""تعوذو ياهل القلوب الضعيفة"" - °~*¤®§(§ شبـــكة ويــلان العـربـيـه §)§®¤*~ˆ°

**الصقار** · 07/06/09, (07:42 PM)

السلام عليكم ورحمة الله وبركاته
اقدم لكم هذة القصيدة --للشاعر سالم هندي العنزي

فجر القصيد وترجمان الشياطين =تعوذو ياهل القلوب الضعيفة
ااطلق سراح الي بقلبي مساجين =هاك الجروح الطاهرات العفيفة
يامصدر الحكمة شفاة المجانين =بعض البيوت ثقال لو هي خفيفة
الماء هماج وملح والثالث الزين = قراح والاول يجي با النصيفة
اجر العمى لو طاح ذنب المقدين = اجرة على اللة يلعيون الكفيفة
باقي بعد ساعة على الصبح ويبين = والضيف يسري والمعزب يضيفة
الضيف ياخذ من ملامحك والعين = بقصى خفوقي لاحضر يستضيفة
عذرا المسافة صارت ابعادها سنين = اعذار واجد والسبايب سخيفة
مثل العطش موت النخل والبساتين = والبعد يذبح واليالي مخيفة

**رابح الغضيان** · 07/06/09, (07:49 PM)

الله الله عليك وعلى صاحب هذه القصيدة الجميله والجزله بحق

والرائع لايأتي إلا بالروائع

سلمت يمينك مشرفنا الغالي / ابن هندي

تحياااااااااااااتي لك

**سعود المسعودي** · 07/06/09, (08:23 PM)

الرائع لايأتي إلا بالروائع

سلمت يمينك مشرفنا الغالي / ابن هندي

تحياااااااااااااتي لك

ودمت بكل خير

**عوض بن خميس** · 08/06/09, (10:31 PM)

ابو محمد
الله يحفضك ويحفظ شاعرنا المبدع سالم الهندى
وعتبى عليك وعلية بعدم نشر روائعة كما عرفتها وعرفتة
لك منى الشكر والعرفان على هذة التحفة

**الصقار** · 09/06/09, (12:40 AM)

الشاعر العذب

رابح الغضيان

وجودك شرفني واسعد كانبها

فلك جزيل الشكر والتقدير

**خلف الغريب** · 09/06/09, (08:22 AM)

هو ابن هندي وكاد راعي هالموضوع والا انا غلطان؟ .هاه .. مدري !!

عموما الحمد لله على السلامة يالقاطع

وسلمت على هالاختيار المميز للشاعر سالم بن هندي واتمنى منك دعوته للانضمام معنا في ويلان فمثله نتشرف بحضوره ..

مثل العطش موت النخل والبساتين...والبعـد يذبـح واليالـي مخيفـة

تحياتي وودي لك وله ..

**أبو غرام** · 09/06/09, (10:29 AM)

صح لسان القائل والناقل

ايا يكن

فالابداع هنا هو السمة المتميزه

الف شكر لك اخوي ابن هندي

على هذا النقل الاكثر من رائع

ودي وتقديري