غـ ــ ــربـ ـــ ــه // ولكن ... غـــيـــر ... // .. ؟

[فايز العبدلي]

[align=center]بسم الله الرحمن الرحيم






السلام عليكم ورحمة الله وبركاته







الأحساس بأنك غريب بينك وبين ذاتك يكفي لقول مثل هذه المتواضعه



آمل ان تحوز على رضاكم

ما عاد فيني حيل لصدوف الايام = وش حيلتي غير اجمع الصبر واسير
مسيار من يزفر عباريه منضام = دكه زمانه لين شاف التعازير
(غـــربه) ولكن ماهي اْبًعد الارحام = بينه وبين الذات نقض التبارير
مدماس ليل // وجهل // وعتاب // وخصام= ورضا بصمت // وعرف // والمظلم ينير
مهزوز // راكز // عاجز وتقل سطام = مبهم .. مثل حلم(ن) ولا له تفاسير
زعول // قانع // وان رضا عوًد وزام = الوجه فاضح // واكتم السر في بير
ذاتي على ذاتي كما عنان ولجام = يوم الزلايب باللغا تنفخ الكير
النفس مهره .. عسفها شهور واعوام = ويا ما لجمة النفس واوردتها الخير
ويا ما توردني على درب الاعتام = ويا ما رمتني لغايرات التفاكير
واليا ذكرت اللي مضا .. خاطري هام = واخيل مثل اللي يخيل التباشير
فيه .. ان تبعت العقل .. عضيت الابهام = واليا تليت القلب .. ما ادور الغير
والله لو ما دونها قوم(ن) حشام = قوم(ن) على من يعتدي كالهزابير
لا اركب على اللي لا وطا القار زوام = مودع مطاويل المسافه مقاصير
يشدى نداوي(ن) على الخرب حوام = عطيب كف وللوطا حول مغير
فاما حياة(ن) عزها بالهنا دام = والا .. ممات تموت معه المحاسير

.
.
.
.

فايز بن سليمان العبدلي