طمعت..باكثرك..

[غموض الشمال]

كيبورديه..صباحيه

للتواصل مع طهر قلوبكم اخواني.

اخاف من يومٍ يجي فيه واخسرك=واندم عل مافات واندب زماني
اول همومي كيف باحساسي اشعرك=وارمي شعورك مثل ماهو رماني
يـوم ان ربـي قـربك لـي .. وسخرك=مـاصنت حـبك يوم .. ربي عطاني
مجنون حـبك ومن جنوني ابحكرك=من كثر حـبك صرت بالحب اناني
عطيتني بعضك.. وطمعت باكـثرك=بعين الطمع ماشفت وش كثر جاني
دمرت نفسي.. بغيرتي قبل ادمرك=وطاوعت نفسي يوم مالله هداني
وبالغت.. بعنادي وحاولت ابهجرك=لاطاعني قلبي.. ولا النوم جاني
واليوم ما ودي على قربي اجبرك=ولا الوم قلبك.. كان صد وجفاني
لـكن قسم بالله لو.. عـفت شاعرك=يحرم علـيه الشعر وبدع المعاني

[بندر السديري]

غموض الشمال
صح السااانك
ولاهنتي على هاالرائعه
تحيااتي

[محمد بن موسى]

غموض الشمال

صح السانك ونبض قلبك

كلمات راااائعه وجميله و مشاعر عذبه

انتثرت هنا لتلامس احاسيسنا بشغف

تسلم يدييينك على ما خطته لنا من عبارات يعجز التعبير عنها

يعافيك ربي ع الكيبورديه الجميله

دمتي ودام نبض قلمك

تحيااتي

[بنت الكحيلا]

صح لسانك اختي غموض الشمال

والله يعطيك العافية على القصيدة الرائعه

ابدعتي والإبداع غير مستغرب منك

تسلمين ويسلم بوحك الراقي

لك شكري وتقديري

[عبدالله المعيوف الدهمشي]

ما اقول صح لسانك

اقول صح بوحك واحساسك

اشكرك على هالرائعة

[فــرج الدهمشي]

الشاعره غموض الشمال

صح لسانك مدد بلا عدد على هذا الابداع

بانتظار ما يفيض به قلمك

تحيتي وتقديري

[البدر]

الشاعره ذات الاحساس الكبير غموض الشمال

اعجبني هذا الاحساس الذي ينبض به كل بيت في هذه القصيده

شاعره تكتب بصدق

اختي غموض الشمال اتمنى تراجعي بعض الابيات التي تحتوي على ثقل في الوزن

كما اتمنى منك مراجعة تركيب كلمات الشطر الاول من البيت الاول .