:: المركز الإخباري :: الديوان المقروء :: الديوان المسموع :: قناة ويلان :: مركز التحميل :: للمميزين فقط ::

مركز ويلان الاخباري
بعض قصايدي المسموعه (اخر مشاركة : غازي العايد - عددالردود : 0 - عددالزوار : 5064 )           »          علمتني الحياة (اخر مشاركة : طلال الفقير - عددالردود : 0 - عددالزوار : 5948 )           »          جديدي قصايدي غازي العايد (اخر مشاركة : غازي العايد - عددالردود : 0 - عددالزوار : 5137 )           »          بعض قصائدي المسموعه 2023 (اخر مشاركة : غازي العايد - عددالردود : 0 - عددالزوار : 4464 )           »          بعض قصائدي المسموعه 2023 (اخر مشاركة : غازي العايد - عددالردود : 0 - عددالزوار : 4072 )           »          ஐღإهداء عبارات من القلب إلى القلبஐღ (اخر مشاركة : عابر احساس - عددالردود : 7195 - عددالزوار : 1469278 )           »          تفعيل الحساب (اخر مشاركة : أبوجابر - عددالردود : 3 - عددالزوار : 14 )           »          السلام عليكم ورحمة الله وبركاته (اخر مشاركة : جميل السويلمي - عددالردود : 2 - عددالزوار : 13 )           »          صلى على نبينا محمد (اخر مشاركة : مبارك كريم المعيتق - عددالردود : 0 - عددالزوار : 36107 )           »          بيته المهجور (اخر مشاركة : حمد الوايلي - عددالردود : 1 - عددالزوار : 34846 )           »         
آخر المشاركات




منتدى التاريخ والتراث العربي قصص من الماضي -تاريخ القبائل العربيه

إضافة رد
 
أدوات الموضوع انواع عرض الموضوع
قديم 22/05/12, (12:27 AM)   المشاركة رقم: 1
المعلومات
الكاتب:
فواز الغسلان
اللقب:
شاعر و راوي

البيانات
التسجيل: 09/10/08
العضوية: 2889
الدولة: حايل
المشاركات: 65
بمعدل : 0.01 يوميا
معدل التقييم: 48
نقاط التقييم: 66
فواز الغسلان يستحق التميز


الإتصالات
الحالة:
فواز الغسلان غير متصل
وسائل الإتصال:

