هوى عرعر وتعليله طريف

[صالح الضويحي]

المشاركة الأصلية كتبت بواسطة saad saif

ذكرنا الصيف بهذه القصيده والتي اضعها بين ايديكم عسى ان تنال ولو جزء يسير من اهتمامكم

الصيف فرّاقن لشمل المواليف = عندي خبر من ماضيات الليالي
وريم الصبايا كل ماقرّب الصيف = راحت تصيّف وتركتني لحالي
مصيفها مابين بيروت وجنيف = مرّه جنوب الارض00مرّه شمالي
ياحيف ياتاج الغنادير ياحيف = ياحيف والله ياشبيه الغزالي
وانا على شانه كثير التحاسيف = ماهو على شان المرح والتسالي
طبعي كذا ماحب بعض التصاريف = اعز نفسي عن هواجيس بالي
ولاني بمن يحسب لكثر المصاريف = كانه رخيص السوق وانكان غالي
من فضل من بالكون يعبد ولاشيف = ماني من اللي يكنزون الريالي
لكن 00 هواي وشف بالي هل الكيف = اهل المضايف محرقين الدلالي
اللي بلقياهم تطيب السواليف = سوالفن ماعذربوها الرجالي
عندي ( لهوى ) عرعر ( وتعليلة ) طريف = اكبر مساحة شوق تسكن خيالي
ولو انها تدري بقيمة .. سعد سيف= ماظنها يمكن تشد الرحالي
والله00 لو ماشفتها لاخر الصيف = انا مجال اهل المراجل مجالي

تحياتي ( سعد سيف )

سعد سيف

تسلم تسلم تسلم مليوووووووووووون

أخذتنا معك لجو العشق الاصيل وسافرنا سوياً الى عهد عبدالله بن سبيل وان كان الربيع هو مايفرّق الشمل عند عبدالله اهنا صورٍ بالغة التأثير وصورٍ أصيله أصالة والشموخ0
الصيف فرّاقن لشمل المواليف
......عندي خبر من ماضيات الليالي
ريم الصبايا كل ماقرّب الصيف
....... راحت تصيّف وتركتني لحالي

الله الله الله على جمال التصوير وصدق التعبير رائع جداً
طبعي كذا ماحب بعض التصاريف
...............اعز نفسي عن هواجيس بالي

ياسلام على مايعنيه هذا البيت وياروعة القناعة الذاتيه
امام عزة النفس والكرامه تذوب كل المؤثرات الاخرى ويضحى بكل ماهو غالي ونفيس 00
عندي ( لهوى ) عرعر ( وتعليلة ) طريف
...............اكبر مساحة شوق تسكن خيالي

عشق00 عزة وشموخ00 انتماء واعتزاز00

وقفت كثيرا امام هذه الشامخه التي ترسم صورٍ رائعه تحت توقيع أسمٍ لتواجده مكانه كبيره00

سعد سيف00

تسلم على هذا الحضور المشرّف
وصح لسانك وفكرك ودام تواصلك الرائع0

كل الود والتقدير والحب والاحترام اخي الغالي0