ريميتن ماترتع الا وحدهاا

[مشهور الرشدان]

بسم الله الرحمن الرحيم

الله من قلبن عليه القهر بأن =والناس تبحر به وتركز عمدها.
حزنن وضيقه كلبوها على شأن =غرون محبتنا العظيمه جحدها.
مانام طول الليل والله سهران=حتى نجوم الليل أعرف عددها.
اسئل صديق العمر سموه سلطان =كم ليلتن مشهور لا مارقدها
مجنون ليلى صار بالحب هيمان =وأنا بعد مجنون وأمر وادها.
قال العواجي شطر عن ألف ديوان =ريميتن ماترتع إلا وحدها.
مثل الوحش لكن على صوره انسان =تجفل من القنيص يومه طردها
ذكرت ربي عد هتاف الامزان =يوم أقبلت يمي وتنسف جعدها.
سحب الفكر صارت بعقلي له أوطان=وقام يتصافق برقها مع رعدها.
يسريبي الهاجس كما الذيب سرحان.=وعيني من الدمعات جاها رمدها
أصبحت من حب الغنادير مرضان =متى هموم القلب يشلع نكدها

[بدرفهد الجعفري]

الشاعر مشهور الرشدان


ابدعت وامتعت صح لسانك على هذه القصيده التي اعجبتني ... وها انا اسجل اعجابي وارجوا تقبله

[مشهور الرشدان]

استاذي بدر فهد الجعفري

صح بدنك استاذي الكريم وانا سعيد بـ اعجاابك
شاكر مرورك عطرت الصفحه

[بنت الجزيرة]

مشكوووووور والله يعطيك الف عافيه
بارك الله فيك
حماك الله ورعاك

[عناد الغريب]

مشهور

الف صح لسانك ولاهنت

نص جميل وتضمين شطر للعواجي بشكل جميل

دمت ودام عزك

[مشهور الرشدان]

بنت الجزيره

العفوا استاذتي الكريمه والله يعافيك
وشاكر تشريفك دمتي بوود

[مشهور الرشدان]

عنااد الغريب

صح بدنك استاذي الكريم والله يعطيك العافيه على هذا التعليق وهذا التشريف
شكرا جزيلاً