الشعر واهس والمواقف رجاجيل = ومعنى الرجوله من معاني هدفها
ولاصارت الفكره مثل مهرة الخيل = ان طاوعت بالطيب والا نعسفها
والطيّبه تبغى صبورن وحلحيل = وان مامشت له بالرضى يختطفها
وهذا زمانن منه شفنا الغرابيل = طيب العوايد كلبوها نسفها
لاوالله الا راح جيل وظهر جيل = ناسن صراحه ماتمثل سلفها
وياقلب لاتحزن على مايل الميل = وبعض المواقف لو تضايقك طفها
وحنا من الموجز نعرف التفاصيل = ناسن نسجلها وناس نحذفها
وياقلب ريّح خل عنك التعاليل = ومجالسن فيها تكدرت عفها
مجالسن تجمع هل القال والقيل = ونمامتن سبل الغلط تحترفها
وشعاد لو ساقو بها غالي الهيل = مادام نقال النمايم ولفها
ناسن سواد قلوبها كنه الليل = متميزه باشكالها وتعرفها
حرام ليديهم تصب الفناجيل = ناسن على القاله تطوّح غدفها
لو مالهم بالهرج كله محاصيل = مافيه قاله مايجون بطرفها
ولو الحقيقه كنها نجمة سهيل = لاجاك عطشان السوالف حرفها
ناسن سياستها نفاقن وتمثيل = الله يلعنها ويلعن جدفها
أخي وصديقي واستاذي القدير أبوخالد رائعه . وكيف ماتكون رائعه وهي من شيخاً وشاعراً حكيماً .وتتحدث عن موضوعاً أجتماعياً واقعياً في بعض المجتمعات في هذه الايام فنجد بها عزة النفس وشموخ الرجال
مهما كتبت لن أفويها قدرها فتقف كلمات التعبر عاجزه امام هذه الرائعه،،،
تقبل تحياتي ودمت برعاية الله ,,,
13/07/05, (03:42 PM)
العرض الشجري