###### موجة البرد########

[حمد الوايلي]

ياموجة البرد اسمعي قبل الرحيل=عندي رساله والطلب توصيلها
مضمونها جمله لها حمل(ن)ثقيل=تصعب على اللي مرسل(ن) ويشيلها
لها معاني والمعاني ماتعيل=ولغير صاحبها صعب تحليلها
في وقتها توصيلها في جوف ليل=واللي نبيها تاصله يصحي لها
في نصها راع الوفى لامايميل=وصعب الوعود الدايره تأجيلها
راع الوعود ادرابها لها كفيل=وكل الطرق عنده فرص تبديلها
ماكانت اصلا من وعود المستحيل=طريقها واضح سهل يمشي لها
اقدر تراني لوبغيت القا بديل =لاضاق بالي من فكر اشيلها
وانهي حكيتنا ولو باقي قليل=وبعض المشاكل من يقاوم حيلها
لا مايهون الحب وياتيني ذليل=والعاطفه به اصلها وتاصيلها
يانور حبي اعرف اشروط الخليل=وعندك خطايا واطلبك تعديلها
الشوق يرزم والعواطف له تسيل= ومن هو يلوم العاطفه في سيلها
طولتها ومن عادتي ماااحب اطيل=خذها وشوف السالفه وتحليلها

[خلف الغريب]

جزلة من جزل اخوي حمد....

الف صح لسانك ... بس عندي اعتراض :

البرد بالشمال عندنا شكله ما هو ناوي الرحيل هالسنة ؟؟...

تحياتي لك ولعطائك..

[حمد الوايلي]

هلا بك اخوي خلف الغريب
انا ابيه يطول حتى تاصل الرساله واذا مانفعت نعيدها بموجة البرد
لان موجة البرد تدخل كل مكان حتى الجسم
شكرا على مرورك اخوي

[هندي المقبل]

الشاعر حمد الوايلي

صح لسانك وتقبل مروري على هذه القصيده القيمه

دمت بكل ود

[تركي صالح]

حمد الوايلي

ابداعً من ابداع

وجزاله من جزل

صح لسانك وسلم بنانك

على هذه الرائعه

وتقبل فائق التقدير والاحترام

[سعود المسعودي]

الشاعر حمد الوايلي

صح لسانك وتقبل مروري على
هالقصيدة الجزله من شاعرا
جزل
ودمت بكل خير

[فهد الشافي]

شاعرنا حمد الوايلي صح لسانك على هذه القصيدة التي اتحفتنا بها

قصيدة مميزة من شاعر مميز في القصيد وفنونه

تحياتي