المنتدى : منتدى التاريخ والتراث العربي
افتراضي موجز الاخبار والرد على البدراني

قصيدة موجز الانباء الادبيه والتاريخيه
والرد على فايز البدراني

ابدى بذكر الواحـد المناني=اللي كفوفه بالندى ممليه
واعوذ به من همزة الشيطاني=اللي تخوض عروقنا الروحيه
وخلاف ذا ياناشد الغسلاني=هاك العلوم بلوحة شعريه
خذها بريشة شـاعـر فـنــاني=معها ضمان النوع والكيفيه
عن هاجس بين العباد اشقاني=وامسى على فكري تقل دوريه
من يوم غابت عـنـدل الغزلاني=ريم الفلاة الناعس الشاميه
اللي زهاها الثوب والفستاني=وزاد الحلا بخدودها الورديه
اللي عـوى من دونـها السرحـاني=وشهب الفجوج وقاعها الرمليه
ولازم يجيها بالغثى ماجاني=والظلم مثل الوعدة البنكيه
وحبيت اناقش فايز البدراني=دكتور علم وحوزته محميه
ومدري علامه يضرب الطيراني=يوم ارتفع بالجامعه كرسيه
ومااقول ماله بالمراجـل شاني=بس العـداله للـبشر مرضيه
يرفـع بلوته عن ورق كنكاني=قبل ارصعه كبوت واربع ميه
وترى الخطا العفوي مع النسياني=تاطاه حتى الفرقة الماسيه
لاشك فايز قلد البستاني=يجمع على الغلطات خبث النيه
بالسوق له خمسة عـشـر ديواني=تشكي جـفاف امطارها الوسميه
شاد العماره واهمل السيساني=وصارت بصبغ العجرفه مطليه
خلا الفحل يبرك على القعداني=واشعل لهايب جمرة مطفيه
ادخل حدود الشام مع جـيزاني=حـتى تسيل بروقـه الصـيفـيه
وخلا الغنم تطرد ظنى الويلاني=خافوا معه بارود جرثوميه
عنزين وقرونه تقل ديباني=وجاب الله المرياع بالبوفيه
وشلون لو معهن ربايط ضاني=كان اكثره عدت ورى تركيه
وطاح الجنازه وارتجى الفرساني=تحت العقيد اللي ربط جوتيه
قال النجاة وذمة الرحماني=للتايه اللي ساقته رجليه
وساقوا عتيبه قفو ابن شبناني=يرمون برقاها على روقيه
هذي سواليفٍ تسم ابداني=ولازم نسجل بالنقى مرثيه
وشريدة الفرسان والشيخاني=قبلي وقبلك حاجته مقضيه
ونعمٍ بأخو حسناء ربيع العاني=ولا هو بحاجة كذبة رمزيه
ترثة شيوخ صيتها رناني =صوارم ما تقبل العانيه
وثورة سند يوم اعلن العصياني=من شاف نار الظلم يزعل زيه
واخاف تبدأ ثورة البركاني=ماهي جهود بالعرب فرديه
والكلمة اللي فعلها ماباني=قبل الدلايل صحته منفيه
ياابن العرب لاتستهيض اشجاني=خرطك يجيب العيد والعيديه
هذي صوارم نجد ياعزياني=وانته تظنه هبرة مشويه
تسعين سيف كفها شاماني=ماهي دفاع السربة الحوثيه
وصدق العرب مايزعل الشجعاني=وكل القبايل له رحيل وجيه
ولا يحسب ان جموعنا خبلاني=واللي يقوله حاجة حتميه
شفنا وثايق نجد بالبلداني=بالغرب لين حدودها الشرقيه
وشفناه فعلا تثبت اللي كاني=لو كان فايز يغلي الصدقيه
ياخذ جراب ولا يجي كنزاني =ويفرق نصوص الوجه والخلفيه
يجيب سطر ولا يجيب الثاني=حسب الهوى والطبع والنفسيه
وهذا البلادي يشهد انه جاني=ماثار عند الكذب لا بناخيه
حيثه صدوق ويكره الكذباني=لو نختلف في فقرة جزئيه
وقول البلادي ينذر الفهماني=ان النقول اللي تجي ملويه
وشفت الكثير بمكتبة اسواني=واصبح بلى الدكتور بالقرنيه
والضحك بعقول العرب يافلاني=مشروع كشفه حاجة وقتيه
ولو جيت اقدم للـغـلط برهاني=هادف ولا هي كلمةٍ كيديه
قبل افرق الصاحي عن الجرباني=يرفض رئيس اللجنة الرسميه
وجتنا علومه مثل حاني ماني=وخلا البحوث بشنطته منسيه
واعذارهم تسري عليك ألواني=وفيها على رفض الطلب ماريه
قالوا درس بالمعهد الساساني=واكمل جميع فـنـونه العلميه
احضر شهادة صدق من ميلاني=بس الخـتـوم الثابته هـنديـه
والـثـانـيـه من مـعـهدٍ اليوناني=واربع من اللي صـورتـه فـوريه
قلت الملوك وقـادة الـبلداني=عند العرب تحكم بلا كليه
والشافعي بالعلم والصنعاني=ومالك مع ابن الـقـيم الجوزيه
ابحاثهم غـطت على الاوطاني=ولا سـافـروا للـبقعة القطبيه
وهذي شهادات تجيك اطناني=من عين شمس وكلها شكليه
دكاتر ترطن بكل لساني=للي يسوق اقساطها نقديه
وسمسارها المبروك مدحت خاني=للي يريد حروفها زيتيه
قالوا كلى المكبوس والبرياني=يوم انت تاكل خبزة جمريه
قلت الفلافل توجع المصراني=ومنها جميع الحكة الجـلديه
قالوا نسيبه قايد الاركاني=وابوه قاد نسورنا الجويه
قلت النسور الصدق مع سلماني=واجداده اللي شادوا الدرعـيـه
هـاتوا جـوابٍ واضح عـقـلاني=يكشف مدار فروقنا الوهميه
ماهي على فرعـون ياهـاماني=والصدق واضح للقلوب الحيه
أدم وحواء للبشر عنواني=ولا ني ولد جـنـي ولا جـنـيـه
ولايختلف عدنان عن قحطاني=ومسكاننا بالكورة الارضيه
وحملي وحمله بالعدد سياني=ونولد بلا ثوب وبلا كحفيه
اول بداية عمرنا وغداني=وعنده وعندي دورة هضميه
وعدة شرايينه مثل شرياني=وكلٍ معاه جـيـوبه الانفيه
وحتى الـمـمـات ولبسة الاكفاني=والدفن تحت الـتـربـة الطـيـنيه
وبالحشر يحشر حـافـيٍ عرياني=ماهو بلكسز ناقلٍ ببسيه
وان كان هي بالهوش ماني واني=نقلط وكل ناقل عوكيه
ونبي الحكم من حروة البلقاني=عن فـزعـة ابن الخال لابناخيه
إما وطيت الذيب او ياطاني=لاجل اقتنع بفروقنا الجسميه
والا فلا ارضى بالعرب حقراني=وش يفرق الخنجر عن الجنبيه
الفـسح للكــذبان والعلماني=ويمنع دعـاة الـفـكـر والقوميه
وارزاقنا ساقه لنا الرحماني=اللي كفل رزق الخلايق شيه
واشبع طـيـورٍ تلـفـح الجنحاني=ودابٍ عمى في ظلمةٍ صخريه
ولو رزق خـلق الله على الديواني=ماعـاش غـيـر البـيـه والبيهيه
وحطوا هميل الغيث في خـزاني=وصارت فـواتير الـمطر شهريـه
وادرج بنود الطرد والحرماني=ان مانـفـع بالخصم والحسميه
وصك يقول ان الفتى جـيعاني=ولازم يحـط الـنـوع والكمـيه
ومن قال جايع يشتكي ندماني=يقـطـع عليه الفول والطعميه
وداحوا ضعاف الحال بالعصياني=والجلد بكتوفه وفي رجليه
ورزق الضعيف يسـاق للشبعاني=ولقمة حسن تصرف على حسنيه
والسجن حق اللي فـتح دكاني=والا دخل عامين بالكيسيه
قالوا مواضيعك عن البدواني=وتجهل فنـون أحـداثنا العصريه
قلت العلوم الـيـوم ماتخـفـاني=وسوسن هي اللي عـنـدنا نشميه
ولاعب فرنسا والعرب زيداني=ماهو شريك بمذهب الزيديه
وشفنا الوثايق والجبل ماواني =وظلم وسواد الامة الصربيه
بس الحقايق قـالـهـا الالباني=وقالوا كبير وفاقد العـقـليه
وان جاز نوم الليل في دسماني=وش حـرم المقيال بالسيليه
واللي يبي نبذه عن الغسلاني=غير الحلا والبشرة الحنطيه
انا ولدت بنكسة العرباني=وهزيمـتـه بالضـفـة الغربيه
بالسبع والستين جت كرعاني=والقصف مثل المزة الهنديه
ليلة ذهـاب حسين للعدواني=لمائير ينذر غارة جويه
من آل بيت المصطفي العدناني=ويريد كسب الاجر بالحجيه
في ثلث ساعه حــاسهم دياني=واعدم جـميع البنية التحتيه
ومن عقب وقف الحرب والنيراني=ظهر الخـمـيس بخـطة سريـه
في نصف ذاك الليل للحـلـمـاني=سار الـيـهـود بهجـمةٍ ليله
وشالوا بها سيـنـاء مع الجولاني=لو قيل هذي حـرب تكـتيكيه
وغارات سيف الدولة الحمداني=ما كل قايد جيش يفعل زيــه
أثر الـزعيم المـحـترم سهراني=حتى الصباح بسـهرة فنيه
ورده تغـنـي للـعرب مجاني=وبليغ صاغ انـغـامه السحريه
ولادتي تجبر حشى الزعلاني=تعويض جرح النكبة الحزبيه
ومتوسط التدريس في شعباني=عقب اجتياز الفترة السنيه
أنور يـبـيـع الـقـدس للعدواني=وديفد وكمبه يضبط الوزنيه
بيجن خذى السادات بالاحضاني=والبيت الابيض شبـته عصريه
