بعـض الـبشـر ..

[محمد البويليد العنزي]

السلام عليكم ورحمة الله وبركاته


((يشرفني الانضمام لهذا المنتدى الرائع بأدارته واعضائه واتشرف بتنزيل اول قصيده لي في هذا المنتدى واتمنى ان تنال اعجاب الجميع))

بسم الله الرحمن الرحيم

كـلـن وطبـعه ياعـسـى الـرب يـحـميـك =واسمع تصانيف البشر حسب ماجاك
بعـض البشر دايم على الشـر يـدعــيك =ولاطــحــت والـلـه مـايــفـكـر إبـلـواك
وبعض البشر وقت الرخاء معتني فيك =ولـيـا نـخــيـتـه صــد عـنـك وخــلاك
وبعض البشر فـي رفقـته دوم يـوذيـك =وبعض البشر تحـزن إلياغـاب ماجـاك
وبـعــض البـشـر فـي موقـفه مايخلـيك =لو هـو على الموت الحمر مات وياك
وبعـض البـشرلأحـتـاج جـالـك يـنـاديك =ولـيـا عــطـيـتـه حـاجته قـال مــابـغـاك
ودايم علـى حـب المـصـالـح يـخـاويك =وإن ماعـطيـته مـطـلـبه راح يـشـناك
وبعض البشر بفعل المراجـل يوصـيك =وفـاه بــيـن دايـمـن مـثـل يـمـنـاك
وبعض البـشر ياصـاحـبي دوم شـاريك =دايـم عـلـى الـجـزله يـدلك ويـنخـاك
ودايــم عـلـى نـفــسـه يـحـاول يـبــديك =وقــت الــشــدايـد والـمهـمـات ملجاك
جتك النـصيحه وأنــت شـوفـك يقـديك =عـزز مـقـامـك وأجـعـل الـطـيب مبـداك
وفكر وشف دربك عسى الرب ينجـيك =من بعض ناسـن ودهــا تغـير إخـطاك

[مشهور الرشدان]

ياهلا وغلا. بك. يامحمد. بيننا. أرحب يابو شهد. يشرفني ان أكون أول من يرحب بك.
صح لسانك. قصيده. جزله. من رجال. جزل. وشهادتي فيك مجروحه.
لله درك يابو شهد. أنا معجب. في هذا. القلم. ومعجب في هذا الابداع.
وسعيد. جدا. جدا. بنضمام. شخص. مثلك. عرف. باخلاقه. وشهامته.
مرحبا من القلب. أبا شهد.

[نافع عيد الجديد]

المشاركة الأصلية كتبت بواسطة محمد البويليد العنزي

اولا الله يحييك بين اخوانك ووجوك اكبر شرف
وصح لسانك على هذه الشامخه التي جبرتني على اقتباسها كامله كونها درر من اول بيت لاخربيت
جزاله لاتفوقها جزاله
باتنظارجديدك
رعاك الله

[محمد البويليد العنزي]

المشاركة الأصلية كتبت بواسطة مشهور الرشدان

ياهلا وغلا. بك. يامحمد. بيننا. أرحب يابو شهد. يشرفني ان أكون أول من يرحب بك.
صح لسانك. قصيده. جزله. من رجال. جزل. وشهادتي فيك مجروحه.
لله درك يابو شهد. أنا معجب. في هذا. القلم. ومعجب في هذا الابداع.
وسعيد. جدا. جدا. بنضمام. شخص. مثلك. عرف. باخلاقه. وشهامته.
مرحبا من القلب. أبا شهد.

هلابك زود الله يبارك فيك وصح بدنك والشرف لي لاني بين هالاعضاء الطيبين وكونك اول من يعلق على قصيدتي
اخي منصور شكراً جزيل على هذا الترحيب والكلام الطيب ولاهو غريب عليك الطيب يابن هويدي حفظك الله

[محمد البويليد العنزي]

المشاركة الأصلية كتبت بواسطة نافع عيد الجديد

اولا الله يحييك بين اخوانك ووجوك اكبر شرف
وصح لسانك على هذه الشامخه التي جبرتني على اقتباسها كامله كونها درر من اول بيت لاخربيت
جزاله لاتفوقها جزاله
باتنظارجديدك
رعاك الله

الله يبارك فيك وصح بدنك اخوي نافع وشهادتك فخر لي ووسام على صدري
أطال الله بعمرك وحفظك ورعاك

[انور العبدلي العنزي]

الشاعر محمد البوليد

صح لسان ولاهنت على هذه النصيحه الطيبه

[محمد بن موسى]

محمد البويليد

في البدايه :
ياهلا فيك بين اخوانك
ونحن سعداء بأنضمامك الى كوكبة ونجوم النخبه ويلان


وصح السانك يامحمد مدد بلا عدد

ابيات جزله من جزالة شاعرها
ونصائح تكتب بماء الذهب


لاهنت على هذة المصافحه المميزة

تقبل مروري وفائق احترامي


دمت بود