من انواع الحداء على ظهور الخيل
قال الشيخ / سعدون العواجي يخاطب الشيخ مسلط التمياط من التومان ويطلب منه الرحيل من بيضاءنثيل :
يامسلط ياريف القصير= مالك محلاً بالبلد
لابد من يوماً كبير = يصبح به الشايب ولد
فردعليه الشيخ مسلط التمياط
بيضاء نثايل جونا = عيوا بها تومانها
تحرم على عدونا = حامينها بسنانها
ثم وقال: سعدون العواجي يهدد الشيخ مسلط
يااهل السبايا خيلكم = كدوا على بيضاءنثيل
حثوا على رحيلك = نبي على البيضاء نزيل
ثم قال: الشيخ مسلط التمياط يحث فرسان قبيلته على الاستبسال والدفاع عن ديارهم
كان العواجي زارنا = الخيل ياركابها
نبي نفك ديارنا = من ليثها وعقابها
ثم قال : سعدون العواجي
ياعقاب يامروي السنين = يااللي حريبك ماينام
ياعز جرعات الحنين = ياشوق مردوع الوشام
وقال سعدون العواجي ايضا :
عيناك يابيضاء نثيل = هبت هبوب سعودها
يالشمري عنها تشيل = حذراك لاتعودها
عقاب بالسيف الصقيل = فرسنكم يذودها
وقال ايضا :
تنزحوا عن جوكم = اخلوا جنابه من يمين
اقول كفوا دلوكم = حناعليكم واردين
وقال ايضا يخاطب فهيد الفواري
يافهيد شـدّوا حيلكـم = عقاب ليـثٍ مايهـاب
عقاب يذعـر خيلكـم = والخيل تجفل من عقاب
وقال عقاب العواجي يحث جماعته على الاستعداد لقتال التومان من شمر
ياحجاب حذّوا سمحت الذرعان = ومـن در الوضحـا بـرهـا
نبي نطارد سربـة التومـان = الـلـي تـزايـد شـرّهــا
وليـا تلاقينـا مـع الميـدان = عيـن الخصـيـم نـذرهـا
وقال راع العليا / لزام يخاطب عقاب
ياعقاب ياحبس الجنب = يامدله ابلك بالفلاه
احذرجريس والحدب = وابن طواله من وراه
فرد عليه عقاب
من عادنا ذاق العطب = كم فارسٍ حتفه لقاه
حنا مطوعة الصعب = بالسيف نجزاله صغاه
بعد مقتل هايس القعيط على يد ابن عقاب قال سعدون العواجي
ياعقاب ثارك ماغـداء = من له صغيرٍ مايضيـع
ابنك على هايس عداء = جروك قطع راسه سريع
امل ان تحوز على رضاكم
وسلامتكم
لمصدر كتاب محمد الاحمد السديري ((للحداوي))
07/06/10, (11:39 AM)
من انواع الحداء على ظهور الخيل
العرض العادي