ثمان والسبـعـيـن علمه جـاني=وباعوا صكوك ديارنا القدسيه
وهذا سبب قتله من البطراني=خـالـد وراع الطـلـقـة الناريه
والجامعه جـيـته وانا حيراني=بقسم الاصول الخمسة الدينيه
وصدام يستسلم بحرب ايراني=وفيها شربنا النكبة البعثيه
جاء للجزاير واعلن الخسراني=وجيشه سرى للجـارة الشرقيه
من مقطع الفلم الخسيس الداني=عاف الحـلول الخمسة السلميه
وأثر السبايب والعطب يافلاني=جيش العرب للحالة السلميه
وسلاحهم للدار والجيراني=وقمع الشعوب بهجمة وحشيه
تالي سلاح العسكر الالماني=عقب اندحار الثورة النازيه
مصنوعةٍ في عهد ابوسفياني=واكثر نقوش الصنع فرعونيه
ماتقتل الجربوع والجرذاني=لو تنسدح عنده على زوليه
دبابةٍ منظارها عطلاني=ووسط البلد مايشتغل بوريه
بس المسجل صافي الشرطاني=وكل الاغاني فيه رومنسيه
وغـمـارته تبكي على النعساني=كـن المراتب بدلةٍ مكويه
ماتلحق العميان والعرجاني=وتظهر عشوش الطير في شاصيه
وسواقـها تحت اللهب عرقاني=وزيته قعد يقطر على رجليه
والله يلو جيناه بالعصياني=نترك صـعـاريره تقل لوميه
هذي وصوف سلاحنا الميداني=ووسط البنوك اموالها الفعليه
واخبارنا كان الرحيم احياني=من قرن لين وقوتنا الحاليه
افرق دخول الصوم عن شعباني=واضبط حساب الدورة الكونيه
ودخول نجـم الوسم والميزاني=وتحديد وقت اعيادنا الدينيه
لو ماقعدت ارجي حسن كراني=معه العصى بالنـشـرة الجويه
والموتر الوارد من الياباني=بالسعر فوق الخردة الصينيه
واللي يهاجـمـني مع الجنحـاني=اخطر من اللي هجمته راسيه
والشوت الاقشر بالفريق الغاني=اما هدف او ركلةٍ ركنيه
والموت في مرتدة الطـلـياني=دايـم دفاع وهجـمته ناريه
واذا بغيت الدوري الاسباني=الـبـارشا وريال هـم دربـيـه
وسلة مريكا نجمها جورداني=وفريق شيكاغوا خذى الفوقيه
لو ماسـمعنا خـالـد الحرباني=يزعـج علينا نـغـمـة صوتيه
ورحال ما شاله حـمد شناني=هذي لعيسى في مجالس غيه
والراجحي غطى على الـفـرداني=والعام مثل اليوم ميه الميه
للي عيونـه تضبط النيشاني=ويقوى يصيد الظبي بالسنكيه
والفرق كله خـطة السلطاني=سمى حـميس الكرش كمونيه
وخطط يهد الروس بالافغاني=من شان هدم الجبهة الروسيه
وعقبه يريد الفاو من طهراني=ويزحف يريد الثروة النفطيه
والا قنابل مصنع السوداني=كله لكـتـم التـهـمـة الجنسيه
ونهج السلف والمنهج الاخواني=وتحرير حق الامة الكرديه
ولاتقترب للقدس يالغسلاني=والا تصير معادي الساميه
واترك كتايب عون في لبناني=وتهديد أمن الدولة العبريه
والا نداء حرية النسواني=ودفع الوسام لـقادة الحريه
أو دعوته في ملتقى الادياني=ولافرق في سنه ولاشيعيه
ودعم الهـنود لغيظ باكستاني=وفكرة صواريخ الردى الكوبيه
واشعال نار الحرب بالغلباني=لاجل السلاح وسوقها الشريه
شاف المصانـع مخزنه ملياني=ويخشى هبوط النسبة الربحيه
ولايختلف به بوش عن ريجاني=نفس الغيار بقـطـعة اصليه
وهـجمات سبتمر كلام ثاني=وصفعة خشوم ابراجها العاجيه
امسى يهدد من يصير الجاني=ويمكن تجي له قـنـبله الذريه
سعر الـمـريكي دوم ماينهاني=وذبحه حرام وحرمته دوليه
دامه سلايل راعي الثيراني=اللي اباد الامة الهنديه
ودم العرب قيمة ذبيحة ضاني=لو مات بالعبارة المصريه
وبرج التجاره طايح العمداني=زلزل عـروش الـقـادة الصوريه
وكلٍ يخاف انه طلع خواني =وإنه صنع بارود جـرثـوميه
وكل العرب ساروا على المزباني=وشالوا تبرع دم بالطبليه
وبيوت غــزه كلها دماني=وياويل من يهديه بطانيه
ولاجل البراءه عـزوا اليتماني=ودرزن شهود ختومها شرعيه
وعزوا ضحاياهم بقلبٍ حاني=عن هول قصف الغارة الوهميه
الا زعيم بات ليله هاني=يسكن شمـال الديرة الكوريه
هذا وتصنـيـفه مع العدواني=ماراح والا كز له جاهيه
وماجاه بوش يقـرقـع البيـباني=ويطرق نوافذ بيته الخلـفيه
هادي ولاينشد عـن اللي كاني=ويقدر يحشر اللي بــه الجنيه
صمم سلاحٍ يكتم الفسـقاني=وياصل على تكساس بالفجريه
فـيها اللهايـب تدفي البرداني=ومن الودك وقرونها مدحيه
غز السلاح الصبح بالميداني=ورادار عبر الطاقة الشمسيه
ونايم بظل الـورد بالبستاني=وتسعين صـاروخٍ مهي شكليه
تشبه صروم النسر والعقـباني=وبالعيد تصلح للعدى عيديه
محدن يحارش نايم الديـبـاني=وشره على العصفور والسحليه
يبي الـمعزه لو رقــد جيعاني=ولايرتضي هونه سوى السوقيه
وحنا نشيد بفعل ماجـلاني=وهو حاس كل شطوطنا البحريه
وقصة رجوع الشرك والاوثاني=رغم اخـتلاف الصيغة الجـينيه
وغزوة حسن في يام من نجراني=وهو مامعه بارود كـيـمـاويه
ومقتل حجيج البيت من همداني=كيف استوى بأحكامـنا الفـقهيه
نـبـذه توضـح للـعـرب ماكاني=وتكشف جميع اسرارنا البيئيه
اما الدراسه معهدي برزاني=ونغمة مسار الصوت بقعاويه
ورفضت اسير بمنهج الكذباني=أو مـنـهـج التطبيل والرمزيه
وجبال حايل بالفخر مسكاني=اللي سكنها حـاتـم وماويه
والمدرسه في مجلس الشيباني=وتخصصي بديارنا النجديه
وعلمي مهو معروض بالدكاني=وممنوع كود بوصفة طبيه
عليه خـتــم المنع كالدخاني=ولازم يصير بخلوة شرعيه
لو هو حلال بمذهب الشوكاني=وجايز بقول الشيخ ابن تيميه
جبته من السفرات للبلداني=وحبي لجـمـع اشعاره المنسيه
من روس شيبان ورى الظلعاني =ومن الشمال لدورنا القبليه
مابين قاف بديوي الوقداني=وفيصل عقيد اللابة المريه
والا قصيد الفغم والهبداني=والا جموع بطوننا الطائيه
والا الغزل مع محسن الهزاني=والا قصيد الحكمة اللاميه
اتعبت فيها ناقتي وحصاني=من قبل اعرف الشاشة الفضيه
يوم القـصـيد الجزل بالشرطاني=قبل العقود وقيمة الدفعيه
افهم قصيد الحـضـر والبدواني=ولي بالـقـوافي بصمة شعريه
وكان السبب بالمنع صدق لساني=ولبس العقال ولبسة الطاقيه
ماترهم البدله على سيقاني=ولا اجيد لبس البدلة الملويه
ضبطت زولي تقل جنتلماني=بس السوالف غصب صحراويه
وكان السبايب جيبي الطفراني=ليتي مكنت الطفرة الماليه
كان العرب تدعين باغسلاني=والصيف في قرطاج واشبيليه
عن لاهبٍ كنك تحت شكماني=خلان كني شنــةٍ مطويه
واذا منعت الفسح عن ديواني=ماراح تبقى قـيـمـته مخـفيه
يكفـين قافي مع بيان لساني=وشعرن وصل للديرة القبطيه
فيها لباقي جيلنا تبـياني=مثل الزهــر بالواحة ريفيه
وتصلح لتاريخ الـعرب عـنواني=عـبر الـقـرون الخـمسة الهجـريه
لو ماشـهـد لي بالـعـرب غساني=اللي بـرع باللجـنــة الـفـنـيه
واللي منعني خـوضة الـميداني=كون القصايد عندنا حربيه
وصارت حـروب للعرب واكواني=وتالي نـتـايـج حكـمها جـبريه
خــلا مسار الشعـر والقيـفاني=واقـفـى بسوق الـمـال والربحيه
لو ناتج التصويـت للـعريـاني=افضل ويكتب فـوقــها جمعيه
شيٍ يشـوفـه ضـايـع العـمياني=ومن يستمع لاخـبـارها اليومـيه
ومااقـول في حكامها نقصاني=بس القصايد حـاجة شخصيه
اشرح بها اللي داج في وجـداني=واذكر عـلاج امراضنا الكبديه
قالوا خلاصة هرجنا يافلاني=بحثك خلاف نهوجنا الرسميه
وحنا ضـعـاف الحال والعظماني=ونخاف قطع الرزق والخرجيه
قلت اقبلوا شكري مع العرفاني=وهذا دليل الجهل والرجعيه
وقبل انتهي من موجز الطفشاني=جيت العجوز وعمتي فوزيه
قالت تراك اخطيت ياذيباني=وحرمت سبع الغاب من حصنيه
ذبح العرب في غارة النصراني=ولا ذبحهم بسجوننا السريه
قلت اشهد انك صبتي النيشاني=وهذي ختام ابياتنا النونيه


















