نكادات البشر

[عبدالعزيز العدواني]

جديدي : نكادات البشر
________________

آآآآه لو هي في يدي والله لصيح
يا نكادات البشر يا اقوى أرق

كل ما طاحو تهايفت المطيح
شرد الافكار تطرحني ورق

ما شكيت الهم والفرقى جريح
لكن الله بين خلق الله فرق

من بخص مد الكريم من الشحيح
يلمح النجم السماوي يا برق

علموني يا عرب وين الصحيح
ومن هو اللي يا بغى ياكل سرق

ومن هو اللي يستحق من المديح
ومن هو اللي وسط موج و ما غرق

ومن هو اللي من همومه مستريح
ومن هو اللي شب نار ولا حرق

دم وجه يسيح والا ما يسيح
وجه يكرب دم والثاني عرق

خنجرين ودرع وسيوف وطريح
مع جفير ورمح من فوقه زرق

مشكلة مثلي مع العالم صريح
ومشكلة بعض الاوادم يادرق


وسلامة قلوبكم

[طيف القصيد]

صح بوحك اخوي قصيده جميله فاخره

دمت بكل الحب

[محمد دعسان]

صح السانك ياالعدواني
جزله من راس جزل
تقبل مروري الله يحفظك

[خلف الغريب]

كلك ابداع اخوي عبدالعزيز وجزلة من جزل ..

حضور رائع وشعر يروي الذائقة ..

تحياتي لك

[سالم العنزي]

وانت سالم وغانم ياعبدالعزيز

صح لسانك على هذه الرائعه الشعريه

ابدعت في ماكتبت فلك مني كل الشكر والتقدير وتقبل اعجابي

[صالح الأسود الجعفري]

عبدالعزيزالعدواني
وانت سالم وصح السانك
دمت بخير

[هندي المقبل]

الشاعر القدير عبدالعزيز العدواني

صح لسانك على هذه القصيده الرائعه

ابدعت ياعبدالعزيز كالعاده وامتعت

تقبل اعجابي الشديد