قدام قدام يا رجلي ..

[خلف الغريب]

أحيانا تظن أن ما يحدث لك من عقبات مجرد صدفة ثم تتأكد أنها متعمدة ثم يجعل الله فيها خيرا كثيرا ..

أترككم مع قصيدة موقف ..

اي والله اني مشيت الدرب لو هو عسير=قدام قدام يا رجلي وصلنا المرام
سيري ..وياقلب مهما صار بالدرب سير=اسرج جوادك نبي نطارد فلول الظلام
شب القصايد على قلب المنافق سعير=الصبر درعك , وعزمك فالملاقى حسام
واكرب عزومك , ولا ترضى بحبة شعير=قسمك مع القوم يوم القسم راس السنام
كن مبتسم بالنهار الكالح القمطرير=وفصل ثيابك من اجمل لون واعز خام
لا تركع الا لمن كونك تبقى الكبير =واذا أقيمت صلاة الفرض خلك إمام
انهض جناحك ترا القمة ماهي لأي طير=ثم اصعد بهقوة المطنوخ متن الغمام
اكيد خلفك من أعداء الطموح الكثير=سيوف , ورماح , وان عجزوا تجيك السهام
بس انت واصل وتاصل للهوى فالاخير=وان طحت قدام لا تاصل : غشاك الملام
واللي طعني وانا مقفي حسابه عسير=لو كان به خير كانت طعنته من امام
اصبر ولك يوم ياالغدار ترجع صغير=والله لازين لك علاجك علي الحرام
لا اثرت فيني ولا وقفتني بالمسير=ولي يوم باطا على راسك وابعطي التمام
صدري شمالي , ولكن معك باصير غير=مااغفر ذنوبك مدام انك تبيها صدام
( الحلم مع غلطة الجاهل رسالة نذير=والحلم مع غلطة العاقل دليل انهزام )
تبي بزعمك تهز الضلع؟ ياشيخ طير=كبر وسادك واذا تنعس تغطى ونام
مادام قرنك من الفخار وش بك تزير؟=ضربة والاخرى تبى تصبح قرونك حطام
والريح مهما تقوت بالعوا والصفير=يبقى الجبل شامخٍ نايف مهيب المقام
ولو يحجب الغيم نور الشمس حزة عصير=الموعد الصبح لا صحيت عيون الانام
لاانت اول اللي طفش مني ولا انت الاخير=أبو جهل حارب الهادي عليه السلام
يكفيني اني كسبت اعجاب شيخ ووزير=وأخذت قسمي من الكعكة بكل احترام
ورجلي ليا وفق الله عمرها ما تحير=ان كان تحت النظام او كان فوق النظام
وعيبٍ على راسي الراسي يجاوب حقير=مجرد اني اناظر به له اكبر وسام
سويت به مثل ما سوا بمثله ( جرير )=خلى احتقاره (لذي الرُمة ) اشر انتقام*
ومادام أبو الهول عن مبناه ما يستدير=فالصمت حزات أبلغ من كثير الكلام
ولو كل كلمة ليا جتني تحك الضمير=صارت ضلوعي على طول الحكايا عدام
ولو كل ما بان لي مثلام جيتك مغير=ماكان باقي من اطلاقي طلق فالحزام
ولو كل رجلي يواصل فالطريق ويسير=ما صارت الجنة لمن حج وآمن وصام
واما نزولي عن القمة حشا مايصير=لو صارت الشام هند وصارت الهند شام
ومع كل هذا عسى في باطن الامر خير=مرات يطلع دوا المرضان من بطن سام

وسلامة الجميع

*للتوضيح .. أثناء معركة النقائض الشعرية بين الشاعرين الفرزدق وجرير
كان الشاعر ذو الرمة صغيرا فهجا جرير ولم يجبه جرير احتقارا له فكانت أشد عليه من رد جرير ..

[سليمان الجعفري]

كـن مبتسـم بالنهـار الكالـح القمطريـر= وفصل ثيابك من اجمل لـون واعـز خـام

لا تركـع الا لمـن كونـك تبقـى الكبيـر= واذا أقيمـت صـلاة الفـرض خلـك إمـام

انهض جناحك ترا القمة ماهـي لأي طيـر= ثم اصعد بهقـوة المطنـوخ متـن الغمـام

صح لسانك يابو خالد ملاااااااين

على هالرااائعه التي حلقت بنا في سماء الابداع والرقي والجزاله

واكيد كل عمل ناجح له اعدى والى الامام يابوخالد ولايهمونك اعداء النجاح

لك اجمل التحايا والاحترام

[سالم صالح]

الرائع والمبدع خلقاً وشعراً


خلف الغريب


صح السانك الين ترضى مبدع بكل ماتعنيه الكلمة من معنى وارقى سنووووووود يابو خالد ولايهمونك فالطير الحر مثلك صيده جزل وعزالله انك صدت

الحقيقة انني سمعت بدايات هذة القصدة منك واعجبت بها وزاد اعجابي اكثر عندما قراءتها وبعد اكتمالها اصبحت كالبدر

ولا استطيع ان اقتبس بيت بعينه لانها جميلة ومتكاملة كعقد اللؤلو


لله درك كم انت مبدع فهذة القصيدة سيف مسلول على المتربصين والاقزام ممن يحاربون الابداع والمبدعين


استمتعت كثيرا وراح اسير كل شوين للاستمتاع بالشعر الحقيقي


تقبل تقديري وودي

[جبار بن عابر]

واللي طعني وانـا مقفـي حسابـه عسيـر
لو كان به خير كانـت طعنتـه مـن امـام

نعم ياصديق الحرف الراقي ( مابهم خير ) كُسيت تلك الوجوه بلون مابين القوسين .
والحمد لله انهم قله .هولاء القوم اعداء للنجاح .
فسر للـنجاح واقـهر اعدائه
لا فـض فـوك
احترامي

[صالح السالم]

صح السانك يا جزل

والله يا خلف انني اندم على نشر قصائدي عندما اقراء لك

انت شاعر فريد للامانه سجلني من المتابعين والمعجبين بنصوصك

اجد في اغلب قصائد الشعراء بيت يقل مستواه عن الاخر لكن قصائدك جميع ابياتها بمستوى واحد

هذي هي الحقيقه وانا ليس من طبعي المجامله بالشعر

تقبل مروري واعجابي

[سالم العنزي]

هاهو الشاعر يتفجر غضبا ويتطاير الابداع والشموخ والقوه

يحير الكلام وتتهرب الحروف عندما اريدها ان تتجمع لكي كتب ردا لهذا الشامخ

خلف الغريب .. صح لسانك وانت اكبر بكثير من هولاء

تقبل اعجابي

[بدرفهد الجعفري]

ما اجمل هذا اليوم

تغيير في الشبكه وقصيده للعملاق خلف الغريب

صح لسانك يابو خالد