من الجديد ( يــالــفؤاد الــكـــلــيـــل ... )

[عمر الأسمر البنتان]

ياصباح الفرح والونس عمرك طويل = خيم بصدري وكسر غموض القدر
يكفي إني تسربلت الحزن وسط ليل = وأتحرى يشعشع من خيوطك فجر
والسهر والقهر وإرهاق جسمن نحيل = والليالي وصوت الماء ودق النجر
كلها تجتمع في خاطري ياجميل = وأكتم الحزن وأقنب من صدوف الدهر
ياكليل الفؤاد ويالفؤاد الكليل = أعشقك للثمالة وإنتهاء العمر
فيك شين من الإعجاز والمستحيل = كل ما أمر دربك فاح دربك عطر
في شفاهك عسل وبمبسمك سلسبيل = وفي جبينك ضياءً غار منه القمر
والعيون الوساع تمد طرفن كحيل = يابعد كل عين صار شوفه شجر
والخشم مصقل وأتلاه شذرة سليل = ياعذاب السمر لايادمار الشقر
كل ما أقفيت زم المتن موج الجديل = وكل ما أقبلت زم الصدر ثقل الصدر
واعذابي معك يابو قوامن طويل = عنقك أغرب من الوقفة وأدهى وأمر
لاتنحيت عني صار جسمي عليل = ولا لفيت إسفهليت وبديت أستقر
لكن اليوم غبت ولابقالي خليل = وإنت تعرف غلاك ومابودك تمر
رح عسا الوالي يحفظك وإنس الجميل = وإنس شخصن يودك عاش عمره سهر
بس لاتتهم غيري بليا دليل = مايعرفك سوا أمك وأبوك وعمر
لو تعلمت بأن للحب معنى نبيل = ماتركتن وأنا قلبي على أولع جمر

[عليا الشمري]

ياكليـل الفـؤاد ويالـفـؤاد الكلـيـل
أعشقـك للثمالـة وإنتهـاء العـمـر
:
:
لن أبالغ لو قلت بيت عن قصيده كامله ..
بيض الله وجهك شاعرنا دوما معانق للأبداع ومتميز ..
وصح لسانك مدى العمر
تقديري ..
:
:

[جنون الحلم]

لاتنحيت عني صـار جسمـي عليـل
ولا لفيت إسفهليـت وبديـت أستقـر


الله عليك
صح لسانك وعلا شانك قصيده جميله بجمال روحك
دمت ولاهنت

اختك جنون الحلم

[الصقار]

فيك شين من الإعجـاز والمستحيـل
كل ما أمر دربك فـاح دربـك عطـر.....................
احسنت اخوي عمر ,,,,,,,,,,,,,,,وصح لسانك تقبل مروري واعجابي بهذه الراقيه...

[خلف الغريب]

رح عسا الوالي يحفظك وإنس الجميل
............................وإنس شخصن يودك عاش عمره سهر
بـس لاتتهـم غيـري بليـا دلـيـل
................................مايعرفك سوا أمـك وأبـوك وعمـر
لو تعلمت بـأن للحـب معنـى نبيـل
..............................ماتركتن وأنا قلبي على أولـع جمـر


حضور وجمال يليقان بعمر الاسمر .....

الف صح لسانك على هذا البوح الشجي...

شعر راقي يا عمر فهنيئا لنا بك..

[ماجد الغانم]

عمر الأسمر

صح لساانك ...ولاهنت

حضور شعر رااقي ...ومتميز

دمت بكل خير ..ودام هذا التميز


تقبل جل تقديري واحتراامي

[طلال الايداء]

صح الله لساانك،

زنص رااقي جميل ينم عن فلسفه شاااعريه جميله

يملكهااا شخصكــ


وفي انتظاار جديدك باااذن الله