طفل الاعياد - °~*¤®§(§ شبـــكة ويــلان العـربـيـه §)§®¤*~ˆ°

**مشهور الرشدان** · 14/11/10, (04:54 PM)

بسم الله الرحمن الرحيم
السلام عليكم ورحمة الله وبركاته
هذه القصيده عندما اسمعتها لشاعر عنزه عبدالله بن عبار قال انتم يالجعافره مثل بني هلال فما هو رايكم انتم

اليـــــكـــــم

الصدفه اللي جابتك يوم ميلاد

ميلاد للفرحه وعمر السعاده

يالي رماك الحظ من دون ميعاد

باول لقا والحظ ولع زناده

جيت بخطى فارس خطاويه تنقاد

على ثرى قلبي تربع جواده

جيت وبعثت بداخلي كل ماباد

مثل المريض المنتشل من عياده

من جيتك شوف الفرح داخلي عاد

والقلب ياقلبي حصل له مراده

تقدر تسميني مثل طفل الاعياد

اللي صباح العيد صلى الشهاده

يلعب ويلهو والفرح فيه يزداد

من عقب اخذ عيديته والقلاده

هذا ترى حالي معك والله اراد

انك تمكن من حشاي وفؤاده

القلب عرشك وانت ماغيرك اسياد

وغيرك ماهو كفو الغلا والسياده
مشهور الرشدان

**ابوالهيثم** · 14/11/10, (11:15 PM)

الشاعر القدير/ مشهور الرشدان

صح الساانك قصيدة رااائعة وشاعرية فذة

تملك الابيات الجزلة والفكر النير

تقديري وودي

**مشهور الرشدان** · 15/11/10, (01:25 AM)

صح بدنك ابو الهيثم شهادتك وسام على صدري احترامي وتقديري لشخصك الكريم

**فيصل الرسلاني** · 15/11/10, (05:19 AM)

جزل وقصيده جزله ورائعه ...صح لسانك ...

القلب عرشك وانت ماغيرك اسياد

وغيرك ماهو كفو الغلا والسياده

**محمد بن موسى** · 15/11/10, (12:59 PM)

مشهور الرشدان

صح السانك يالغالي واعتلاشانك
والف نعم باللابه اللي انت منهم

بأنتظار جديدك بشووق

كن بخير

**مشهور الرشدان** · 16/11/10, (01:00 AM)

اقتباس:

المشاركة الأصلية كتبت بواسطة فيصل الرسلاني

جزل وقصيده جزله ورائعه ...صح لسانك ...

القلب عرشك وانت ماغيرك اسياد

وغيرك ماهو كفو الغلا والسياده

صح بدنك اخوي فيصل وشاكر مرورك يابعد سبدي

**مشهور الرشدان** · 16/11/10, (01:04 AM)

اقتباس:

المشاركة الأصلية كتبت بواسطة محمد بن موسى

مشهور الرشدان

صح السانك يالغالي واعتلاشانك
والف نعم باللابه اللي انت منهم

بأنتظار جديدك بشووق

كن بخير

ماعليك زود ابو موسى وصح بدنك يا لابتي