&&^(((( زيـاد عـكـروش )))^&&

[زياد الشمري]

رسـمـت انا دربٍ به الورد مفـروش=ودرب المحـبه ماعـرفـنا مـصـيره
لاواحـسايف حـبنا صار مـغـشـوش=ومـحـبتـك مـاهـي لـقـلـبي جـديـره
كـن الجـفا مابـيـنـنا جـنود وجـيوش=وحـشودهم تـنـذر بحـربٍ خـطيره
كنت احسبن حبك على كفي نقوش=وانه يـساوي في حـياتـك عـشـيره
أثر الخصام بداخلك كان مخشوش=والغـيره بقـلبك عن الفـيـن غـيـره
ياللي تبـيع العـِشـره بحـفنة قـروش=أغـراك بالـدنـيـا زواهـي حـريـره
تـر آخـر الدنـيـا تـوابـيـت ونعـوش=ودك تـودعـها حَـسـيـن السـريــره
ماهـمني نظره ولا هـمني رمـوش=ولاتخضعـن نظرات عـين ٍ نظيره
ماخْضع لو يسلم أسامه على بوش=وصارو صداقه عقب حربٍ مريره
تركتـني ومن يترك زياد عكروش=ياويـن يـلقى زياد عـكـروش غـيـره

وسلامتكم

تحياتي
زياد عكروش الشمري.............

[سالم صالح]

صح السانك دائما مبدع يابو عرب

لايكفيك كلمت رائع فانت اروع من الرائع

وتراني الليلة صرت مع الربع دفعو لي مقدم عقد مااحد يحلم به وعاد تخبرني احب العقود الجميلة

سلمت وسلم فكرك يالخوي

[عبدالله الحجيلان]

زياااااااااااااااااااااااد صح لسانك ياغالي

تركتني ومن يترك زياد عكروش ياوين يلقى زياد عكروش غيـره

[عبدالله عايد]

زياد الشمري

صح لسانك مدد لا عدد

قصيدة رائعة كما عودتنا دائما

لا املك الا ان اقول صح لسانك مرة خرى

وتقبل فائق تحياتي لجنابك .

[سعوط المجانين]

ياللي تبيع العِشره بحفنة قـروش\\\أغراك بالدنيا زواهـي حريـره
تر آخر الدنيا توابيـت ونعـوش\\\ ودك تودعهـا حَسيـن السريـره

صح لسانك ولاهنت يازياد

...

[تركي صالح]

تركتني ومن يترك زياد عكروش
------------------------ياوين يلقى زياد عكروش غيـره

صح لسانك أيها المبدع

وسلم بنانك

على ما قدمته خلال هذه الرائعه

واللتي أتحفتنا بها وبجمالها المتناهي

وتقبل فائق التقدير والاحترام

[ماجد الغانم]

الأخ العزيز

والشاعر الرائع

زياد الشمري


صح لسانك ...ولاهنت

قصيدة في غاية الروعة أتحفتنا بها

كان لي شرف سماعها منك ...

وهاأنا أقرأها هنا لأستمتع بقرائتها


فالله درك ولا فض فوك على هكذا أبداااع


دمت بكل خير

ودام هذا التميز والأبداااع