اباعترف لك باعتراف اني وربي خايفه

[ماجد الغانم]

المشاركة الأصلية كتبت بواسطة بنت العبيّه

مابغيت اسوي موضوع بالترحيب لني هنا بين اخوتي وجيت البي دعوه اللي دعاني
اتشرف بكم يالويلان واقبلو هالقصيده هديه مني .

ياصاحبي ماجت على كيف الجروح النازفه = لو هي على كيف الجروح الا توخى مقتلي
بس الله اقوى اللي مقوي هالظلوع النازفه = اللي مشرهني على بعض الامور اعن زعلي
ياصاحبي ان كان تسمح لي بشرح السالفه = وانا اعلمك الحقيقه بس بالشرح الملي
اباعترف لك باعتراف اني وربي خايفه = من تجربة حب/ن اخاف انه يموت من جهلي
ودي اجرب واعتلي صهوة حدود العاطفه = يعني على عرش المحبه باتربع واعتلي
ودي على صدر السما بين النجوم النايفه = افرش بساطي بالسما ويرتاح بي قلب/ن خلي
بس المصيبه كل حب/ن مثل ماني شايفه = ياصل بك حدود السحاب ويستهل وتنزلي
يعني مروره في عجل يشبه مرور العاصفه = ان ماتدمر بك بعض // يصبح دمارك اكملي
يشبه مشاوير الطريق اللي كذا متخالفه = وتحتار مابين الدروب اللي تبي توصلك لي
دروب/ن تجيبك في عجل مثل المشاعر زايفه = ان كان به حب/ن // فهو حب الحبيب الاولي
اما انا // فانا كذا عن كل حب/ن حالفه = مالي مشاريه/ن عليك // ولا لك مشاريه/ن عليّ
الحين اكيد انك عرفت من ويش مثلي خايفه = من تجربة حب/ن اخاف انه يموت من جهلي

الأخت الفاضله

والشاعره ألمبدعه

بنت العبيه

صح لسانك على هذه القصيده الجزله والرائعه

ولا هنت على هذا الأحساس الصادق

قصيده تستحق الأشاده والأعجاب

دمتِ ودام هذا التميز والأبداع

بأنتظار جديدك وأبداعك

تقبلي تحيااااااااااااااااااااااتي