رد: قدام قدام يا رجلي ..
 

اي والله اني مشيت الدرب لو هـو عسيـر

قـدام قـدام يـا رجلـي وصلنـا المـرام

سيري ..وياقلب مهما صار بالـدرب سيـر

اسرج جوادك نبـي نطـارد فلـول الظـلام

شب القصايد علـى قلـب المنافـق سعيـر

الصبر درعك , وعزمـك فالملاقـى حسـام

واكرب عزومك , ولا ترضى بحبـة شعيـر

قسمك مع القوم يوم القسـم راس السنـام

كـن مبتسـم بالنهـار الكالـح القمطريـر

وفصل ثيابك من اجمل لـون واعـز خـام

لا تركـع الا لمـن كونـك تبقـى الكبيـر

واذا أقيمـت صـلاة الفـرض خلـك إمـام

انهض جناحك ترا القمة ماهـي لأي طيـر

ثم اصعد بهقـوة المطنـوخ متـن الغمـام

اكيد خلفك مـن أعـداء الطمـوح الكثيـر

سيوف , ورماح , وان عجزوا تجيك السهام

بس انت واصـل وتاصـل للهوى فالاخيـر

وان طحت قدام لا تاصل : غشـاك المـلام

واللي طعني وانـا مقفـي حسابـه عسيـر

لو كان به خير كانـت طعنتـه مـن امـام

اصبر ولك يـوم ياالغـدار ترجـع صغيـر

والله لازيـن لـك علاجـك علـي الحـرام

لا اثـرت فينـي ولا وقفتنـي بالمسـيـر

ولي يوم باطا على راسك وابعطـي التمـام

صدري شمالي , ولكن معك باصيـر غيـر

مااغفر ذنوبك مـدام انـك تبيهـا صـدام

( الحلم مع غلطـة الجاهـل رسالـة نذيـر

والحلم مع غلطـة العاقـل دليـل انهـزام )

تبي بزعمك تهـز الضلـع؟ ياشيـخ طيـر

كبـر وسـادك واذا تنعـس تغطـى ونـام

مادام قرنك من الفخـار وش بـك تزيـر؟

ضربة والاخرى تبى تصبح قرونـك حطـام

والريـح مهمـا تقـوت بالعـوا والصفيـر

يبقى الجبل شامـخٍ نايـف مهيـب المقـام

ولو يحجب الغيم نور الشمس حزة عصيـر

الموعد الصبح لا صحيـت عيـون الانـام

لاانت اول اللي طفش مني ولا انت الاخيـر

أبو جهل حـارب الهـادي عليـه السـلام

يكفيني اني كسبت اعجـاب شيـخ ووزيـر

وأخذت قسمي مـن الكعكـة بكـل احتـرام

ورجلي ليا وفـق الله عمرهـا مـا تحيـر

ان كان تحت النظام او كـان فـوق النظـام

وعيبٍ على راسي الراسي يجـاوب حقيـر

مجرد انـي اناظـر بـه لـه اكبـر وسـام

سويت به مثل ما سـوا بمثلـه ( جريـر )

خلى احتقاره (لذي الرُمة ) اشـر انتقـام*

ومادام أبو الهول عن مبنـاه مـا يستديـر

فالصمت حـزات أبلـغ مـن كثيـر الكـلام

ولو كل كلمة ليـا جتنـي تحـك الضميـر

صارت ضلوعي على طول الحكايـا عـدام

ولو كل ما بان لـي مثـلام جيتـك مغيـر

ماكان باقي مـن اطلاقـي طلـق فالحـزام

ولو كل رجلي يواصـل فالطريـق ويسيـر

ما صارت الجنة لمن حـج وآمـن وصـام

واما نزولي عـن القمـة حشـا مايصيـر

لو صارت الشام هند وصارت الهنـد شـام

ومع كل هذا عسى في باطـن الامـر خيـر

مرات يطلع دوا المرضان من بطـن سـام

ابو خالد الشاعر المبدع


شاعر لا يختلف عليه اثنان

قصيدة رائعة لا تقل روعتها عن روعة حظورة المميز


هنا يقف قلمي حائر ما يكتب

وتتبعثر كلماتي امام هيبة هذي القصيدة الرائعة الشامخة


لله درك على هذا الابداع وكفيت وكفيت

دائماًُ وانت في مقدمة القوم بطيبك وحسن تعاملك

ودماثة اخلاقك

شهادتي فيك مجروحه لمعرفتي فيك الشخصية

وصلة قرابتي فيك لي الفخر والله بهذه القرابه

شاعر فذ ومميز

والى الامام ابو خالد

مودتي لك ولابياتك الراقية

رد: قدام قدام يا رجلي ..
 

رد: قدام قدام يا رجلي ..
 

الله عليك ما اجمل الشعر حينما تكتبه

ارويت عطشي بهذه القصيده

صح لسانك الي ان ترضى

رد: قدام قدام يا رجلي ..
 

-------اتق شر الحليم اذا غضب--------

هنا هيبة الشعر وحضوره وهنا سطوة الشعر وجبروته .

خلف الغريب شامخ دائما واسمح لي بالبحث في هذا المنتدى بعد كتابة هذا الرد عن بعضا من قصائدك لان من يكتب هذا النص الشعري فهو سيكون مبدع في اكثر من مجال .

اتعرف ماذا اتمنى .. !؟

اتمنى ان اجد لك شعرا في الغزل لأعرف ثورة المشاعر عن قرب فأنت ابدعت بالغضب فماذا ستقول بالحب ؟!!

لله درك

رد: قدام قدام يا رجلي ..
 

هلا بصالح ويالله حيه ..

اشكرك على هذه الاشادة التي اعتبرها وسام على صدري واتشرف باعجابك وتعليقك يا ابو سالم...

اما كلامك عن مراجعة قصائدك فثق تماما ومن شخص لا يجاملك انك شاعر كبير ووالله انني احرص على قراءة نصوصك ...

الف تحية لك ولجمال روحك ...

رد: قدام قدام يا رجلي ..
 

صح بدنك اخوي سالم واشكرك على تعليقك الذي شرفتني به ..

اتشرف باعجابك ايها الكريم ..

تحياتي وودي..

رد: قدام قدام يا رجلي ..
 

وما اجمل مرورك واطلالتك هنا اخوي بدر..

صح بدنك واشكرك على مرورك.

تحياتي لك..