رووس الشياطين المريدة
ليـن تظهر في عيون عداتنا .. نجوم القوايل= والنصر يطبع على صفحاتنا البيض المجيده
فعلنا واضح .. ولا حنا من أصحاب الفشايل = هرج حق .. وكل عاقل بالعرب يصبح شهيــده
وقبل لا أختم هالقصيده إسمعوا يا عيال وايل=باقــيِِ جملــة معي .. وأظنها جملة مفيده
والله إن أردى بني وايل مع كبــار القبايل =ينحسب شيخ .. وتحت ظلـّه .. ثمان ميــة بديدة
الشاعر / مطلق النومسي
27/04/05, (01:33 AM)
قصيدةا لشاعر مطلق النومسي بالشيخ صالح الامعط العواجي
العرض العادي
