احسدوني بالهوى

[عبدالله المعيوف الدهمشي]

عيني أللي غاديه مثل السحابه=عرضتني للملامه والمهونه
علها العشق وعثت فيها الصبابه=دمعها ماهو على مهله وهونه
منسكب والليله ازداد انسكابه=في مسيله غرق الرمش وجفونه
جيت دار صويحبي عيني لبابه=شف بالي شوفته لبى عيونه
ما صدفنا جيته والا ذهابه=مالمحنا إلا الشجر تومي غصونه
خلي إللي تارك(ن) قلبي خرابه=حده الحادي وقفت به ضعونه
آه يا ظلم العواذل والقرابه=أبعدوا خلي وأنا ما اعيش دونه
القرابه بالهوى مثل العصابه=تنهب المحبوب وتغير ضنونه
انهبوها من قدم عيني انهابه=واجبروها تجحد الحب وتخونه
ما منعها جرحها والا صوابه=ولا عذلها قلبها لو هي حنونه
احسدوني بالهوى العذب وعذابه=وحرموني حبها .. طعمه ولونه
عاذلي شاطر على ناس(ن) غلابه=يحسب ان الحب ما توجع طعونه
جرحي اللي صابني لو كان صابه=كان جنت من ألم جرحه اجنونه

[محمد بن موسى]

الشاعر الراقي / عبدالله المعيوف


يسعدني ان اكون اول من يصافح هذا النص الرائع

قصيدة رغم مرارة الفراق الا انك ابدعت في وصفك للحاله

وعشنا معك جو القصيدة بكل تفاصيلها

لله درك ياعبدالله

وصح السانك ملايين يالغالي

تقبل فائق الود والمحبه


كن بخير

[بنت الكحيلا]

صح لسانك اخوي عبدالله المعيوف

والله يعطيك العافية على القصيدة الرائعه

كتبت فأبدعت بارك الله فيك

لك شكري وتقديري

[بندر السديري]

شاعرنا القدير
صح الساااااانك
ولاهنت على هاالرائعه ياالشااااااااااااعر
تحيااتي

[خلف الغريب]

كعادتك اخي عبدالله ..

مبدع الى حد الثمالة حتى في الفراق ..

احسدوني بالهوى العذب وعذابه

وحرموني حبها .. طعمه ولونـه

عاذلي شاطر على ناس(ن) غلابه

يحسب ان الحب ما توجع طعونه

لله درك ..

[فهد السلقاوي]

عبدالله

صح لسانك على هالمعلقه الغزليه




تستحق كل الشكر


اسمحلي بالتقييم

فهد السلقاااوي

[حمد الخمعلي]

الاخ عبدالله الدهمشي

أقف أماام حروفك تكريماُ لجزالتها وحبكتها الشااعريه0

قصيده ابحرة بناا في عااالم الابدااع والتميز وشعر الموقف له نكهه خااصه تجذبك0

دمت بهذا الابدااع0

كُن بخير