عرض البوم صور فواز الغسلان   رد مع اقتباس

قديم 27/05/12, (01:50 AM)   المشاركة رقم: 2
المعلومات
الكاتب:
هندي المقبل
اللقب:

مدير عام الموقع

الرتبة:
الصورة الرمزية
 
الصورة الرمزية هندي المقبل

البيانات
التسجيل: 31/03/05
العضوية: 2
الدولة: القريات
المشاركات: 4,145
بمعدل : 0.60 يوميا
معدل التقييم: 100
نقاط التقييم: 641
هندي المقبل مـــبــــدع بـــلا حـــدودهندي المقبل مـــبــــدع بـــلا حـــدودهندي المقبل مـــبــــدع بـــلا حـــدودهندي المقبل مـــبــــدع بـــلا حـــدودهندي المقبل مـــبــــدع بـــلا حـــدودهندي المقبل مـــبــــدع بـــلا حـــدود


الإتصالات
الحالة:
هندي المقبل غير متصل
وسائل الإتصال:

كاتب الموضوع : فواز الغسلان المنتدى : منتدى التاريخ والتراث العربي
افتراضي رد: موجز الاخبار والرد على البدراني

الرواي والشاعر فواز الغسلان

صح لسانك على هذه النونيه التي استعرضت فيها الكثير من قدراتك ومهاراتك وربما اكثر من هدف القصيده نفسها ! ولكن لاضير في ذلك ولن اقول الا صح لسانك وشكرا لك ..

