بــنــت الأصــايـل......

[عادل العايش]

لو وقفت زينب ولميس مـع نـور=مع بنت عجرم مع هل الشام ودبي
وشاوروني لرمي عصابة الشور=مع بنت حايل كلهن ماسون شـي
بنت البدو من حولها أسود وصقور=شيهانـةٍ مـادورت جلسـة الفـي
عفه وعز معطره عـود وبخـور=وطيبٍ بقى من جدها حاتـم الطـي
بنت الاصيل أصيلـةٍ كنهـا النـور=والنور وش يجني لناسه سوا الضي
مثل الذهب يبقى له اعوام وأشهور=ما غيـره لا عـج لا ريـح لا مــي
لو جت لنا الموضات بالدور بالدور=وتجدد اللكـات والمشـي والـزي
هذا يقلد لبسـة انسـان مشهـور=وهذي تبي تسريحة المطربـه ذي
وهذاك له جمهور ولذي جمهـور=تبقا كذا "بنت الأصايل" كمـا هـي
يارب ترزقني بعد موتـي الحـور=والحايليـه دامنـي باقـيٍ حــي

تحياتي للجميع
أخوكم أبـو تـمـيـمـ ...

[راعي سميراء]

صح الله لسانك اخوي الغالي عادل

ولاهنت على الابيات

دمت عزيز

تحياتي وتقديري

[خلف الغريب]

كفو اخوي عادل...

الف صح لسانك ..

والله ما حصلنا من هالمسلسلات الا التشتت والانحطاط الاخلاقي لدى بعض المتأثرين ...

تحياتي لك ..

[عادل العايش]

رااعي سميراء

صح الله بدنك

ولاهنت على مرورك الرااائع

[الصقار]

صح لسانك عادل العايش
مشـــــــــــــــــاركه في قمه الروعه
لاتحرمنا جديدك
تقبل مروري
ابــــــــن هندي

[عادل العايش]

الغالي خلف الغريب

هلابك ومسهلا

وصح الله بدنك

والله أنك صاادق لاكن مثل ماقال

مثل الذهب يبقى له اعوام وأشهور=ما غيره لا عـج لا ريـح لا مـي

الأصيل والله مايتأثر...
ومرورك شرف لي


يعطيك أألف عاافيه على التثبيت

[رابح الغضيان]

صــــــــــــح ألسانك أخوي الشاعر عادل العياش،،،،،،،


(رائع ياأبوتميم)


تحيااااتي لك..........

[ماجد الغانم]

الغالي

عادل العايش

صح لساااااانك .....ولاهنت

وبيض الله وجهك .....رااائع هذا الحضور الشعري

لله درك ...

دمت بكل خير ...والله يحقق مراااادك

تقبل جل تقدير واحتراامي

[جنون الحلم]

اخوي عادل
الله عليك ....الله عليك
كفو والله كفو..............
وعشت وعشنا يأهل حايل كلنا.......
يعطيك الف عافيه
اختك جنون الحلم

[هندي المقبل]

الشاعر عادل العايش

صح لسانك على هذه القصيده والنعم والله ببنات الحمائل

عزالله ان مافي مقارنه بينهم وبين هالاسماء الي ذكرت

تحياتي لك

[عادل العايش]

ابن هندي

ياهلابك وغلا

مرورك شرف لي

لاهنت

[عادل العايش]

شاعرنا رابح الغضياان

صح الله بدنك

ولاهنت على مرورك الكريم

[عادل العايش]

الأستااذ ماجد الجعفري

هلا وغلا ويامرحباا

وصح الله بدنك

والله يسمع منك....

[عادل العايش]

الأخت الغاليه جنون الحلم

هلابك وغلا

مرورك شرف لي

وعاااشة اياامك

[عادل العايش]

الغاالي السيف القاادم

صح الله بدنك

ولاهنت على مرورك الكريم

وداام تواااصلك بدواامك

[عليا الشمري]

عفه وعز معطـره عـود وبخـور
وطيبٍ بقى من جدها حاتـم الطـي
بنت الاصيل أصيلـةٍ كنهـا النـور
والنور وش يجني لناسه سوا الضي
:
الله يبيض وجهكـ أخوي
بالفعل العفه هي المقياس والأساس للأنثى ..
صح لسانك وطاب فالك
تقديري لك
:
:

[عادل العايش]

شاعرتنا

الأخت العليا

صح الله بدنك

ولاهنتي على مرورك الكريم

وداام تواصلك بخير..