بسم الله الرحمن الرحيم
السلام عليكم ورحمة الله وبركاته
هذه القصيده عندما اسمعتها لشاعر عنزه عبدالله بن عبار قال انتم يالجعافره مثل بني هلال فما هو رايكم انتم

اليـــــكـــــم



الصدفه اللي جابتك يوم ميلاد

ميلاد للفرحه وعمر السعاده

يالي رماك الحظ من دون ميعاد

باول لقا والحظ ولع زناده

جيت بخطى فارس خطاويه تنقاد

على ثرى قلبي تربع جواده

جيت وبعثت بداخلي كل ماباد

مثل المريض المنتشل من عياده

من جيتك شوف الفرح داخلي عاد

والقلب ياقلبي حصل له مراده

تقدر تسميني مثل طفل الاعياد

اللي صباح العيد صلى الشهاده

يلعب ويلهو والفرح فيه يزداد

من عقب اخذ عيديته والقلاده

هذا ترى حالي معك والله اراد

انك تمكن من حشاي وفؤاده

القلب عرشك وانت ماغيرك اسياد

وغيرك ماهو كفو الغلا والسياده
مشهور الرشدان