يــ امـرؤ الـقـيـس مالـهـا داعــي

[سلمان الردسا]

المشاركة الأصلية كتبت بواسطة مزيد المزيد

مدخل :
.
.
.
.
قفا نبك من ذِكرى حبيب ومنزل
..........................بسِقطِ اللِّوى بينَ الدَّخول فحَوْملِ

فتوضح فالمقراة لم يَعفُ رسمها
..........................َ لما نسجتْها من جَنُوب وشمالِ

يا امرؤ القيس والله مالها داعي = وش له توقف على الاطلال تبكيها
لــ تقول ذكرى الحبيب بحجة اقناعي = وش تنفعك ذكريات ٍ راح ماضيها
من صد عني حرام ان جيت له ساعي = دام المحاني تقوم وجرحها فيها
القلب غبة بحر والفضل لشراعي = مايلتفت للحدود اللي يعديها
بالمركب اللي صنعته بس لــ أبداعي = قبطان .. من وين ما ودي اوديها

.
.
.
.
.
.
.
.
.

ويامرؤ القيس كان السر باوجاعي = بعض السوالف تموت بفم راعيها
الفكر عزفي ونبض القلب ايقاعي = والشعر ونسة عمر والناس ترويها
وان كان صدت كذا عن روض مرباعي = لاتحلم اني اجيب العذر وارضيها
والله لو ان الجفا يلوي لي ذراعي = لاقطع ذراعي لها والويه بيديها
اهل النفوس العزيزه عشقها واعي = ماتنحني للغرام اللي يوطيها

.
.
.
.
.
.
.
.
.

ويامرؤ القيس .. ماتخفاك الأفاعي = تموت والسم باقي في علابيها
لابارك الله بعذر ٍ جرح اسماعي = ولابارك الله بمن هو جاب طاريها

الاخ الكريم مزيد المزيد




صح لسانك قصيده رائع





من شاعر رائع بحجم مزيد المزيد 00000000000