الأخوة الكرام اليكم هذه المتواضعه التي أتمنى أن تنال اعجابكم
وترضي ذائقتكم
((؟؟؟؟؟؟؟؟؟؟؟؟؟؟؟))
ببدى القصيدة دون أياة عنوان=حبك محى يابنت كل العناوين
أن قلتلك اني على الحب شفقان=وشهو جوابك لي ياروعة الزين
قولي بصراحة ياهوى كل عشقان= وياك انك بالمحبة تمنين
الحب صعب انا نرده اذا حان=مايمنعه أية نظاماً ولا دين
حب الشرف اقصد ولاني بغلطان=هذا طموح اللي على الود صافين
ماني مدور للردى أي بيبان=لان الردى ماهو شعار الشريفين
ولاني مثل غيري مع الحب شيطان=حبي صريح وثابت ٍله قوانين
ودي المحبه بينناتعتلي الشان=وكلٍ يشيد بحبنابالدواوين
ويصير حبٍ لاهل العشق ميزان=وكلٍ يقول انا على الحب وافين
ودي جميع الناس تذكر عشيقان=في وقتنا الحالي ولو مر قرنين
ويقول جيلٍ بعدنا فيه أثنان=مامثلهم بالحب يصدق به اثنين
ماجد مع اللي حبها ذيك الأزمان=ماظن ياصل حبهم احدٍ الحين
هذا طموحي وانشكف مني وبان=عساه يتحقق وعندي تعيشين
لأني احبك حب ماحبه انسان=والضاهر انك ياهوى القلب تدرين
أني أريدك دايم الدوم بجنان=ولا ودي انك عن عيوني تغيبين
دامك معي هاليوم باعيش فرحان=واعيش طول العمر ضمن السعيدين
ولا زل عن حبك ولاني بندمان=لوعاندت حبي جميع السلاطين
ولوهم رموني بالسجن خلف قضبان=او حاكموني مثل صدام حكمين
اواتهمت اليوم مع ابو سفيان=ريس عصابه مختفي من له السنين
والا ارهابي من جماعات الأخوان=في غوانتانامو احسب اليوم يومين
ماهمني يابنت ظلمٍ وبهتان=لوني اصير اليوم ضمن التعيسين
باثور من أجلك كما ثور بركان=ماثار مثله بالطبيعه براكين
بواجه العالم بحربٍ وعصيان=واشب نار الحرب ضد العدويين
اللي يحاول يبعدك غصب شقيان=ويصبح ترى يابنت ضمن الشقيين
ببحر معك بالحب واصير قبطان=وخط اتجاهي ماله اليوم خطين
والمستحيل يصير ياغصن الألبان=أني ابدل حبك اليوم بالهين
لوالكيان اليوم ينصف لنصفان=ومن كل شي يصبح اليوم شيين
وان كان من واقعك تبغين برهان=من شان منه ياحياتي تقيسين
لو يتصالح بوش مع حاكم ايران=أويعلن الكونجرس عودة فلسطين
والا يعود اليوم هتلر للألمان=ويبدل الجزيه على اللي مجازين
مابدله حبك وانا منه رويان=والقلب منه مرتوي والشرايين
هذا شعوري وانسكب دون عنوان=ولاني مدور بعد حبك عناوين
أبختصر حبك انا اليوم بأمران=إنك حياة الروح والنور للعين
20/04/07, (05:02 PM)
لويتصالح بوش مع حاكم ايران
العرض العادي
