ياصغير السن قدرك طاحت ابراجه

[عوض بن خميس]

ياصغير السن قدرك طاحت ابراجه=الجرح خلى الصخر ينطق ونطقني
خلاص ماعاد تعني ولا حاجه=رح جعل ربي يوفقك ويوفقني
من عقب ماكنت نور العين وسراجه=اليوم صرت الظلام اللي يطوقني
عطيتك أكثر من اللي كنت محتاجه=أسرفت بالحب لين الحب وهقني
خلاص مالي ومال الحب وأزعاجه=مالي ومال الدروب اللي تضايقني
تعبت اضم البحر وأهدي امواجه=تعبت اجامل وأشوف الوقت يسرقني
شكواي للي عليه الضيق وأفراجه=اللي اذا شاء يرحمني ويرزقني
أما انت يابو جبين عقد احجاجه=لا عاد تسأل علامك ما أنت طايقني
الناس كل على دربه ومنهاجه=وانا عن الناس مابه شي يفرقني
الا اني دايم احب الصدق واواجه=مخلوق والله على هالوضع خالقني
حتى رفيقي ضماد القلب وعلاجه=على كثر ماتمسك فيه صدقني
لو أدري انه مرافقني على حاجه=لا امسكه حاجته واقول فارقني

الشاعر \ فهد المساعد

[الصقار]

الاخ الغالي ابو احمد

اختيا ر رائع ولا يستغرب منك جمال وتميز الانتقاء
دمت ودام هذا الحضور الرائع

[عوض بن خميس]

الاخ الغالى ابن هندى
انت صاحب الذوق الشعرى الرفيع
واشادتك هى وسام على على متصفحى
لك منى استاذى القدير الشكر والعرفان
على مرورك الطيب... تحياتى

[بنت الكحيلا]

اختيار رائع اخوي عوض بن خميس

شكراً لك على هذا الذوق الراقي

لك شكري وتقديري

[عوض بن خميس]

المشاركة الأصلية كتبت بواسطة بنت الكحيلا

اختيار رائع اخوي عوض بن خميس

شكراً لك على هذا الذوق الراقي

لك شكري وتقديري

اختى المتااأأألقة. بنت الكحيلا
مرورك اسعدنى الله لايهينك
ولاعدمنا تواجدك بيننا
تحياتى

[سعود المسعودي]

عوض

الله يعطيك الف عافيه على الاختيار الرائع


وصح لسانك ولسان شاعرها


دمت بكل خير

[احساس قلم]

ابن خميس
صح لسانك ولسانه
فعلاا
حتى رفيقي ضماد القلب وعلاجه
على كثر ماتمسك فيه صدقني
لو أدري انه مرافقني على حاجه
لا امسكه حاجته واقول فارقني

تقبل مروري استاذي