مطلق النومسي
هلا يامرحبا ترحيبتن ما القالها عداد=ولا عديتها بنجوم وجه الكون محصيها
الا ياليل ياليل السعد ياثالث الاعياد=بعد شفت الرياحي والعرب تعرف باساميها
فيصل الرياحي
يدوم الك البقا ياللي ترحب ساعة الميعاد=الا ياحي زينات العلوم وحي راعيها
حضرنا في محل الطيب والتاريخ والامجاد=عساك لياسهرت الليل تاخذها وتعطيها
مطلق النومسي
يقولون الرياحي محرقن قلبه على بغداد=ونا مابكي على بغداد لين اذبح مبكيها
ثمان اسنين بشدادين واليله ماغير شداد=شدادن كل مادرجت ريمه طق رجليها
فيصل الرياحي
لو إنك مصعب الزرقاوي اللي روع الاجواد=عطيتك علبة مايدري المرسول وش فيها
جلسنا في مجاليس الشيوخ وزعلو الافراد=ومن يبلش بروحه بالمجالس لا يعنيها
مطلق النومسي
لوني مالوني ماتفيد المذهب النشاد=تغنيها ونا مثلك يابن منصور اغنيها
الا ياكثر مانسمع ونقرا عن ثمود وعاد=مكبرة العلوم الله يعافيك ويعافيها
فيصل الرياحي
الا يامطلق الدنيا جديده والثياب اجداد=يقول فلان سواهالكن الله مسويها
على شان العرب غالين نمسح دمعت الاكراد=جميله والجميله يحسب العاقل تواليها
مطلق النومسي
اشوفك في بلاد وبعد عام اعينك ببلاد=ولا ادري منك والا من هل البلده وواليها
ترا ماتحت ذيك الطاوله مشرب ولابه زاد=تقدم في يمينك والعرب تعطي يمانيها
فيصل الرياحي
ترا مايرقد الامثل ذاك موالف المرقاد=لو انك معي اعلمك الصلاه اللي تصليها
بيوت البخل مايوجد بها دله ولا براد=تذكر كلمتي وفطن لها وعرف معانيها
مطلق النومسي
مدامي شف راس ابليس داخل هيئة الارشاد=عليك الله ومانه كيف تقنعني فتاويها
بلاش الغطرسه والعلم بين والحمول اشداد=على وضح النقا والناس تسمعنا بذانيها
فيصل الرياحي
اشوفك تدخل المسجد وتبغى تسرق السجاد=وهذي ياوسيع المعرفه محدن براضيها
لياصرت امتعلم لا تخاف الا من النقاد=ونا لولا ولولا كانا ضويها مضاويها
مطلق النومسي
يجوز انا بعاد وعندنا للعلم خمس ابعاد=ولاكن ويش اسوي بك تبعدها وتدنيها
انا لي ذنب لاكن ماوصلت لملة الا لحاد=وبضحك في وجيه القوم لو ماني بدانيها
فيصل الرياحي
يازينك يالسحاب المرتدم والبرق والرعاد=وكم واحد يخايلها ولا يرعى مفاليها
ليامنك ضحكت اجوزك مزبورت الانهاد=ولا ندري تخليك الضحى ولا تخليها
25/05/08, (11:27 PM)
محاوره بين مطلق النومسي وفيصل الرياحي
العرض العادي