وانت معروف بالحياديه دائما والصدق وجزاك الله خيرا


















توقيع : هندي المقبل

اعطيك جوك واتجاهلك وارفعكّ = واحيان امثل معك دور البطوله
خلك على نفسك تنفذ مخططكّ = ويحرم علىّ اللي تبي ماتنوله
اعرفك لا ما اعرفك لاو الله اعرفكً = عساك تفهم كل حرفا اقوله

عرض البوم صور هندي المقبل   رد مع اقتباس

قديم 31/05/12, (02:58 PM)   المشاركة رقم: 3
المعلومات
الكاتب:
سليمان الجعفري
اللقب:
مشرف منتدى التاريخ والتراث العربي
الرتبة:
الصورة الرمزية
 
الصورة الرمزية سليمان الجعفري

البيانات
التسجيل: 22/08/08
العضوية: 2729
الدولة: الرياض
المشاركات: 3,403
بمعدل : 0.60 يوميا
معدل التقييم: 55
نقاط التقييم: 1537
سليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلان


الإتصالات
الحالة:
سليمان الجعفري غير متصل
وسائل الإتصال:

كاتب الموضوع : فواز الغسلان المنتدى : منتدى التاريخ والتراث العربي
افتراضي رد: موجز الاخبار والرد على البدراني

الرواي والشاعرالقدير/ فواز الغسلان
صح لسانك على هذه القصيدة التي استعرضت فيها الكثير من قدراتك
ومهاراتك الشعريه وربما اكثر من هدف بالقصيده نفسها
ولكن لاضير في ذلك ولن اقول الا صح لسانك وشكرا لك
وانت معروف بالحياديه دائمًا والصدق
لك تحياتي


















توقيع : سليمان الجعفري

عرض البوم صور سليمان الجعفري   رد مع اقتباس

قديم 03/06/12, (04:52 PM)   المشاركة رقم: 4
المعلومات
الكاتب:
ذيب حرب
اللقب:
ضيف عزيز

البيانات
التسجيل: 29/05/12
العضوية: 6955
الدولة: المدينه المنوره
المشاركات: 2
بمعدل : 0.00 يوميا
معدل التقييم: 0
نقاط التقييم: 50
ذيب حرب يستحق التميز


الإتصالات
الحالة:
ذيب حرب غير متصل
وسائل الإتصال:

كاتب الموضوع : فواز الغسلان المنتدى : منتدى التاريخ والتراث العربي
افتراضي رد: موجز الاخبار والرد على البدراني

