اقتباس:
المشاركة الأصلية كتبت بواسطة رابح الغضيان
بسم الله الرحمن الرحيم
السلام عليكم ورحمة الله وبركاته
اشكر كل من واساني بفقيدي الغالي
رحمه الله تعالى
لاأراكم الله مكروه بعزيز
(مرثيه بــفلذة كبدي) هيثـــــــــــم
ليله يابن سابل طويله عصيبه=ياطول ساعاته معه عذبتني
والوقت جاير والليالي كأيبه=وبقعاء يابومصعب بجوره رمتني
نجمي هوى واضلم سماي بمغيبه=وطفت شموعٍ بالفرح لازمتني
اداري العبره بصدري نحيبه=وصرخة ألم تفجرت وجرحتني
والنار في جوفي تزايد لهيبه=والحزن خيم يوم بقعاء افجعتني
والضيم خنجر والضلوع الضريبه=مع عبرةٍ بلعتها واشرقتني
فارقت شبلي والمفارق مصيبه=ودّعت (هيثم) والدموع اغرقتني
عقب اتصاله في دقايق عجيبه=كلمه وكنه صاعقه وصعقتني
تأكدوا بعض الاسامي قريبه=ورسالته يادوبها واصلتني
دقيت رقمه قلت صامت بجيبه=عندي امل لوالعلوم اذبحتني
خايف عليه وخوفتي ماتعيبه=حرٍ صغير وطلعته معجبتي
تقفّل الجوال بالوضع ريبه=ولاني قريب وحيرتي كبلتني
صرخت بوجيه الرجال الشحيبه=قالوا عوضك الله قلت ألزمتني
قالوا توفى قلت ربي يثيبه=صغير والدنيا عليه اعجلتني
دعيّت ربي خالقه يعتني به=وانا رضيت بقدرته وحكمتني
وهللت باسم اللي عليمٍ بغيبه=وكبّرت له تكبيرةٍ عززتني
عين الولي فوقي وفوقه رقيبه=ويعلم عن اللي بالحشى ضايقتني
لوانها بالهوش محدٍ يصيبه=احط روحي درع وادحم بمتني
اضفر بهيثم وانتخي واعتزيبه=ولا انضام لوكل العرب حاربتني
والله مايقفي طليب بطليبه=روحي فدا ولجل فداه ادفعتني
بس المنايا نوخت بالغصيبه=غصبٍ علي يابوك ماشاورتني
غليبتي مامثلها من غليبه=وكل الزوايا عنك ياما اسألتني
عزاي بالفرد الصمد نلتجي به=جرحي عميق ولوعتي جرجرتني
خذاه من فرق صحيب وصحيبه=مكتوب والفرقا معاها اكتبتني
كتبت اسمه فوق ذيك النصيبه=لجل الزيارة كان رجلي قوتني
جوني يعزوني جموعٍ مهيبه=وشوف يده بينهم صافحتني
ماني مصدق وانتظر من يجيبه=وكلمة توفى بحدها شرحتني
ومن قالي ماجور بذهول اجيبه=اجامله لو كلمته خانقتني
امنتك اللي كلنا نلتجي به=ربٍ رحيم ورحمته واسعتني
يروف في قلبٍ توارى حبيبه=عساه يشفع به ليا داهمتني
والسلام عليكم
|
الشاعر ولانسان ....
رابح الغضيان
اعزيك للمره المليووووون بالغالي هيثم
واهنيك على صبرك وشجاعتك وايمانك بالقدر خيرة وشرة
واهنيك بذيك الابتسامه التي قابلت بها المعزين الذين ضاق بهم الحي والشارع والمنزل طيلة ايام العزاء
من اقارب واصحاب وزملاء وشعراء واعلاميين من انحاء المملكه والخليج
واهنيك بصبرك على فقد هيثم رحمة الله عليه وجعله شفيعاً لك ولوالدته التي بادلتك الصبر والاحتساب لله دركم
من عائلة صابره
واخر الاحزان ان شاءالله يالغالين,,,,,,,
ابنك,,,,,,,,