بــــشـــر هـــــ الــنــــــوع ؟!!

[بدر الحنيف]

،،

أنا ماني جبان واملك القدره اقول : فلان = اشوف الناس وافرقها .. واسميها بأساميها
عشان الخوف للورعان والنغزات .. للنسوان = انا لي شرهة ٍ ماتزل الا عند راعيها
واذا ماشفت راعيها .. اكرمها عن النقصان = ودهاليز الظلام " المّخنزه " .. ما والله امشيها
اعرف ان السوالف عمرّها ماتشبع الجيعان = لا تجلب "ماك " يا باشا وسط حارة سواقيها
ترى عيب الرجاجيل اتطوى كنها الديدان = واذا شافت بلاد الطيب ... تبعد ما تدانيها
بلاد الطيب لو كانت تعاني نقص بالسكان = لو ان الضيم .. يدحمّها .. فلا تخلف مباديها
على الشيمه وبالشيمه .. تشرع مجمل البيبان = هقاويها بخير .. وخير يلقا .. من هقا .. فيها
وانا ماترمي البندق من إيدي .. مالها نيشان = ورمـيّ اعراس .. بين الناس .. طاشت في مراميها
عسى عذر الخبل .. لامن تعذر يعبر المحقان = ليّـا منه حكا عذره .. يجي فيها .. وما فيها
اعرف الناس .. والحقران سيف ٍ يقطع المصران = ليّـا شفت الوجيه .. اللي بلاها في علابيها
اذا جات بخطا واضح اجيها كني الطوفان = اناديها .. وأبيّـن وش خطاها .. حين اناديها
وذا ما تابت .. وعادت .. ابا اطلاها من القطران = لاجل ما تبلش ارجال ٍ .. على جريف ِ وتعديها
وجيه ٍ لوتلوّنها القناع .. وطـّبـت الميدان = اقووووول : الهون .. يا خطوات تخثع في خطاويها
بشر .. هالنووع في عيني .. زعلهّا من .. زعل طوووقان = اذا جتني .. اوقـّـفـها .. واهـرولـهـا .. وامـشـيها
تبي .. تاكل بعضها ... والزمان ان طال عذره..بان = مدام اللي .. تتقى بالحصاه .. اقبل يدربيها
ومدام الحق .. يفرق به خطا .. الصالح .. من الخربان = خطا .. من يشكي اوجاعه .. لنفس ٍ ما تداويها
وانا لا شفت من يقدح .. من الصوان .. بالصوان = اشوف الناس .. وافرقها .. واسميها بأساميها

ودمـــتــــم ،،

[مشعل بن جريد]

حضــــــور خاص

لا تعليق اكتبه هنا
لان الحرف هنا اكبر من أي كلمة ثناء

صح لسانك عدد مالايحُصى ولا يُعد

[سلطان المسلط]

حضور مذهل /مدهش

بدر .. اسم يجبر الجميع على المتابعه



ابيات تنم عن احتراافيه في الشعر

بدايه قويه لهذا النص .. وتسلسل افكار رائع


هذه الابيات لا تاتي الا من البدر .. وهذه الجزاله لا يتحكم فيها الا البدر

صح لسانك .. وسلم بنانك

سلطان المسلط

[هادي بن معزي]

صح السانك خمسه الاف ريال

عفوا عفوا فانا احيانا افكر في ان الماده هي كل شي

صح السانك ولا هنت


يعطيك العافيه خمسه الاف ريال

يوووه قصدي يعطيك العافيه خمسه الاف مره



يسلمو يا بدر على الابداع الغير مستغرب عليك


صح السانك

ولا هنت


خمسه الاف مره

[تركي صالح]

بدر الحنيف

شاعراً لايكتب إلا الروعه

ولا يقدم إلا الجمال الشعري الساحر

أتحفتنا كعادتك أيها البدر

سلمت ودمت على هذا الابداع

الذي قرأناه وأستمتعنا بقراءته

ولله درك أيها المبدع

وتقبل فائق التقدير والاحترام

[ماجد الغانم]

الأخ العزيز

والشاعر الرائع

بدر الحنيف



صح لسانك ...ولاهنت
على هذه القصيده الرائعه .....
لأنها من أحساس الرائع بدر ........

فالله درك ولافض فوك

دمت بكل خير

ودام هذا االتميز والأبداااع

[صالح العرجان]

بشر .. هالنووع في عيني .. زعلهّا من .. زعل طوووقان
اذا جتـنـي .. اوقّفـهـا .. واهرولـهـا .. وامشيـهـا




الهداج بدر الحنيف


توقفها (( وتهرولها )) وتمشيها


هكذا الفراسه والا فلا



صح قدح زنادك