اقتباس:
المشاركة الأصلية كتبت بواسطة فواز الغسلان
هههههه عذر البخيل رمضان 00



الواحد (.......) قال اني صائم 0 يامسكين انا قائد محنك ولي بطولاتي


وخذ هالنبذه من حياتي تكفيك 000


ياللي تسوق العـدل بالميزانـي
هـاك العلـوم بلوحـة شعريـه
واللي رسمهـا شاعـر فنانـي
يضمن صلاح القاف والنوعيـه
لاشفت هوجاس الظلام اشقانـي
وامسى على فكري تقل دوريـه
ماهو سبايب عنـدل الغزلانـي
ام العيـون الناعـس الشاميـه
اللي زهاها الثـوب والفستانـي
وبان الحلا بخدودهـا الورديـه
اللي زمت من دونها الظلعانـي
وشهب الفجوج وقاعها الرمليـه
لكـن سبايـب كاتـبٍ فسقانـي
ويعطيك وصفاتٍ مهـي صحيـه
بالسوق له خمسة عشر ديواني
فيهـا علـومٍ شبـه بالونـيـه
خلا الزحول تبـاري السيسانـي
وينشر هجين بحوثـه العلميـه
ومااقول ماله بالمراجـل شانـي
بس العدالـه بالعـرب مرضيـه
ارفع بلوتك عـن ورق كنكانـي
قبل ارصعك ياهيه باربـع ميـه
وان قلت اجيب لغلطته برهانـي
عارض رئيس اللجنة الرسميـه
وغديت احاكي بالعرب طرشاني
وخلوا بحوثي عندهـم منسيـه
واعذارهم فيها تصيـر ألوانـي
وصارت على رفض الطلب ماريه
وقالوا درس بالمعهـد الالمانـي
واكمل جميـع فنونـه العلميـه
احضر شهادة صدق من ميلانـي
واربع من اللي صورته فوريـه
قلت العرب كلـه بـلا حقرانـي
حكامهـا تحكـم بــلا كلـيـه
وشيوخنـا بالديـن والايمانـي
مالك مع ابـن القيـم الجوزيـه
سادوا على القاصين قبل الدانـي
شهادته صدقـه وحسـن النيـه
ماقدمـوا تسجيـل بالديـوانـي
وماخافوا التفنيـش والحسميـه
قالوا كلى المكبوس والبريانـي
يوم انت تاكـل خبـزة جمريـه
قلت الفلافل توجـع المصرانـي
ودايم تجيـب الحكـة الجلديـه
قالـوا قريـب لقايـد الاركانـي
وابـوه قـاد نسورنـا الجويـه
قلت النسور الصدق مع راكانـي
لاقاد جيـش السربـة الياميـه
بس اسمعوا نبذه عن الغسلانـي
من شان كشف فروقنا الوهميـه
أدم وحـواء والعيـال اخوانـي
ودلالي احلى مـن طعـم كافيـه
والنـاس ياقحطـان ياعدنانـي
ويلبس وانا البس بالشتاء كحفيه
وحملي وحمله بالعـدد سيانـي
وجيران وسط الكورة الارضيـه
اول بدايـة عمرنـا وغـدانـي
وعنده وعنـدي دورة هضميـه
وعنده شرايينه وبـي شريانـي
وكـلٍ معـاه جيوبـه الانفيـه
ولانختلف في لبسـة الاكفانـي
والدفن تحـت التربـة الطينيـه
وبالحشر ياتي مثلنـا عريانـي
مـاراح يحشـر ناقـلٍ ببسيـه
قالوا مواضيعك عـن البدوانـي
وتجهل جميع احداثنا العصريـه
قلت اسمعوا للضامر الولهانـي
واعطيكـم الاخبـار تفصيليـه
لو مانهجت ادرس ورى اليوناني
ولو ماكشفت القـارة القطبيـه
وابدى بطيحة حكمنـا العثمانـي
ورفعة شعار الثـورة الحزبيـه
انـا ولـدت بنكسـة العربانـي
وهزيمتـه بالضفـة الغربـيـه
بالسبع والستين جـت كرعانـي
والقصف مثـل المـزة الهنديـه
باثنين والعشرين مـن نيسانـي
اول حصـاد الخطـة الخمسيـه
ليلة ذهـاب حسيـن للعدوانـي
لمائير يخبرهـا علـوم الجيـه
من ال بيت المصطفى العدنانـي
ويريد كسـب الاجـر بالحجيـه
في ثلث ساعه حاسهـم ديانـي
لو قيل هـذي حـرب تكتيكيـه
راحت بها سيناء مع الجولانـي
واعدم جميـع البنيـة التحتيـه
أثر الزعيـم بليلتـه سهرانـي
حتـى الصبـاح بسهـرة فنيـه
اما الدراسـه معهـدي برزانـي
ونغمة مسار الصـوت بقعاويـه
ورفضت اسير بمنهج الكذبانـي
ولا سرت بالتزويـر والرمزيـه
وجبال حايل بالفخـر مسكانـي
اللـي سكنهـا حاتـم وماويـه
والمدرسه في مجلس الشيبانـي
وتخصصـي بالديـرة النجديـه
وعلمي مهو معروض بالدكانـي
وممنوع كـود بوصفـة طبيـه
عليـه ختـم المنـع كالدخانـي
ولازم يصيـر بخلـوة شرعيـه
لو هو حلال بمذهب الشوكانـي
وجايز بقول الشيخ ابـن تيميـه
جبته مـن السفـرات للبلدانـي
وحرصي لحفظ اشعاره الشعبيـه
نـوب رواة ربوعنـا الويلانـي
والا رواة ديـارنـا القبـلـيـه
مابين قـاف بديـوي الوقدانـي
وحزام وسط العـزوة العجميـه
والا قصيـد الفغـم والهبدانـي
وزوبع وعلـم اللابـة الطائيـه
والا الغزل مع محسن الهزانـي
والا قصيـد الحكمـة اللامـيـه
اتعبت فيهـا ناقتـي وحصانـي
من قبل اعرف الشاشة الفضيـه
يوم القصايـد قولهـا مجانـي
من قبل صرف القرش والربيـه
افهم قصيد الحضـر والبدوانـي
ولي بالقوافي بصمـة سحريـه
وكان السبب بالمنع صدق لساني
ولبس العقال ولبسـة الطاقيـه
ماترهم البدلـه علـى سيقانـي
ولا اجيد لبس البدلـة الملويـه
ضبطت زولي تقـل جنتلمانـي
بس السوالف غصب صحراويـه
وان كان هي بالهوش ماني واني
ناتـي وكل(ن)ناقـل شومـيـه
اما وطيـت الذيـب او ياطانـي
ونبي الهواش بغرفـةٍ صخريـه
ونبي الحكم من نقـرة البلقانـي
عن فزعة ابن الخـال لابناخيـه
والا اسمعوا قولي بلا حقرانـي
والصدق واضح للقلوب الحيـه
وكان السبايب جيبي الطفرانـي
ليتي مكنـت الطفـرة الماليـه
كان العرب تدعيـن باغسلانـي
والصيف في قرطـاج واشبيليـه
عن لاهبٍ كنك تحـت شكمانـي
خـلان كنـي قربـةٍ مرمـيـه
واذا منعت الفسح عـن ديوانـي
مـاراح تبقـى قيمتـه مخفيـه
يكفين نطقي مع بيـان لسانـي
يقـدر يطـب ديارنـا القبطيـه
الفسـح للكذبـان والعلمـانـي
ويمنع دعـاة الفكـر والقوميـه
وماراح سكان الجبـل تنسانـي
وتبقى حروفـي واحـة ريفيـه
قافي مثل بـدر الشهـر لابانـي
من دون غيـم بليلـة صيفيـه
ضمنه تواريخ العـرب عنوانـي
عبر القرون الخمسـة الهجريـه
لو جيـت للمليـون بالميدانـي
طيـرت كـل اللجنـة الفنـيـه
ومااقول بـه زود ولا نقصانـي
بس القصايد حاجـة شخصيـه
اشرح بها اللي داج في وجداني
وانثر هجوس احوالنا النفسيـه
لو ناتـج التصويـت للعريانـي
افضل مدام انـه غـدت جمعيـه
وافرق دخول الصوم عن شعباني
ونجومنـا لـه دورة(ن)كونيـه
ودخول نجم الوسـم والميزانـي
وتحديد وقـت اعيادنـا الدينيـه
لو ماقعدت ارجي حسن كرانـي
معه العصى بالنشـرة الجويـه
واللي يصير اليـوم مايخفانـي
واخبار سوسن تفهمـه نشميـه
والموتر الـوارد مـن اليابانـي
بالسعر فوق الخـردة الصينيـه
واللي يهاجمني مـع الجنحانـي
ارحم من اللي كورتـه عرضيـه
والشوت فنه بالفريـق الغانـي
امـا هـدف او ركلـةٍ ركنـيـه
والموت فـي مرتـدة الطليانـي
دايـم دفـاع وهجمتـه ناريـه
واذا بغيـت الـدوري الاسبانـي
البارشـا وريـال هـم دربيـه
لو ماسمعنـا خالـد الحربانـي
يزعـج علينـا نغمـة صوتيـه
والراجحي غطى على الفردانـي
والعـام مثـل ايامنـا الحاليـه
للي عيونـه تضبـط النيشانـي
وسنارتـه للصيـدة البحـريـه
والفرق كلـه خطـة السلطانـي
اللـي هروجـه تقـل كرتونيـه
خطط يهـد الـروس بالافغانـي
من شان هدم الجبهة الروسيـه
وعقبه يريد الفاو من طهرانـي
والقرب حول الثـروة النفطيـه
او مصنع الارهـاب بالسودانـي
ودعوى مونيكا شبه غوغائيـه
وقتل الشريعـه علـة القرآنـي
وتحرير حـق الامـة الكرديـه
ولاتقتـرب للقـدس يالغسلانـي
والا نقـول معـادي السامـيـه
واترك كتايب عون فـي لبنانـي
وتهديد أمـن الدولـة العبريـه
ونادى يبـي حريـة النسوانـي
ورفع الوسـام لقـادة الحريـه
وعقبه دعى في ملتقى الاديانـي
ولافرق فـي سنـه ولاشيعيـه
وغيظ الهنود بدعـم باكستانـي
وفكرة صواريخ الردى الكوبيـه




