بــنــت الأصــايـل...... - °~*¤®§(§ شبـــكة ويــلان العـربـيـه §)§®¤*~ˆ°

**عادل العايش** · 27/07/08, (11:52 PM)

لو وقفت زينب ولميس مـع نـور=مع بنت عجرم مع هل الشام ودبي
وشاوروني لرمي عصابة الشور=مع بنت حايل كلهن ماسون شـي
بنت البدو من حولها أسود وصقور=شيهانـةٍ مـادورت جلسـة الفـي
عفه وعز معطره عـود وبخـور=وطيبٍ بقى من جدها حاتـم الطـي
بنت الاصيل أصيلـةٍ كنهـا النـور=والنور وش يجني لناسه سوا الضي
مثل الذهب يبقى له اعوام وأشهور=ما غيـره لا عـج لا ريـح لا مــي
لو جت لنا الموضات بالدور بالدور=وتجدد اللكـات والمشـي والـزي
هذا يقلد لبسـة انسـان مشهـور=وهذي تبي تسريحة المطربـه ذي
وهذاك له جمهور ولذي جمهـور=تبقا كذا "بنت الأصايل" كمـا هـي
يارب ترزقني بعد موتـي الحـور=والحايليـه دامنـي باقـيٍ حــي

تحياتي للجميع
أخوكم أبـو تـمـيـمـ ...

**راعي سميراء** · 28/07/08, (12:08 AM)

صح الله لسانك اخوي الغالي عادل

ولاهنت على الابيات

دمت عزيز

تحياتي وتقديري

**خلف الغريب** · 28/07/08, (12:23 AM)

كفو اخوي عادل...

الف صح لسانك ..

والله ما حصلنا من هالمسلسلات الا التشتت والانحطاط الاخلاقي لدى بعض المتأثرين ...

تحياتي لك ..

**عادل العايش** · 28/07/08, (12:54 AM)

رااعي سميراء

صح الله بدنك

ولاهنت على مرورك الرااائع

**الصقار** · 28/07/08, (01:01 AM)

صح لسانك عادل العايش
مشـــــــــــــــــاركه في قمه الروعه
لاتحرمنا جديدك
تقبل مروري
ابــــــــن هندي

**عادل العايش** · 28/07/08, (01:03 AM)

الغالي خلف الغريب

هلابك ومسهلا

وصح الله بدنك

والله أنك صاادق لاكن مثل ماقال

مثل الذهب يبقى له اعوام وأشهور=ما غيره لا عـج لا ريـح لا مـي

الأصيل والله مايتأثر...
ومرورك شرف لي

يعطيك أألف عاافيه على التثبيت

**رابح الغضيان** · 28/07/08, (01:50 AM)

صــــــــــــح ألسانك أخوي الشاعر عادل العياش،،،،،،،

(رائع ياأبوتميم)

تحيااااتي لك..........