$$$$$ البحر هايج$$$$$

[حمد الوايلي]

البحر هايج وعيا لايرسيني=في غبته ضعت والامواج هيجانه
النجم غايب ومالي من يقديني=غير الله اللي يدير الكون سبحانه
اصيح بالصوت لكن من يلبيني=لقيت نفسي ودوم النفس حيرانه
أعيش وحدي ولكن ساكنه فيني=محبوبتي من ملاك الطهر انسانه
تحب قربي ودايم ماتخليني= والقلب يعشق وعشقه هز وجدانه
مهما اعبر بشعري مايكفيتي=مايكفي الشعر لو سطر بديوانه
احساس شوقي تبدد في شراييني=والشوق واضح ولا يحتاج برهانه
في كل حاجه تشاركني وتعنيني=متريحه وسط قلبي صار مسكانه
ان جت بعيني تزود وتتسع عيني= وان جت بقلبي توسع كل شريانه
تطري عليه وتنعشني وتحييني=والعين تبقى مع الاطياف سهرانه
من غيرها ياجماعه وش يسليني=اكيد روحي على الاحباب ولهانه
اشتاق والهف عليها هي منى عيني=ولصوتها اطرب وبه نغمات رنانه
اما تريح قليبي او تشقيني= هي كيفها القلب ملعبها وميدانه
تملك غلايه وهي سيد المزاييني= ماهي تشابه لحسن وزين لفلانه
في داخلي نارشوق ومن يطفيني=مادام شوقي لها يزداد بركانه
كم قلت انا ياحياتي لا تخافيني=الحب وافي ودعمه بني سيسانه
وان كان قصرت بالله لاتلوميني=روحي تحبك ودايم فيك هيمانه
اما اكسبي طيب والا لا تجازيني=الذنب منك يروح وجاه غفرانه
مادامنا في طريق الحق ماشيني=والعاطفه فيه والاخلاص ميزانه
ابي من الحب اروي لك وترويني=حتى نخلي قلوب الحب رويانه
نعانق السحب والاحباب صافيني=ونمطر مع الغيث لاسيل بوديانه
تعالي انتي تعالي ثم ضميني=ضمت مقفي يضم باصغر اخوانه
خلي معايير ناسك والقوانيني=مافيه قانون يحرم قلب خلانه
واعيدوارجع على مبدى عناويني=حبيتي من ملاك الطهر انسانه
والبحر هايج وعيا لا يرسيني=وابحرت انا فيه والامواج هيجانه

[سلطان الحايلي]

حمد الوايلي


صح لسانك شامخ و قصيده شامخه

ما ادري وش اقول بس الوكاد انك شاعر و لك مكانتك بالشعر وتقبل مروري

[خلف الغريب]

ان جت بعيني تزود وتتسع عينـي
.........................وان جت بقلبي توسـع كـل شريانـه
تطري عليه وتنعشنـي وتحيينـي
.........................والعين تبقى مع الاطياف سهرانـه

رائع يا حمد بهذه الاطلالة..

الف صح لسانك ..

مشاعر شاعر ...

تحياتي لوجودك وشعرك..

[الصقار]

البحـر هايـج وعيـا لايرسينـي
في غبته ضعت والامواج هيجانـه
النجم غايب ومالي مـن يقدينـي
غير الله اللي يدير الكون سبحانـه


والنعم بالله ,,,,,,,,,,,,,,,اخوي حمد الوايلي صح لسانك ...تقبل مروري واعجابي ولك جزيل الشكر

[ابن ريحان]

	ابي من الحب اروي لك وتروينـي حتى نخلي قلـوب الحـب رويانـه نعانق السحب والاحباب صافينـي ونمطر مع الغيث لاسيـل بوديانـه تعالي انتـي تعالـي ثـم ضمينـي ضمت مقفي يضم باصغر اخوانـه خلي معاييـر ناسـك والقوانينـي مافيه قانون يحـرم قلـب خلانـه

الاخ حمد الوايلي
الله يعطيك العافيه على هذه القصيده وشاعر ومشاعر
تقبل مروري

[هندي المقبل]

تعالي انتـي تعالـي ثـم ضمينـي == ضمت مقفي يضم باصغر اخوانـه
خلي معاييـر ناسـك والقوانينـي == مافيه قانون يحـرم قلـب خلانـه


حمد الوايلي

شاعر لايكل ولا يمل

صح الله لسانك على هذه الباذخه الشعريه

شكرا لك من القلب

[ماجد الغانم]

حمد الوايلي

صح لسانك .......ولاهنت

.حضورشعري متميز

دمت بكل خير ...ودام هذا الأبدااع

تقبل جل تقديري واحترامي