.
والاهداء الى قلوبكم الطاهرة ....
والى صاحب اتصال ليلة البارحه صاحب القلب الابيض اخي وحبيبي ماجد الوايلي ...
قصيدة لم تر النور ..........فرررش
الزمن ظالم وانا حظي غبي!! = والعمر يمشي ولا ينظر وراه
غاطسٍ بالطين لي حد ركبي = مالقيت اللي رمى حبل النجاه
كان ياماكان به "بنت" و "صبي" = مضربٍ للحب بأفواه الرواه
ان عطوها العاب عيّت تلعبي = ترفض انواع اللعب الا معاه
وان عطوه الزاد عيا مايبي = كود بعد اللعب معها بالفلاه
قالوا: اصغيره!! واهو ماهو نبي = الطفل يخطي لسانه ويعصاه
قال : شوفي ! بس ابي يخط شنبي = لاكبرنا انتي لاحلامي فتاه
قالت : اسمع..لاتصير اكبر غبي = لاكبرنا كلٍ يحقق مناه
ودارت الايام والعمر يحبي = والولد راح يترزق في صباه
"عشرة" سنينٍ قضاها بتعبي = مع "ثمان" و"خمس" من عمره قضاه
ثم رجع وبخاطره احلى ظبي = لكن الاقدار خانت في هواه !!
قال يمه ..قالت : بـأمي وأبي = الظبي غيرك وانا امك قد رماه
قال:خانت!! قالت أمه وش تبي = ياولدي وسط العرب ألف بحلاه
وابتدى فيه القهر يدبي دبي = وقال امانه ..احفظو عني وصاه..
"الزمن ظالم وانا حظي غبي = والوعد ضايع خصوصا مع فتاه"
لكم حبي
18/07/05, (08:02 AM)
الزمن ظالم وانا حظي غبي!!
العرض الشجري