جيـــــــت استمح - °~*¤®§(§ شبـــكة ويــلان العـربـيـه §)§®¤*~ˆ°

**سالم صالح** · 01/09/09, (11:06 PM)

قصيدة متواضعة ارجوا ان تحوز على ذائقتكم الرائعة والمشبعة جزالة وابداع

اعدت القصيدة بعد ان ذهبت بسبب الخلل الذي حدث عسى ان تكون شفيعة عند قلوبكم الطاهرة

جيت استمح منّك تقبّل سماحي=وعذري قبل لاجيك سلمته كتاب
ان الغلا باسمك ولابس وشاحي=وان العيون اللي تناظرك بسهاب
تسهر على ذكراك والجو ساحي=وصورتك تلعب كيفها بين الاهداب
وان الشعور بداخلي له صياحي=ينده عليك تداوي جروح العتاب
اقرب على صدري وشوف لجراحي=تنبيك عن همٍ بقلبي له اسباب
البعد والتهجير يسبب طياحي=وحتى زعلك يزود لمتني اتعاب
هذا سبب همي واطلق سراحي=شمس المحبة تقتل الليل لاشاب
تشرق على ارضي ويبدى انشراحي=وكل الصقيع اللي على وردها ذاب
هذا كتابي جاك واقبل سماحي=ياللي بقلبي منزلك مابعد غاب
والعذر في سلم الشريعة مباحي=والعبد يغفر ذنبه اليااعلن وتاب

وسلالالالالالالالالالامتكم وشكرا لابن هندي والثويني وابو سيف هندي المقبل على مرورهم السابق لها ولاغنى لنا عنهم

**اميرة الحرف** · 01/09/09, (11:10 PM)

ان الغلا باسمك ولابـس وشاحـي

وان العيون اللي تناظرك بسهـاب

تسهر على ذكراك والجـو ساحـي

وصورتك تلعب كيفها بين الاهداب

وان الشعور بداخلي لـه صياحـي

ينده عليك تداوي جـروح العتـاب

اقرب على صدري وشوف لجراحي

تنبيك عن همٍ بقلبـي لـه اسبـاب

البعد والتهجيـر يسبـب طياحـي

وحتى زعلك يزود لمتنـي اتعـاب

عجباً لها ان لم ترضى بعد هذا

سالم صالح شاعرنا الجميل صح لسانك وسلم جنانك ولاهنت اخوي على هالقصيده

**حمد الخمعلي** · 02/09/09, (03:31 AM)

الاخ سالم صالح

صح قلبك على المميزه

ودائماً لاتأتينا الا بما هو مشفي ويلامس الخفاق

تقديري

**masha3el ** · 02/09/09, (05:39 AM)

هذا سبب همي واطلـق سراحـي
شمس المحبة تقتل الليـل لاشـاب

الشاعر المبدع
سالم صالح

سلمت على الابداع والتميز
احساس جميل وكلمات عذبه وصدق مشاعر تفيض من خلال الابيات
تشبيهات رقيقه
وجميل الاعتذار ان كان دوما على هذه الصوره العذبه
صح لسانك وكل امنياتي لك بالتوفيق
دمت بخير
تحياتي ومودتي

**هندي المقبل** · 02/09/09, (11:02 PM)

الشاعر سالم صالح

صح لسانك على هذه القصيده

كعاتك لاتاتي الا بالجزل

تقبل مروري

**سالم صالح** · 03/09/09, (05:45 PM)

اولاً اشكر الشاعر الرااااااااائع والمبدع/ ابن هندي

على مروره السابق للقصيدة قبل الخلل الذي حدث للمنتدى والذي سبب حذف القصيدة واقول له صح بدنك ومرورك شرف لي وللقصيدة

وكذلك اشكر الشاعر /نواف ابن ثويني

على مروره واطراءه الذي اسعدني وشهادته اعتز فيها لانه من الشعراء الرائعين والمبدعين

تقبلوا تقديري وودي

**ماجد الغانم** · 03/09/09, (06:00 PM)

الغاالي

سالم الصالح

صح لسااانك ..ولاهنت

اعتذار راقي ..

من شاعر عذب ..وجزل

رائع ابو الدانه ...

دمت بكل خير ...

تقبل جل تقديري واحترامي