قاصمة الظهر.......

[عبدالله المعيوف الدهمشي]

اه من جرحٍ لجا باقصى الضميـر
،،،،،، مايطيب الجـرح والدنيـا قهـر
والقهر لصـرت محتـاج لحقيـر
،،،،،، حاجتـك عنـده ولا عنهـا مفـر
وانت مضطرٍ ولا لك مـن مطيَـر
،،،،،، هـذه والله قاصـمـة الظـهـر
يتركـك تمشـي بخـطٍ مستديـر
،،،،،، لاقضـى الـلازم ولا قـدم عـذر
وان نخيته جاك مكسوفٍ حسيـر
،،،،،، وان بدا لـه غـرةٍ منـك غـدر
وانهزم عنـك مثـل زول البعيـر
،،،،،، مرخيٍ راسـه تقـل يتبـع اثـر
تزكي الاحـرار لصـاح النذيـر
،،،،،، لنخيت الحـر جـا يهـدر هـدر
يرتكي للحمل لو حملـه عسيـر
،،،،،، مايمل الحمـل لـو حملـه كثـر
وان زبنته خايفٍ بـه مستجيـر
،،،،،، دون عمرك حـط مالـه والعمـر
وش يجيب السيف للموس الشطير
،،،،،، ذا لقص الراس وذا لقص الشعـر


الشاعر أحمد العريفي

الله عليك

ما هذا الجمال

صح لسسانك ملايين

والبيت إللي يقولون الاخوان انه مكسور إللي هو

وانت مضطرٍ ولا لك مـن مطيَـر
،،،،،، هـذه والله قاصـمـة الظـهـر

البيت سليم مية مية والقصيدة كلها مية مية وانت مية مية

صح لسانك وسجلني من متابعينك