اقتباس:
المشاركة الأصلية كتبت بواسطة العليا
:
:
:
ربما يكون الجفاء بعضا من الوفاء .. لا أدري !!
ولكن ماأدري به أنهُ لا وفاء .. لاحب .. لاصدق .. الحياة لعُبه .. والحب لعبةُ أكبر!!
أتمنى أن تجد لديكم .. القليل من الاستحسان .....
نسيتني وجروحك بقلبي وفيه مانست=تزورني في زحمة العالم ولا صرت وحدي
وجفيتني وأوجاعك الخرسا بجوفي ماجفت=كن الوجع أهلي وناسي في بعادك وولدي
وتركتني واقفيت وعيوني على السكه غفت=واتجرح الموق وأوجعني وضيق مرقدي
وغربتني ياوطن عليا وهي بارضك ربت=وضيعتني في بلاد الخوف والظن الردي
وإن مرت الذكرى بطاريك أو هي سولفت=يخمني الدمع لين اقبل على ضم لحدي
تضيـــــق روحي واختنق من صورتك لامن طرت=وأتنفس الموت لين اذبح من عيوني فدي
ياما على شانك سهرت الليل لاعينك غفت=وياكثر ماجيت في درب المحبه لك عدي
كنت احلف( لعذالي) انك غير وإن يوم غدرت=دنياي أبلقى فيك ظلي في ُمصابي وسندي
ولاكنت أسمع فيك قول الناس لو مهما حكت=فيك الثقه عدت حدود سهيل واطراف الجدي
وكنت اسألك لو يوم خانتنا الليالي واصرفت=عيني عن عيونك حبيبي تقدر تعيش بعدي
وكنت اوعدك إني أموت إن يوم به لحظه نست=روحي لروحك وانت توعدني بمثله موعدي
وكانت عيوني ماتشوف الا انت لو مهما رأت=وكانت عروقي تنبض بدمك وقلبك في يدي
وكناااا وكان الوصل ثالثنا وقمرانا ضوت=واليوم وصلك للأسف ظلام ليل(ن) سرمدي
(صرت اجهلك) ماكنك اللي يوم به روحي شقت=ولا عدت اعرفك آآآآآآآآه من ظلم الغياب المعتدي
ياسيدي دوك الضلوع الحدب وانظر وش نحت=هجرك على جرد العروق اللي بها ذكرك ندي
ورب العيون اللي بكت لاجلك ولاجلك ماعرفت=غير الدموع وقلة الحيله وضعفي وجهدي
ورب الشعور اللي تكسر داخلي لين ظهرت=ملامح الحرمان في وجهي وخاوان سهدي
ورب الدموع اللي غفت بوسادتي حتى نبت=شوك السهر بعيون من حبك وجرح لي يدي
إني ماجيتك طالبه حاجه ولو نفسي رجت=منك وصالك جعلها تفنى وترحل وتغدي
بس جيت أبسأل نفسك اللي داخلي يوم سكنت=وشلون قدرت تقتل النفس البريئه سيدي
وأبسألك يومك تشوف الروح جنبك كفنت=عجزت تدفنها ألين تصير جنبي (بلحدي)
يااخي ولو هو لجل عشرة هالليال اللي مضت=حقي عليك تودع عيوني وداع الاجودي
لكن عسى الله يغفر لمن هي على شانك جفت=كل البشر الين راح الكل واصبحت وحدي
والله يبيحك لاآخر الدنيا ولو روحك نست=يكفي جروحك في عروقي باقيه وسط جسدي...
تقديري للجميع
|
العليااا
هنا اقف متأملاً امام هذا النص المبهر بمعنى الكلمة ...
هنا اقف اجلالاً لهذا النص الشامخ ...
.
.
هنا اتنفس روح الشعر الصادق...
.
.
هنا تقف الكلماات حائرة امام الأشادة بهذا النص المتميز ...
اختي الفاضلة
العليا
صح لساانك ..ولاهنتِ
لله درك ..لله درك ..لله درك
..
.
نص كالماء الزلال انهمر ليسقينا عذب القوافي
سلم هذا البوح والنزف الراائع
اهنئك على هكذا حضور ...
ودمتِ بكل خير ..وداام هذا التميز
تقبلي خالص تحيااااتي
01/12/08, (02:41 PM)
رد: نسيتني وجرحك وفي ..
العرض المتطور
