من أروع المحاورات الشعرية لصياف الحربي

[عبدالرحمن اليمني]

بسم الله الرحمن الرحيم


محاورة شعرية

حمود المخلفي- الرياض

ولأن ساحة المحاورة لم تتوقف على عدد معين من الشعراء طالما ان الموهبة والقدرة على ممارسة هذا اللون موجودة فحتما سيكون هناك شعراء قادمون بقوة ستثبت الأيام المقبلة القليلة ولادتهم بالرغم من دفع ضريبة تلك السنين الماضية والتي كان للاسف لهذا (الإعلام) دور كبير في تأخر ظهورهم؟!.

وهنا في (شعبي) ومن باب إتاحة الفرصة وللقارئ والمتذوق الحكم نترككم مع هذه (الرائعة) من محاورة مختارة بين كل من الشاعرين (صياف بن عواد الحربي) وزميله الشاعر الشاب والنجم القادم (الهاب بن عوض الحربي) فإليكم هذه المحاورة:

الهاب الحربي:




يا السحيمي ترى بيني وبينك حدود

كل واحد على حده ويرجـع وراه

انت حدك من أطراف القصيم وتعود

والوسيدي مسك حد الشمال وحماه





* صياف الحربي:




انتبه للجمـال تسـوق ولا تقـود

كل جمال يأخذ بندقه مـع عصـاه

حدي الشام والبصرة وعندي شهود

وانته احفظ كتابك والقلم والـدواه






* الهاب الحربي:




لا تضيع العلوم ولا تبيح السـدود

سوقها لين ياصل علمنا منتهـاه

ما يقضي نهار الكون غير الشرود

كل ما كبرت الهوشه عطاها قفاه






* صياف الحربي:




امش يالهاب والهب والركود الركود

وانتبه للفقير اللي غضب عن عشاه

وامسك الأرض يالين المسافر يعود

والبنادم الياجاب العشاء ما عـلاه






* الهاب الحربي:




يا مدير الخزانـة لا تـروح النقـود

في نهار يصير الفقـر مثـل الغنـاه

جيت أبا أزعل على صياف والياه عود

مير قولوا لبن عواد يصلـح خطـاه






* صياف الحربي:




فيه ذيب يغير وفيه ذيـب رقـود

وانت حط العشا بالقدر قبل اتغطاه

ليلة السبت تنظر في شرار الزنود

والحقيقة لبست الثوب فوق العباة





* الهاب الحربي:




الذيابه سوا من عصر عاد وثمود

غير واحد سنونه طايحه من جماه

حرب دايم علمها فوق راس العمود

اذهن الداب يوم انك قلبت الحصاة.





*صياف الحربي:




الرجال الكبار تحـك عـود بعـود

وانت مدري تحك العود والا اللحاه

حرب قوم الحرابة قبل عشرة عقود

دارهم ما يموت ولا يظلـم سمـاه






* الهاب الحربي:




الرجـال الكبـار مقيـده بالقيـود

مير صياف ابن عـواد هـذا بـلاه

بعض الأيام بيض وبعض الأيام سود

وانت مدري تحب الموت والا الحياة





تحيااتي للجميع

منقول من منتدى الأمير الوليد بن طلال حفظه الله ورعاه