لله درك ياشيخ


يشهد الله انك قامة شعرية متفردة ومختلفة يافواز

تجارب واحداث وتاريخ سنين صورتها في لوحة مرسومة بحروف
من ذهب بدون مجاملة ومغلفة بالجزالة حتى آخر حرف


قايلك يابوفهد انت وابوخالد بس ماطعتوني







http://www.3nzh.com/vb/t41342-9.html




السلام عليكم ورحمة الله وبركاته اخواني ابناء قبيلة عنزه العريقه والعزيزه علينا
مهما قيل في المواقع الاكترونيه نبقى اخوان بالاسلام ويننا نسب قديم وجديد وروابط صداقه وخوه بالحاضر والماضي
وحتى تقوم الساعه
وبعد قصيده الشاعر فواز الغسلان احد امرين اما القصيده حرفة بدون علمه وهذا شبه موكد حيث الشاعر فواز شاعر غني عن
تحريق قصيده نشرة بالمواقع الاكترونيه واذا يبغى يقصد القصيد لايعجزه رايح يجيب قصيده جديده في الموضوع الذي يريده
واذ كان فواز الغسلان محرف القصيده وهذا لامر غير وارد نقول يافواز ليسى حنا الذي يعجزنا الرد بل نرد بقوه فائقه
لكن ماودنا نتسرع ونسبق الاحداث
والرابط اعلاه نامل الاطلاع عليه وتجدون القصيده على معتقد بالصفحه رقم 7 او 8 تقريبٍ
اشكر الاداره على تفعيل عظويتي ونامل منهم عدم حذف ردي
شاكرين ومقدرين للجميع


















عرض البوم صور ذيب حرب   رد مع اقتباس

قديم 11/06/12, (10:15 PM)   المشاركة رقم: 5
المعلومات
الكاتب:
سليمان الجعفري
اللقب:
مشرف منتدى التاريخ والتراث العربي
الرتبة:
الصورة الرمزية
 
الصورة الرمزية سليمان الجعفري

البيانات
التسجيل: 22/08/08
العضوية: 2729
الدولة: الرياض
المشاركات: 3,403
بمعدل : 0.60 يوميا
معدل التقييم: 55
نقاط التقييم: 1537
سليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلانسليمان الجعفري يستحق وسام ويلان


الإتصالات
الحالة:
سليمان الجعفري غير متصل
وسائل الإتصال:

كاتب الموضوع : فواز الغسلان المنتدى : منتدى التاريخ والتراث العربي
افتراضي رد: موجز الاخبار والرد على البدراني

اقتباس:
المشاركة الأصلية كتبت بواسطة ذيب حرب
السلام عليكم ورحمة الله وبركاته اخواني ابناء قبيلة عنزه العريقه والعزيزه علينا
مهما قيل في المواقع الاكترونيه نبقى اخوان بالاسلام ويننا نسب قديم وجديد وروابط صداقه وخوه بالحاضر والماضي
وحتى تقوم الساعه
وبعد قصيده الشاعر فواز الغسلان احد امرين اما القصيده حرفة بدون علمه وهذا شبه موكد حيث الشاعر فواز شاعر غني عن
تحريق قصيده نشرة بالمواقع الاكترونيه واذا يبغى يقصد القصيد لايعجزه رايح يجيب قصيده جديده في الموضوع الذي يريده
واذ كان فواز الغسلان محرف القصيده وهذا لامر غير وارد نقول يافواز ليسى حنا الذي يعجزنا الرد بل نرد بقوه فائقه
لكن ماودنا نتسرع ونسبق الاحداث
والرابط اعلاه نامل الاطلاع عليه وتجدون القصيده على معتقد بالصفحه رقم 7 او 8 تقريبٍ
اشكر الاداره على تفعيل عظويتي ونامل منهم عدم حذف ردي
شاكرين ومقدرين للجميع



