سلامه ... قدر الامكان

[كاتب الجعفري]

ياسلامه ودنا نلعب معك بيتين قرّب=ودي اخذ من زمانك ربع ساعه واتهرّج

في زمان الخير صاير سامي الجابر مدرّب=وماجد الكبتن جلس فوق المدرّج ويتفرّج

[سلامة الجعفري]

والله مالي نفس لكن لاتطول

تعرف اني كانها جات اللوازم مااتهرّب = لكن اهرج والقدم خله على هونه يدرّج
وش تخرب وش تصلح وش تصلح وش تخرّب = الكباتن كلها صارف تفرج فالمدرّج

[كاتب الجعفري]

ادري انك شاعرٍ فاهم ومثلك مايجرّب =لمسكت المكرفون تشابه لصوت المحرّج

كيف تبغى تنطح الغازين بالرمح المذرّب=وانت رجلي والعرب تغزي على الخيل المسرّج

[سلامة الجعفري]

لاتشبهني بصوت المطرب اللي مايطرّب = يوم عود داخل المسرح مثل وصف المهرّج
غرب ليا شرقوا وان شرقوا لازم تغرّب = يمكن انا ناجدك مقتول وبدمك مضرّج

[كاتب الجعفري]

تدعي بالمعرفه ياصاحب الفكر المشرّب=وانت طالب باقي له عام من دون التخرّج

والله انا ماغزينا القوم بسلاح ٍ مهرّب = من مصانعنا ونجتاح المعادي ماانتدرّج

صح لساااااانك والختام عندك

<<<< يبغى الفكه

[سلامة الجعفري]

راعي الفكر المشرب يمكن انه لو تغرّب = انكشف له عيبه الماضي ومن فعله تحرّج
الحزين اعلامنا شفنا به الشر يتسرّب = يمنع دعاة الصلاح ويمنح دعاة التبرّج

مع السلامة

[حمد الخمعلي]

هههههههههههههههههههههههههه


صح لسانك ياكااتب وصح لسااانك ياسلامه


مبدعين لاهنتوا