وين شعراء المحاورات - °~*¤®§(§ شبـــكة ويــلان العـربـيـه §)§®¤*~ˆ°

**القايد** · 28/08/05, (04:51 PM)

من شاف لي شاعرٍ ينظر بعيد ويقول=الطيبه طيبها من حض من قالها
أبي مع أهل الوفاء والطيب ياهل العقول= أدور الطيبه وصير دلالها

أي شاعر محاوره يتقدم مشكوراً بدون أستثنى أحد

ودمتم على القوه ,,,

**هادي بن معزي** · 28/08/05, (09:05 PM)

يا سلالالام

في انتظار شعراء المحاورة

هادي بن معزي

**الزرعاوي** · 30/08/05, (01:40 AM)

يا سلام

بدايه جميله

ننتظر الرد من الشعراء قبل أن نستلم دفة القياده ونبحر

تحياتي

**شاعر محاورات** · 30/08/05, (10:50 PM)

يامرحبابك تراحيبن بهالخاطر تجول=الطيبه عندي ولانيب همالها
وان كنت ياصاحبي لحوح عجول=تصعب مراقيها وتطيح فوحالها

**القايد** · 31/08/05, (09:25 AM)

هلابك با شاعر المحاورات لكن لايفوتك الوزن

بك البقاء وزنها قصير والأ يطول=سحابة الصيف ماننغر بخيالها
صلات ربي على محمد نبياً رسول=والخيل ياصاحبي معروف خيالها

**عبدالله الثابت** · 31/08/05, (01:31 PM)

ياسلالالالالالام

ياسلالالالالالام

عمروا الصفوف ياشباب

لكن انتبه ياشاعر المحاورات

بيوتك عليها ملاحظات

بحر بيوتك مختلف عن بيوت القايد

لكن يالقايد شد حيلك الصفوف وصلت

تقبلوا تحياتي وانا الان ماسك الصف

**القايد** · 01/09/05, (12:59 PM)

أبي أعتذر ياهوجه الخير حسب الأصول=معرف ضروف البشر مدري عن أحوالها
بعض المحطات تستقبل تصول وتجول=وبعض المحطات سكرنا على أرسالها

نظراً لعدم استمرارية هذا الطاروق فنني أعتذر عن أرد عليه لاحقاً فمن لديه الرغبه بان يبتدي في طاروق جديد يتفضل,,

وتقبو تحياتي