((حشمة الجـــــار))

[غموض الشمال]

الليل له عندي مقام ومكاني=رفيقي اللي لويجورون ماجار
لاقبل ظلامه حل عقدة لساني=اسهر معه واسامره لين الاسحار
ابديت له سري وخافي زماني=يومٍ غيره ضاقبه كتم الاسرار
له اشتكي همٍ بوسط المحاني=من صاحبٍ تقطعت عنه الاخبار
حبه تملكني وحظي عصاني=مدري نساني او تصاريف الاقدار
ياويل قلبي كان خلي نساني=والله لاضيع وتالي العمر بشهار
ابعد ومن بعده فقدت الاماني=كني سجينٍ خايف لحظة الثار
مقدر على فرقاه لوهي ثواني=حبه سرى بالدم والقلب له دار
حتى القصايد له تحن وتعاني=قصايدي عن وصف غيره لها اعذار
ماطعت في حبه عذولٍ نهاني=ولاردني عن صاحبي كثر الاشوار
وشلون ينساني وينسى حناني=وينسى دموعٍ يوم لقياه تنثار
وينسى مواعيدٍ عليها احتراني=وينسى عزومٍ يوم فرقاه تنهار
ياليل خبر صاحبي لو نساني=منساه لو تنسى البدو حشمة الجار
بعطيه ودي لو جحوده عطاني=وابقى على عهده لو ان الزمن دار
ياليل كل اللي سمعته أماني؟؟=خلك على سري كتومٍ وستار

[فــرج الدهمشي]

الشاعره غموض الشمال


صح لسانك مدد على هذه الرائعه والعذبه الله عليك


بانتظار ما يفيض به قلمك ..


تحيتي

[بنت الكحيلا]

صح لسانك شاعرتنا غموض الشمال

ابداع يا الغلا غير مستغرب منك

استمتعت بهذه الرائعه كثيراً

كلمات تلامس الإحساس وتدخل الى القلب دون استئذان

تسلمين ويسلم بوحك الراقي والمعبر والجميل

لك شكري وتقديري

[حمد الخمعلي]

الأخت غموض الشماال

صح قلبك وسلم قلمك الذي نقل لناا هذه الراائعه اللتي لا استغربها عليك0


ياليل خبر صاحبي لو نساني000مانساه لو تنسى البدوا حشمة الجاار

الله الله عليك وعلى هذا البيت الذي يدل على عمق شاعري0

كُوني بخير

[بندر السديري]

غموض الشمال
ارجوان من عذوبة الكلمات اصغتيها لنا ..
روعه في المعاني ..
صح لسانك وبيض الله وجهك ..
وعلا شانك ..
تحيااتي

[فارس محمد العنزي]

غُمـوضَ الشمآال
تتدلى من بين أصابعكِ الأغصان , وتنساب من فوق أغصانكِ القطرات ,
لقلمكِ تحليق , ولنبضكِ تحديق ,
شكرا لكِ يا رائعه على هاذهَ االابيـاتً
هآكٍ ورده

[فهد السلقاوي]

غموض لله درك


دائم

بنصوصك تعانقين الابدااااااع

سجلي اعجابي بقصائدك


اخوووووووووك

فهد السلقاااوي


(خمس نجوووم)