جديدي بين اياديكم اتمنى ان يرتقي لذائقتكم مع اعتذاري الشديد عن الغياب الخارج عن ارادتي
:::::::::::::::::::::::::::::::::::::
:::::::::::::::::::::::::::::
ياذا الخفـوق اللي بجرحه تعنيت=محتاج انا ابعد عنك لوهو ثواني
اسرتني والنبض فيض التناهيت=وجرحك مكين ساكن ٍ بالمحاني
نوب مع الحيين ونوب مع الميت=لاغبت عنك شوي ضيمك دعاني
راحت سنين العمر من دون توقيت=شابت عيوني وانت ياقلب عاني
الى متى والدم بعروقك يهيت=حتى الحبر ماعاد به من معاني
ماجيت ابكتب شعر وادور الصيت=ولاجيت ابشكي جور خل ٍ جفاني
جيت اترجّى قلبي اللي به اشقيت=واقول يكفي ماجرالي كفاني
ماعاد اشيل الهم ياقلبي ازريت=غيّر ولو مره عشاني ! عشاني !!
وجرب تعايش لحظة ٍ دون تفويت=لحظه فرح ومحاصرتها الاماني
مد النظر لاضاق صدري وحنيت=وخل الفضا لاكبر همومي مكاني
وإن كان ماغنيت لي بالهنا بيت=بتاكد انك ياقــلــيبــي اناني
عشقت حزنك واكتفيت وتكافيت=وبدلت نبضاتك بكسرة زماني
الحاصل اني منك لارحت لاجيت=القلب قلبي ان بغى او عصاني
:::::::::::::::::
وسلامتكم