ونة قلم

[جبار بن عابر]

اللــــــه يحي الجميع

واسعد جدا بمشاركتــكم لي ومروركــــم الكريم

مع جزيل الشكر والآمتنان

,,,,,

[جبار بن عابر]

ياجرح قلبي جرح عرعر لواديه
لاجاه من وبـل الثريـا مخيلـه

نقر له الشرقي وسكـر شماليـه
وصبت هبوب الماء لمن يستخيله

غرا تجدع من وحمهـا هواديـه
واللي على روس الزباره تشيله

على عشير(ن) كل ماقلت قال ايه
يقول قول ولادري وش حصيله

لــــــ قطيفان الجميلي

ياراكب اللي يـوم تسمـع وشيشـه
وشيش رقطاً ذيلهـا بالعصـاء نيـش

قامـت تحـك جنوبهـا مستهيـشـة
وتبيـن أنيـابٍ سـوات المناقـيـش

يمرج مع البيـدا إمـراج الخريشـة
إلى أمرجت بين الوحش والنواحيـش

مـن عقـب ماهـي للمنايـا وليشـة
بين الصقـور ومبهمـات النواتيـش

حيت حياة اللـي بتالـي الحشيشـة
عقب الدرك شرب القراح النقاريـش

جمسٍ يربح كـل مـن حـط شيشـة
يتعـب بتعبيتـه طـوال الخراطيـش

إلى وقف يكـوي الكبـود الغشيشـة
وإلى مشى ما يلحقه مومي الريـش

برقٍ من العارض جذبنـي رعيشـه
يـوم يتـلالا بالمـزون المراهيـش

وأثره ما يسقـي الكبـود العطيشـة
يبرق ويرعد مير مدري على ويـش

لا تحتزم باللـي ضلوعـه هشيشـة
اللي ليا سمع النـداء صـد تطنيـش

لا تحتزم بـه لـو تحيـزم بخيشـة
ما يقطع الدِيـان ركـض الأكاديـش

وبيتٍ بليـا سـاس مثـل العريشـة
يطيح لـو لمـع ببويـه و ورنيـش

وجرد السهـال الخاليـات الوحيشـة
اللي تطوى في شجرهـا الحنافيـش

أخير من ضله ،،، وبعض المعيشـة
يعافها الطيب ،، ويفرح بهـا الديـش

وقال المثل : ( مامن ورى طلع بيشة
عيشة ) وراس الضبي ما به عراميش

للشاعر الكبير / عبدالله بن زويبن الحربي

[جبار بن عابر]

اه اه

اهات روحــــي عن الولــف





اهـ....واجــروحي جداد ٍ.. مابرت
لاتحرك سكون الماء وهدوء النخيل

تعتذر حبيبتي وش عذرها .....مادرت
اهـ ..وانا الكريم اشتـكي شـح البخيل

وان طواني الحزن ودموعـي ..جرت
ادري الولف بلوى بلوى الولف حيل

بقلمـــــــــــــــــــي

مايخالف انك تغيب اسبوع
واكثر من اسبوع ايخالف
مفتون انا فيك يالمربوع
مقدر على البعد وموالف

بقلمـــي

يالترف ياقايد الغزلان
على هوى النفس عاوني

خلك مثل عادل الميزان
عطني مثل ماتبي منــي

والولف ماعذرب بليهان
لاضاق صدر الجمل حني

( ؟ )

[جبار بن عابر]

لاتصـــــــدق


لا تصدق بـي كلام الي هذا
كان تبغاني انا فيك متعلـق

وكان ماصدقت او يعني اذا
تحسبني من محبين التسلـق

الوفاء طبعي خلقني الله كـذا
والله انه لا غرور ولا تملق

[جبار بن عابر]

اه يابعض كلمــــه

تـــغــزم عمالقــه بل تسقطهم من الحسابات للاسف ..

حدثت معـــي فكتبت بااختصار ..

كنت في عيوني كبير وصغرك الكلام

ولي يابعض كلمه كيف ....مفعولها

كنت احسب حسابك باللقاء والزحام

لين بانت علومك وانكشف مقفولها

احترامي وودي لمستحق الاحترام

والا بعض الآوادم ..او بلاش اقولها

[البحتري]

ليت شعري اي تاثير قد رسمه قلمك الجميل ، كلمات رائعة ومشاعر مؤثرة، راقني سلاسة النص وتموج الحالة الشعورية.


رائعة القراءة لك .. بكل إعجاب ..

[جبار بن عابر]

المشاركة الأصلية كتبت بواسطة أحمد الحجيلان

ليت شعري اي تاثير قد رسمه قلمك الجميل ، كلمات رائعة ومشاعر مؤثرة، راقني سلاسة النص وتموج الحالة الشعورية.


رائعة القراءة لك .. بكل إعجاب ..

مما يشرفنــــــــي استاذي / احمـــد . مرورك وتعليقك الجميل .

الله يحييك دائما .