الاخ العزيز/ ذيب الحربي
اولاً : نقول لك اهلاوسهلا بك ونتمنى ان تقضي معنا اجمل الاوقااات واسعدها بإذن الله
ومثل ماقلت نحن اخوة بالدين ويوجد بيننا روابط كثيرة يجب لايوثر عليها بعض الشوائب ونحن اكبر من ذلك ان شاء الله
ثانياً : انت تقول: وبعد قصيده الشاعر فواز الغسلان احد امرين اما القصيده حرفت بدون علمه وهذا شبه مؤكد
حيث الشاعر فواز شاعر غني عن تحريف قصيده
ثالثاً : كانك تتهم طرف ثاني بتحريف القصيدة وهذا بالاكيد انه مستبعد نهائياً
حيث فواز الغسلان معروف في هذا المنتدى اكثر من ثلاث سنوات
ولايمكن ان احد يتجرأ على معرفه ويقوم باالتحريف اطلاقاً
رابعاً : كون القصيده قديمة مثل ماقلت وقام بالاضافة عليها هذا شئ يخصه وحده
هذا مااردت ايضاحه
تحياتي للجميع


















توقيع : سليمان الجعفري

عرض البوم صور سليمان الجعفري   رد مع اقتباس

قديم 12/06/12, (01:31 AM)   المشاركة رقم: 6
المعلومات
الكاتب:
ذيب حرب
اللقب:
ضيف عزيز

البيانات
التسجيل: 29/05/12
العضوية: 6955
الدولة: المدينه المنوره
المشاركات: 2
بمعدل : 0.00 يوميا
معدل التقييم: 0
نقاط التقييم: 50
ذيب حرب يستحق التميز


الإتصالات
الحالة:
ذيب حرب غير متصل
وسائل الإتصال:

كاتب الموضوع : فواز الغسلان المنتدى : منتدى التاريخ والتراث العربي
افتراضي رد: موجز الاخبار والرد على البدراني

اقتباس:
المشاركة الأصلية كتبت بواسطة سليمان الجعفري مشاهدة المشاركة
اقتباس:
المشاركة الأصلية كتبت بواسطة ذيب حرب
السلام عليكم ورحمة الله وبركاته اخواني ابناء قبيلة عنزه العريقه والعزيزه علينا
مهما قيل في المواقع الاكترونيه نبقى اخوان بالاسلام ويننا نسب قديم وجديد وروابط صداقه وخوه بالحاضر والماضي
وحتى تقوم الساعه
وبعد قصيده الشاعر فواز الغسلان احد امرين اما القصيده حرفة بدون علمه وهذا شبه موكد حيث الشاعر فواز شاعر غني عن
تحريق قصيده نشرة بالمواقع الاكترونيه واذا يبغى يقصد القصيد لايعجزه رايح يجيب قصيده جديده في الموضوع الذي يريده
واذ كان فواز الغسلان محرف القصيده وهذا لامر غير وارد نقول يافواز ليسى حنا الذي يعجزنا الرد بل نرد بقوه فائقه
لكن ماودنا نتسرع ونسبق الاحداث
والرابط اعلاه نامل الاطلاع عليه وتجدون القصيده على معتقد بالصفحه رقم 7 او 8 تقريبٍ
اشكر الاداره على تفعيل عظويتي ونامل منهم عدم حذف ردي
شاكرين ومقدرين للجميع



الاخ العزيز/ ذيب الحربي
اولاً : نقول لك اهلاوسهلا بك ونتمنى ان تقضي معنا اجمل الاوقااات واسعدها بإذن الله
ومثل ماقلت نحن اخوة بالدين ويوجد بيننا روابط كثيرة يجب لايوثر عليها بعض الشوائب ونحن اكبر من ذلك ان شاء الله
ثانياً : انت تقول: وبعد قصيده الشاعر فواز الغسلان احد امرين اما القصيده حرفت بدون علمه وهذا شبه مؤكد
حيث الشاعر فواز شاعر غني عن تحريف قصيده
ثالثاً : كانك تتهم طرف ثاني بتحريف القصيدة وهذا بالاكيد انه مستبعد نهائياً
حيث فواز الغسلان معروف في هذا المنتدى اكثر من ثلاث سنوات
ولايمكن ان احد يتجرأ على معرفه ويقوم باالتحريف اطلاقاً
رابعاً : كون القصيده قديمة مثل ماقلت وقام بالاضافة عليها هذا شئ يخصه وحده
هذا مااردت ايضاحه
تحياتي للجميع

الاخ سليمان الجعفري
مشكور على الروح الرياضيه وهذا من طيب اصلك
اخي الغالي اذا فواز الغسلان متواجد بهذا الموقع نطلب منه امرين اما يقول القصيده انا الذي حرفت
فيها او ينفيها وبعدين لكل حادثه حديث مع العلم حاولة ارسله رساله خاص لكن
غير مسموع في خاصية الرسائل لي
تحياتي وتقديري لشخصك الكريم


















عرض البوم صور ذيب حرب   رد مع اقتباس

قديم 10/10/12, (07:39 PM)   المشاركة رقم: 7
المعلومات
الكاتب:
سليمان مفضي العنزي
اللقب:
عضو فضي

البيانات
التسجيل: 19/02/10
العضوية: 5353
الدولة: حيث يلتقي النخبه
المشاركات: 664
بمعدل : 0.13 يوميا
معدل التقييم: 44
نقاط التقييم: 637
سليمان مفضي العنزي مـــبــــدع بـــلا حـــدودسليمان مفضي العنزي مـــبــــدع بـــلا حـــدودسليمان مفضي العنزي مـــبــــدع بـــلا حـــدودسليمان مفضي العنزي مـــبــــدع بـــلا حـــدودسليمان مفضي العنزي مـــبــــدع بـــلا حـــدودسليمان مفضي العنزي مـــبــــدع بـــلا حـــدود


الإتصالات
الحالة:
سليمان مفضي العنزي غير متصل
وسائل الإتصال:

كاتب الموضوع : فواز الغسلان المنتدى : منتدى التاريخ والتراث العربي
افتراضي رد: موجز الاخبار والرد على البدراني

رائعه بل هي ملحمه يافواز

صح لسانك وشكرا لك لتبيين الحق والوقوف مع الحق دائما


















عرض البوم صور سليمان مفضي العنزي   رد مع اقتباس

إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة: استضافة رواد التطوير
الساعة الآن (03:19 PM)


مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه