وين الــــــــــــــرجولـــــــه؟

[رابح الغضيان]

المشاركة الأصلية كتبت بواسطة غموض الشمال

بالسوق نادني عسى الله يريعه=(.....) حسبني صيدتله ليا جاع
قال اصبري يا ام العيون الوسيعه=ردي على شخص متيم وملتاع
وشفيك خطواتك عجول وسريعه=شوفيني "أستايل" ونعوم مطواع
أنسان متحظر حياتي بديعه=ماني مثل بدو(ن) غريبين الاطباع
مصيفي بلندن بلاد الطبيعه=وبكل دوله صار لي نجم سطاع
من منظره صارت بقلبي فجيعه=شوفه يروعني وللرزق قطاع!
من لابسين الجنز حاله وضيعه=من قوم (طيحني) وللبشره اقناع
ولا الشعر كشه مناظر فظيعه=سوى كدش لموضة (الفسق) تباع
وين الرجوله؟ وين راحت قطيعه=اهل السلاسل قدرهم بيننا ضاع
قلبي عن اشكاله حصونه منيعه=مايعشق الا واحدٍ خالقه طاع
متمسكن بالدين وهدي الشريعه=ما هام بـ اوروبا ولا بأرضها صاع
مووروث جده حافظه مايبيعه=بالطيب والنخوه وللجار فزاع
مناته المكشات لاقبل ربيعه=وشوف الدلال وتحتها الجمر ولاع
حرٍ شجاع ودايمٍ بالطليعه=(أستايله) غتره مع ثيابٍ اوساع
هذاك منهو لاامرني أطيعه=هو منيتي ولا لي بغيره اطماع

الشاعرة المتألقه

غمووووض

لله درك ...


نصك ذكرني بتوقيع لي


فيـــــــــــــــه



كان الردى في زي ماقلت بدونز....انشهد اني بالردى حد راسي
وكان المراجل بالخواتم مع الجنز...اعلنت من برج المراجل افلاسي
وكان الوفا والطيب ياصاحبي كنز....هذا رصيدي بين ربعي وناسي





صح الله لسانك ورفع الله قدرك وصانك

تقبلي مروري

المتواضع امام شموخ نصك

تحيتي لك